ဘ၀ ဆိုတာ အခက်အခဲ
"ဘ၀ဆို တာ အခက်အခဲ" ဆိုတာ အမြဲတမ်း မှန်ကန် နေတဲ့ အမှန်တရား ပင်တည်း။ ကျွန်တော်တို့ တတွေ ဤအမှန်တရား ကိုသာ မြင်နိုင်မယ် နားလည် နိုင်မယ် ဆိုရင် ကျွန်တော်တို့ ဘ၀ ရှေ့ရေး အတွက် အများကြီး ပိုပြီး အထောက် အကူ ရရှိပါ လိမ့်မယ်။ [ဘ၀ = အခက်အခဲ] ဆိုတဲ့ သဘော တရားကို အပြည့်အ၀ လက်ခံ ယုံကြည် နိုင်ပြီ ဆိုရင်၊ "ကျွန်တော်တို့ရဲ့ ဘ၀ဟာ ခက်ခဲလှပါတယ်" ဆိုတဲ့ နိယာမက ကျွန်တော်တို့ကို ဆက်လက်ပြီး ဒုက္ခ ပေးနေမှာ မဟုတ်တော့ ပါဘူး။

ဘ၀ကို ဘယ်အရာက ခက်ခဲအောင် လုပ်နေသလဲဆိုတော့ ပြဿနာကို ရင်ဆိုင် ဖြေရှင်း နိုင်စွမ်း မရှိခြင်း က ပြုလုပ်နေတာ ဖြစ်ပါတယ်။ ပြဿနာဆိုတဲ့ အရာတွေက ကျွန်တော်တို့ လူသားတွေကို စိတ်ရှုပ်ထွေးမှုတွေ၊ စိတ်မကောင်းမှုတွေ၊ စိတ်နာကျင်မှုတွေ၊ အထီးကျန်ဆန်မှုတွေ၊ ဒေါသတွေ၊ ကြောက်ရွံ့မှုတွေ၊ စိတ်ညစ်မှုတွေ၊ စိတ်မငြိမ်မှုတွေ၊ စိတ်ဓာတ်ကျမှုတွေ၊ အစရှိတဲ့ အင်မတန် ဆိုးလှတဲ့ ခံစားချက်တွေကို ခံစားစေပါတယ်။ ကျွန်တော်တို့ရဲ့ ဘ၀၊ ကျွန်တော်တို့ရဲ့ စိတ် တွေကို တစ်စုံတစ်ခုက ထိခိုက် စေပြီ ဆိုရင် အဲ့ဒီ တစ်စုံတစ်ခုကို ကျွန်တော်တို့ ပြဿနာလို့ သတ်မှတ် ကြပါတယ်။ ဘ၀မှာ တစ်ကယ်တော့ ဘာဆို ဘာမှ မတည်မြဲပါဘူး။ အမြဲတမ်း ပျော်ရွှင်မှုတွေနဲ့ မတွေ့ကြုံနိုင်သလို အမြဲတမ်း နာကျင်တာတွေပဲ မရှိနိုင်ပါဘူး။

ပြဿနာဆိုတဲ့ အရာကို ရှောင်ပုန်း တာထက် ထိပ်တိုက် ရင်ဆိုင် ဖြေရှင်းတာက အကျိုး အများကြီးရှိပါတယ်။ ပြဿနာတစ်ခုကို ခေါင်းရှောင် နေရုံနဲ့တော့ အဲ့ဒီ ပြဿနာက ပြီးသွားလိမ့်မှာ မဟုတ်ပါဘူး။ အဲ့လို ရှောင်နေမယ့် အစား ရင်ဆိုင်လိုက်ပြီး အဲ့ဒီ ပြဿနာထဲက သင်ခန်းစာလေးတွေကို ယူတတ်လာမယ် ဆိုရင် ဘ၀မှာ ပြဿနာဟာ ပြဿနာထက် ဘ၀ရဲ့ ပဲ့တင်လမ်းပြပေးတဲ့ အရာဖြစ်လာပါ လိမ့်မယ်။
ကျွန်တော်တို့ တော်တော်များများဟာ ဒီရိုးရှင်းလှတဲ့ သဘောတရားလေးကို နားမလည် ကြပါဘူး။ နာကျင်မှုကို ကြောက်တတ်တဲ့ ကျွန်တော်တို့ လူသားတွေရဲ့ ပင်ကိုယ် စိတ်ဓာတ်က ကျွန်တော်တို့ တွေကို ဒုက္ခပေးနေတာ ဖြစ်ပါတယ်။ ကျွန်တော်တို့တွေဟာ အများအားဖြင့် အချိန်ဆွဲလေ့ရှိပါတယ်။ ပြဿနာတွေ၊ နာကျင်မှုတွေကို ဒီလိုနဲ့ ရှောင်ပုန်းပြီး လျစ်လျူရှုထားလိုက်တာနဲ့ သူတို့ တစ်ချိန်မှာ ကျွန်တော်တို့ ဆီကနေ ထွက်သွားလိမ့်မည် ဟူသော မျှော်လင့်ချက်တွေနဲ့ ရင်ဆိုင်နေကြပါတယ်။ ဒီပြဿနာ ဆိုတဲ့ အရာတွေ မရှိပါဘူး ဆိုပြီး အတင်း မေ့ဖို့ ကြိုးစားလေ့ရှိပါတယ်။ ဒါပေမယ့် အဆုံးမှာတော့ ဒီလို ပြုမူခြင်းတွေဟာ ထူးမလာပါဘူး။ အဆုံးမှာတော့ ဒီပြဿနာတွေဟာ ပိုပြီး ကြီးထွား လာပါတယ်။ လွယ်လွယ်ကူကူနဲ့ ဖြေရှင်းရမယ့် ပြဿနာတစ်ခုကို ကြီးထွားလာအောင် မွေးမြူရင်းနဲ့ တစ်ချိန်ကျရင် ပိုပြီး နာကျင် ခံစားရမှာက မိမိတို့ကိုယ်တိုင်ပင် ဖြစ်ပါတယ်။

လူသားတွေ ပြဿနာကို ရှောင်ပုန်းခြင်းမှ ကင်းဝေးကြပါစေ။
Tea
8 comments:
အခုမှ တီးဘလောပ်ကို ရောက်တာပါ
ဘ၀ = အခက်အခဲ ဆိုတဲ့အိုင်ဒီယာလေးကို ကြိုက်မိပါတယ် သို့သော် တီးပြောသလို ကျမတို့က ဖြစ်နိုင်ရင် ပြသနာတွေကိုရှောင်ဖို့ကြိုးစားကြပါတယ် ဒါဟာလည်းလူ့သဘာဝဆိုတာ မှန်ပါတယ် မရှောင်နိုင်အောင် ကြိုးစားဖို့တော့ မေဦးတို့အများကြီးကြိုးစားရဦးမယ်လို့ထင်တယ် လူတွေကိုက သူတို့ရဲ့ဘ၀မှာ ခေါင်းရှောင်နေရတာဝါသနာပါတယ်ထင်ပါရဲ့ တော်ပါပြီ ဒီအကြောင်းတွေစဉ်းစားရင်မေဦးစိတ်ညစ်လာပြီ ရှောင်တဲ့အနေနဲ့ဆေးသောက်လိုက်ဦးမည် တီးပြောထားသလို မရှောင်ဖို့ကိုတော့ကြိုးစားကြည့်ပါဦးမယ်
တီးရေဘာလို့လဲမသိဘူးကောမန့်ကမပေါ်ဘူးဖြစ်နေတယ်၊ ဒီက ကော်နယ်ရှင်ကြောင့်ကြောင်နေတာလားမသိဘူး၊ ၂ခါတောင် တင်ပြီးသွားပြီ
Comment က အခုပေါ်သွားပါပြီ၊ moderate မလုပ်ရသေးလို့ပါဗျာ။ duplicate ဖြစ်နေတဲ့ တစ်ခုကို ဖျက်လိုက်ပါတယ်။
ဟုတ်ကဲ့ပါ nan.. ကျွန်တော်ပြောတုန်းပဲရှိသေးတယ်၊ nan က procrastinate လုပ်နေပြီ၊ အချိန်ဆွဲပြီး ဆေးတွေသောက်ပြီး နောက်ကျမှ ပြဿနာကို ရင်ဆိုင်မယ်လို့ ရည်ရွယ်နေပြီ။ :)
နောက်မှ ကြိုးစားမယ်လို့ ဆုံးဖြတ်တာထက် လက်ရှိ ဆုံးဖြတ်ရင် ပိုအကျိုးရှိမယ်လို့ ကျွန်တော် ယုံကြည်ပါတယ်။
ကျေးဇူးတင်ပါတယ်။
ဟုတ်ပါပြီ
ကြိုးစားပါဦးမယ်
နှစ်ခါတင်မိတာဆော်ယီးပါမသိလို့ပါ
တီးရေ
ပြဿနာတွေကို ကိုယ့်ရဲ့ စိတ်ကို ရှင်သန် ရင့်ကျက်စေမယ့် အရာ တစ်ခု လို့ သတ်မှတ်တာ လက်ခံတယ်။ တချိန်ကျရင် ဟာသမြောက်နေမယ့် အရာလို့ သတ်မှတ်ပြီး ကျော်ဖြတ်ခဲ့တာ များတယ်။ ။ ဝမ်းနည်း ဝမ်းသာ အားလုံးပေါ့။ ။ တခုရှိတာက တခါတခါကျရင် ဘယ်လို ရင်ဆိုင်ဖြေရှင်းရမှန်း မသိ ဖြစ်နေတာပဲ။ ။ နည်းလမ်း ရှာမတွေ့ဘူးပေါ့ဟာ။ ။
အခက်အခဲ ရှိနေတာကို လက်ခံနိုင်ပြီး ဘာက ခက်ခဲအောင် လုပ်နေတာလဲ ဆိုတာကို ရှာမရနိုင်ဖြစ်နေတတ်တယ်။ ။ အဲဒါကို ဘယ်လိုကျော်ဖြတ်ကြမလဲ။ ။
အခက်ဲအခဲကို ကျော်ဖြတ်ဖို့ကတော့ ဖြစ်နေတဲ့ ပြဿနာနဲ့ အခြေအနေပေါ်မှာ မူတည်တယ်လို့ ယုံကြည်ပါတယ်။ အဲ့ဒီအခြေအနေမှာ ကာယံကံရှင်က အကောင်းဆုံး ဆုံးဖြတ်ချက်ကို ချနိုင်တော့ ပိုကောင်း တာပေါ့။
ဒါပေမယ့်လေ။ အဲ့လို အခြေအနေမျိုးမှာ လူတွေရဲ့ စိတ်က ဗရုတ်သုတ်ခ ဖြစ်နေတာဆိုတော့ ဆုံးဖြတ်ချက်ချရင် မှားတတ်ပါတယ်။ အဲ့လိုမမှားရအောင် ကိုယ့်အပေါ် သိတတ်နားလည်တဲ့၊ ကိုယ်နဲ့ အတူ ထပ်တူခံစားပေးနိုင်တဲ့ သူငယ်ချင်းပဲ ဖြစ်ဖြစ်၊ မိဘ၊ ဆရာ၊ ချစ်သူ၊ အိမ်ထောင်ဖက်.. စတာတွေနဲ့ တိုင်ပင် ဆွေးနွေးဖို့ အကြံပြုချင်ပါတယ်။ သူငယ်ချင်းတို့ မိဘတို့ ဆိုတာကလည်း ကတယ် အရေးကြုံရင် ဥာဏ်ကူဖို့ပဲ မဟုတ်ပါလားဗျာ..
ဖြစ်လာတဲ့ ပြဿနာတွေမှာ စိတ်ကို တည်ငြိမ်အောင်ထားပြီး အဲ့ဒီ ပြဿနာတွေကို ထိပ်တိုက် ရင်ဆိုင် ဖြေရှင်းမှသာ အားလုံးအတွက်ရော မိမိအတွက်ပါ အကျိုးရှိမယ်လို့ ယုံကြည်ပါတယ်။
ကျွန်တော်လည်း ပထမကတော့ သိပ်နားမလည်ဘူး
အခုတော့ရှင်းသွားပါပြီ ......ကျေးဇူးတင်ပါတယ်။
လူသားတစ်ယောက်အနေနဲ့တွေ့ရမယ် အခက်ခဲတွေကို
ကျွန်တော် ပျော်ပျော်ကြီးဖြတ်သန်းရဲသွားပြီ။ကျွန်တော်
နောက်ကိုဘယ်တော့မှ တွ့န့်ဆုတ်မနေတော့ဘူးလို
ဆုံးဖြတ်ထားပါတယ် ။
Post a Comment