Chicago Spire by Santiago Calatrava

ဆန်ရှားဂိုး ကာလာထရာဗာ ဒီဇိုင်းဆွဲသော ချီကာဂိုကြောင်လိမ်

ချီကာဂိုကြောင်လိမ်က အီလီနွိုင်းပြည်နယ် ချီကာဂိုက အမှတ်အသား တစ်ခုလို့ သတ်မှတ်တာထက် ပိုပြီး သဘာဝတရား၊ ပထ၀ီမြေ၊ ရေ၊ လေ တို့ရဲ့အပြန်အလှန်အကျိုးပြုမှု တို့ကိုအသက်ဝင်ဖန်တီးထားတဲ့ စုဆုံမှတ်တစ်ခုလို့လည်းပြောလို့ရတယ်။

Santiago Calatrava နှလုံးသားထဲက ထွက်လာတဲ့ ၄င်းရဲ့အမြင်အရ ကမ္ဘာမြေကြီး ပေါ်က သက်ရှိတို့ဟာ မိသားစု ဆိုတဲ့စကားလုံးပေါ် အမှီအခိုပြုတယ်တဲ့။ သူကပြောတယ် ”ဒီအဆောက်အအုံဟာ လူသားတွေအတွက်ပါ။ လူတွေ သွားလာစားသောက်၊ အိပ်ကြ၊ ချစ်ကြ၊ ငိုကြရယ်ကြ၊ ခံစားပျော်ရွှင်ကြမယ့် အိမ်လေးတစ်ခုပေါ့။“ အိမ်ဆိုတဲ့နေရာမှာ တော်တော်များများက မျက်စိထဲ ချွန်ချွန်နဲ့ ခေါင်မိုးပဲ တန်းမြင်ကြတယ်လေ။ ဒါပေမယ့် အဘိဓ္ဓာန်မှာ မိသားစုတွေ သတ္တ၀ါတွေ စုဝေးနေထိုင်လို့ ရတဲ့နေရာပါတဲ့။ အိမ်ကိုရှည်ရှည် နောနောမပြောတော့ဘူး။

ကဲဆက်ရအောင်။ သူခရီးသွားတိုင်း အမြဲဆောင်သွားတဲ့ ခရုလိုမျိုးပဲ ချီကာဂိုကြောင်လိမ်ဟာ အံ့သြချီးမွမ်းလောက်အောင် ရှင်းလင်းသပ်ရပ်ပေမဲ့ ရှုပ်ထွေးနက်နဲတဲ့ စိတ်ကူးဒ်ီဇိုင်းနဲ့ ပုံဖော်ထားတာပါ။ ဤခမ်းနားလွန်းလှတဲ့ သူ့ဒီဇိုင်းကို သဘာဝတရားရဲ့ ထပ်တလဲလဲဖြစ်မှု အချိုးကျမှု၊ သင်္ချာဗေဒနှင့် အနုပညာရဲ့ အောင်မြင်မှုအပေါ် ခံစားရေးဆွဲထားတာဖြစ်တယ်။ သဘာဝမှာ ထပ်တလဲလဲဖြစ်မှုတွေ ရှိပါတယ်။ ဥပမာ- ခရုခွံမှာဆိုရင် အရစ်အရစ်တွေ ထပ်တလဲလဲ ပေါ်နေတာ တွေ့ရမှာပေါ့။ ဒါကြောင့်မို့ သူက သူ့ဒီဇိုင်းကိုကြည့်ရင် သဘာဝတရားကို ဆက်စပ်တွေးတော မိစေပါလိမ့်မယ်လို့ ဆိုထားပါတယ်။ ဆွစ်စ် ဗိသုကာပညာရှင် လီကော်ဘူဇီရေး(Le Corbusier) ရဲ့အောင်မြင်မှု၊ ဖီဘိုနာချီ ကိန်းဂဏာန်းတွဲ နဲ့ ရွှေရောင်အချိုးတွေကို ယုံကြည်မှုတွေက သူ့ရဲ့ဒီဇိုင်းကို လွမ်းမိုးမှုရှိပါတယ်။ သူ့ကိုလမ်းညွှန်ပေးတဲ့ ကိန်းဂဏာန်းတွဲ တွေဆိုလဲ မမှားပါဘူး။ ဖီဘိုနာချီ ကိန်းဂဏာန်းတွဲ ကတော့ အထက်တန်းသင်္ချာ သင်ဖူးရင်သိပါလိမ့်မယ်။

ပိုသိချင်ရင်တော့ ဂူဂဲလ် ကြည့်ပါ။ ရွှေရောင်အချိုးကိုတော့ မသိတဲ့သူတွေ အတွက်ရှင်းပါမယ်။ ဗိသုကာမှာ အရေးကြီးတဲ့ အတွက်ကြောင့်မလို့ပါ။ အဲ့ဒီ့အချိုးက ၁.၆၁၈ ပါ။ ဂဏာန်းနှစ်ခုပေါင်း နှင့် နှစ်ခုထဲမှ ပိုကြီးတဲ့ဂဏာန်းရဲ့ အချိုးက အဲ့ဒီဂဏာန်းနှစ်ခုရဲ့ အချိုးနဲ့တူရင် အဲဒီအချိုးကို ရွှေရောင်အချိုး လို့ခေါ်ပါတယ်။ ဥပမာ- ၁ နှင့် square root ၅. ဟုတ်မဟုတ်တွက် ကြည့်လိုက်ကြပေါ့။ ဒီအချိုးပေါ်အခြေခံပြီး ဆွဲထားတဲ့ ရွှေရောင် စတုဂံ ကတော့ သင်္ချာသဘာဝတရား အရ အရမ်းလှပါတယ်လို့ ပညာရှင်တွေက ယူဆတဲ့အတွက် အနုပညာရှင် ဗိသုကာပညာရှင်တွေက ဒီအချိုးကိုသူတို့ရဲ့ ဒီဇိုင်းမှာ သုံးကြပါတယ်။ လှမလှတော့ ကိုယ့်ဘာသာကိုယ် ခံစားကြည့်ကြပေါ့။ ကာလာထရာဗာရဲ့ ဒီဇိုင်းကို ဆက်ကြည့်ရအောင်။ သူလည်း ဒီအချိုးကို အခြေခံပြီးဆွဲထားတာပေါ့။ သူက ဒီပုံသဏ္ဌာန်ဟာ အနုပညာအခြေခံများ၊ အရည်တို့ရဲ့ စီးဆင်းနိုင်မှုသဘောတရား၊ ရှင်သန်မှု နှင့် အခြေခံ ဂျီသြမေထရီ အင်အားတွေကို ကိုယ်စားပြုပါတယ်တဲ့။

နည်းနည်း ဒဿန ဆန်သွားတယ်နော်။ အရမ်းလှတဲ့ ဗိသုကာအဆောက်အအုံတွေမှာ ဒဿနတွေ အမြဲရှိနေပါတယ်။ ရစ်ခွေနေတဲ့ ခရုခွံကိုကြည့်ပါ။ ချီကာဂိုကြောင်လိမ်ကလည်း နူးညံ့တဲ့အရစ်တွေနဲ့ တစ်ရစ်ပြီးတစ်ရစ် သင့်ကို ပေ ၂၀၀၀ လောက် အမြင့်အထိကို ခေါ်ဆောင် သွားပါလိမ့်မယ်။ မီချီဂန် ရေကန်ဘေးက တစ်ထပ်ကို ၂.၄၄ံနဲ့ စုစုပေါင်း ၃၆၀ံ လိမ်တက်သွားမယ့် ဤအဆောက်အအုံဟာ ပြာနမ်းနေတဲ့ ကန်ကို ရောင်ပြန်ဟတ်ပြီး ချီကာဂိုမြို့တော်ကို လင်းလက်စေမှာ အမှန်ပါ။ ဒီလို အဆောက်အအုံမျိုးကို တခြား ဘယ်နေရာမှာမှ တွေ့နိုင်မှာမဟုတ်ပါဘူး။ ချီကာဂိုမြို့ရဲ့ တခြားနံမည်ကြီး သမိုင်းဝင် အဆောက်အအုံတွေလိုပဲ ချီကာဂိုကြောင်လိမ်ဟာ အလျားလိုက်ဖြစ်နေတဲ့ မီချီဂန်ရေကန် နှင့် ဖဲကြိုးလို လိမ်နေတဲ့ ချီကာဂိုမြစ် တွေကို ၄င်းတို့ရဲ့ဆုံမှတ်မှာ လှပစွာအနုပညာရှိရှိ တုန့်ပြန်ပါလိမ့်တယ်။

၂၀၁၁ မှာဆောက်လုပ်ပြီးစီးမယ့် ဒီအဆောက်အအုံဟာ ဒူဘိုင်းက ဘာ့ဂ်ျ အာရပ် ပြီးရင် ကမ္ဘာပေါ်မှာဒုတိယ အမြင့်ဆုံး နှင့် အမေရိကမှာ အမြင့်ဆုံးပါ။ ချီကာဂိုလူထုကတော့ ဧရာမ လွန်ပူ လို့ နံမည်ပေးထား သတဲ့။ သတင်းဌာနတွေကတော့ လိမ်နေတဲ့သစ်ပင်မြင့်၊ မြက်ပင်ဓားသွား ဆိုပဲ။ အထပ် ၁၅၀ နီးပါး ရှိမယ့် ဒီတိုက်မှာ ကွန်ဒိုမီနီယံ ၁၁၉၃ လုံးပါမှာပါ။ ကာလာထရာဗာ ပြောသလို အမှန်တကယ် သက်ဝင်လှုပ်ရှားနေတယ့် ချီကာဂိုမြို့ရဲ့ မိုးကုတ်စက်ဝိုင်းမှ မိုးမျှော်တိုက် တစ်လုံးဖြစ်လာပါလိမ့်မယ်။

ထပ်တလဲလဲဖြစ်မှု = Repetition
ဖီဘိုနာချီ ကိန်းဂဏာန်းတွဲ = Fibonacci sequences
ရွှေရောင်အချိုး = Golden ratio
ရွှေရောင် စတုဂံ = Golden rectangle

လင်းစစ်သူ