ဒီအက ၅ခုထဲက ဘယ်အက ကို နိုင်မယ်လို့ ထင်သလဲ?

စာမေးပွဲအကြောင်းပြပြီး စာမရေးတာကြာပေါ့။ ဟဲ ဟဲ ဖြေနိုင်လားမေးရင် တရားနဲ့ ဖြေခဲ့ပါတယ်။ စာမေးပွဲ သင်္ခါရပေါ့။ :D
လွန်ခဲ့တဲ့ တစ်ပါတ်လောက်က Web Surf နေရင်းကနေ Emmy ဆုစာရင်းတွေ ထွက်ပြီဆိုတာ ဖတ်လိုက်ရပါတယ်။ အမ်မီဆု ဆိုတာကတော့ USA မှာ TV စီးရီးတွေရဲ့ အော်စကာပါပဲ။ တော်တော်လေးပါဝါကြီးတယ်ပေါ့။ သူပေးတဲ့ဆုတွေကလည်း တော်တော်များတယ်။ ဆုစာရင်းအပြည့်အစုံကိုတော့ ဒီမှာ သွားကြည့်နိုင်ပါတယ်။
အဲဒါနဲ့ အကောင်းဆုံးအကကွက် (Best Choreography) ကို သွားကြည့်လိုက်တော့ ပေဖူးကြိုက်တဲ့ So You Think You Can Dance Show က ဆန်ကာတင် ငါးနေရာမှာ သုံးနေရာယူထားတာတွေ့ရတယ်။ ကျန်တဲ့ နှစ်ခုကလဲ စပါယ်ရှယ်ပါပဲ။ ဘယ်သူရမလဲတော့ မသိဘူး။
YouTube မှာ အဲဒီ အကလေးတွေကို ပြန်ရှာပြီး တင်ပေးလိုက်ပါတယ်။ ဘယ်သူရမလဲထင်တယ်ဆိုတာ အောက်မှာ မဲပေးသွားဦးနော်။

အက နံပါတ် ၁
So You Think You Can Dance
Routine: Transformers / “Fuego”; Choreographer: Shane Sparks
နာမည်ကြီး အကပညာရှင် Shane Sparks ရဲ့ Hip Hop Routine လေးပါ။ ဒီnumberနဲ့ ပတ်သတ်ပြီး အမှတ်တရလေးကတော့ ဒီအကကို ပထမဆုံးကြည့်ဖူးတာပဲ။ အဲဒီတုန်းက ပေဖူး USကို ရောက်ခါစ သူငယ်ချင်းတစ်ယောက်က YouTube Link လာပေးလို့ ကြည့်ဖြစ်သွားတာကနေ ကြိုက်သွားတော့ တာပဲ။ :D
ကတဲ့ Dancer နှစ်ယောက်ကတော့ Pasha နဲ့ Lauren ပါ။ Pasha က Ballroom Dancer ပါ။ Hip Hop နဲ့ အကျွှမ်းတ၀င်မရှိပေမဲ့ Lauren ကတော့ ကောင်းကောင်းကတတ်ပါတယ်တဲ့။ အဲဒီ Season တုန်းက Pasha က Top 8, Lauren က Top 6 ချိတ်ပါတယ်။ ဟစ်ဟော့အကကို အဲဒီအချိန်တုံးက Transformer ဇာတ်ကား ခေတ်စားနေတဲ့အတွက် စက်ရုပ်ပုံစံ ကသွားတာပေါ့။
များသောအားဖြင့် ပေဖူးအကတွေ အကြောင်းတင်ရင် စကားပြောခန်းတွေ မပါတဲ့ Video Clip တွေကို ရှာတင်လေ့ရှိပါတယ်။ ဒီတစ်ခေါက်တော့ Choreographer Shane Sparks ပါ မြင်စေလိုတဲ့ ရည်ရွယ်ချက်နဲ့ အကတိုက်တုန်းက Video လေးကိုပါ လင့်ခ်လိုက်ပါတယ်။



အောက်မှာ လေးခုကျန်သေးတယ်။

အက နံပါတ် ၂
So You Think You Can Dance;
Routine: Table / “Sweet Dreams (Are Made Of This)”;
Choreographer: Mandy Moore
ဒါကတော့ ငါးခုထဲမှာ ပေဖူးအကြိုက်ဆုံးပါ။ ပေဖူးသာ ဒိုင်ဆိုရင် အကဆရာမ Mandy Moore ကိုပဲ ပေးဖြစ်မှာပါ။ ထုံးစံအတိုင်း အကဆရာမကို ကြည့်ချင်ရင် အကတိုက်တဲ့ အကြောင်းကို ဒီမှာ Link ပြန်ချိတ်ထားပါတယ်။ အကပုံစံကတော့ Jazz ပါ။ ဒီ number မှာ Business Negotiation အကြောင်းကို သရုပ်ဖော်ထားတာပါ။
ကတဲ့သူတွေကတော့ Neil နဲ့ Sabra ပါ။ Neil က နံပါတ်သုံးချိတ်ခဲ့ပြီး Sabra ကတော့ Winner ပါ။ ကကွက်တွေကတော့ စားပွဲကို အဓိကထားပြီး ကောင်းကောင်းကြီး အသုံးချသွားပါတယ်။ သူတို့ရဲ့ လက်တွေက စီးပွားရေးမှာ သုံးတဲ့ အကြောင်းတွေ သရုပ်ဖော်သွားတာပေါ့။ Neil ရဲ့ Gymnastic Trick တွေကလဲ သူ့နေရာနဲ့သူ ကြည့်လို့ကောင်းပါတယ်။ စကားမစပ် သီချင်းကြိုက်ရင် ပြောပါ။ ပေဖူးဆီမှာ ရှိတယ်။




အက နံပါတ် ၃
So You Think You Can Dance;
Routine: Hummingbird and Flower / “The Chairman’s Waltz”;
Choreographer: Wade Robson
Wade Robson ဆိုတာ ဒီအမျိုးအစားထဲမှာ Emmy ဆုတစ်ခါရပြီးသား အကဆရာပါ။ သူဆုရခဲ့တဲ့ Video ကို နောက်သူ့အကြောင်းရေးတဲ့အခါ တင်ပေးပါ့မယ်။ လူသာငယ်တာ တော်တော်လေးကို တော်တဲ့ အနုပညာရှင်ပါ။ အကအကြောင်းကတော့ ကောင်မလေးက ပန်းကလေးပေါ့။ ကောင်လေးကတော့ ငှက်ကလေးပါ။ ဒီမှာလဲ အကတိုက်တဲ့အကြောင်းကို Link ချိတ်ပေးလိုက်ပါတယ်။ ခပ်ချောချော Wade Robson ကိုလည်း မြင်ရတာပေါ့။ အဟိ။
အကအမျိုးအစားကတော့ Jazz ပါ။ ကသွားတဲ့ နှစ်ယောက်ကတော့ Jaime နဲ့ Hok ပါ။ Jaime က Contemporary Dancer ဖြစ်တဲ့အတွက် သူ့ရဲ့ လိုင်းတွေက အရမ်းလှပါတယ်။ ပန်းကလေးတဖြည်းဖြည်းချင်း ပွင့်အံလာတာက အရမ်းလှပြီး ပညာသားပါတယ်နော်။ Hok ကတော့ B-Boy ပါ။ သူက QUEST Dance Crew မှာ ကပါတယ်။ ဒီအကလေးကော ဆုရမယ်ထင်လား?????





အက နံပါတ် ၄
Dancing With the Stars;
Routine: Mambo / "Para Los Rumberos";
Choreographer: Julianne Hough
Dancing with the Stars Show ကလဲ တစ်နေရာချိတ်ပါတယ်။ Julianne Hough ရဲ့ လက်တင်အမျိုးအစား Mambo အကပါ။ ဒီအကမှာတော့ Choreographer ကိုတိုင် ၀င်ကတယ်နော်။ သူလေးက အသက် ၁၉နှစ်ပဲ ရှိပါသေးတယ်။ သူ့အသက်နဲ့ အရည်အချင်းက အံ့မခန်းပါပဲ။ ဒီမှာ အကတိုက်တုန်းက အကြောင်းတွေ Link။ သြော် မေ့လို့ ဒီအစီအစဉ်တင်ဆက်သူ Tom Bergeon လဲ အကောင်းဆုံး တင်ဆက်သူ ဆန်ကာတင်စာရင်းထဲမှာ ပါတယ်။ Dancing with the Stars show က မိတ်ကပ်ဆု၊ တည်းဖြတ်ဆုတွေ အပြင် တခြားတော်တော်များများနေရာတွေကိုလည်း ချိတ်ပါတယ်။
သူနဲ့ အတူတူ တွဲကတဲ့ Star ကတော့ Indy 500 Champion Helio Castroneves ပါ။ သူတို့နှစ်ယောက် နောက်ဆုံးပြိုင်ပွဲမှာ နိုင်သွားပါတယ်။ ပေဖူးတကယ်ကြိုက်တာက Final မှာ ကသွားတဲ့ Free Style ပါ။ Free Style ကို လင့်ခ်ချိတ်ထားတယ်။ အကဲဖြတ်သွားလို့ ရအောင်ပေါ့။





အက နံပါတ် ၅
High School Musical 2;
Routines: "What Time Is It?", "Fabulous", "Work This Out", "I Don’t Dance", "You Are the Music In Me", "For One";
Choreographer: Kenny Ortega
စာဖတ်သူတော်တော်များများ High School Musical စီးရီးကို ကြည့်ဖူးကြမှာပါ။ US မှာ ဆယ်ကျော်သက်တော်တော်များများရဲ့ အသဲစွဲပေါ့။ ဒီစီးရီးကိုတိုင်လဲ Outstanding Children Program မှာ နေရာချိတ်ထားပါတယ်။ ဒီစီးရီးရိုက်ခဲ့တဲ့နေရာက တကယ့် အထက်တန်းကျောင်းမှာပါ။
Zac Efron, Venessa Hudgens, Ashley Tisdale နဲ့ Lucas Grabeel တို့ အဓိက ပါဝင်သရုပ်ဆောင်တာပါ။ သီချင်းတွေ အားလုံကိုလည်း သူတို့ပဲ ဆိုထားတာပါ။ ပေါ့ပေါ့ပါးပါး Hip Hop စတိုင်လေးပါ Broadway ပုံလဲ နည်းနည်းဆန်ပါတယ်။ အောက်က Video လေးက What time is it? Summer time ပါ။ ကျောင်းနောက်ဆုံးနေ့ကို ပျော်ပျော်ရွှင်ရွှင်အဆုံးသတ်တဲ့ အကြောင်းလေးပေါ့။ ၂း၂၅ မိနစ်က ဘတ်စကက်ဘောကကွက်လေးကိုတော့ တော်တော်နှစ်သက်မိတယ်။ :)
တခြားVideo တွေဖြစ်တဲ့
We are all in this together,
Work this out,
I don’t dance,
You are the music in me,
All for one,
Fabulous
ကိုတော့ လင့်ခ်ပဲချိတ်လိုက်ပါတယ်။



ကဲ စာဖတ်သူတွေကော ဘယ်သူရမယ်ထင်လဲ။

ပျော်ရွှင်ကြပါစေ။
ပေဖူးလွှာ