နှလုံးသားပြဿနာအဖြေရှာ

ပြီးခဲ့တဲ့ September 28th ရက်နေ.ဟာ ကမ္ဘာ့ နှလုံးများနေ. ဖြစ်ပါတယ်။ အဲ့ဒီနေ.ကိုဂုဏ်ပြုပြီး ဒီpost ကိုတင်လိုက်ပါတယ်။

"အိမ်နားက အဖိုးကြီး တစ်ယောက် heart attack ရသွားတယ်" ၊ ရုပ်ရှင်ထဲက မင်းသမီးအမေ အောင့်တယ် ၊ အောင့်တယ် ဆိုပြီး ရင်ဘတ်ကို ဖိပြီး လဲကျသွားတယ်" စသဖြင့် ကျွန်တော်တို. ပတ်ဝန်းကျင်မှာ ဒီလို စကားတွေ ကြားနေရ တတ်ပါတယ်။ ဒါဟာ heart attack ဆိုတဲ့အလွန်ဆိုးရွားတဲ့ နှလုံး ရောဂါကြောင့်ပဲ ဖြစ်ပါတယ်။ ဆေးပညာ ခေါ်အဝေါ်နဲ. Myocardial Infarction (MI) လို.လည်း ခေါ်ပါတယ်။ လူတွေရဲ. နေထိုင်မှုပုံစံ (Life style) ပြောင်းလဲ လာတာနဲ. အမျှ ဒီလို ရောဂါတွေ နေ.စဉ်နဲ. အမျှ ပိုပိုပြီး ဖြစ်လာ ကြပါတယ်။ စက္ကန်. နဲ. မိနစ် နဲ. အမျှ ဒီရောဂါနဲ. လူတွေ သေဆုံး နေကြ ရပါတယ်။ ဒါကြောင့် ဒီရောဂါ အကြောင်း ၊ မဖြစ်အောင် နဲ. ကုသနည်းတဲ့ နည်းလမ်းတွေကို ဒီအပတ် ဖော်ပြပေး လိုက်ပါတယ်။




ဒီရောဂါ အကြောင်း အသေးစိတ် မပြောခင် နှလုံးရဲ. သွေးကြော ဖွဲ.စည်းပုံကို အရင်တင်ပြလိုပါတယ်။ နှလုံးဟာ လူတစ်ကိုယ်လုံးမှာ ရှိတဲ့ အင်္ဂါအစိတ်အပိုင်းတွေ အားလုံးဆီကို သွေးရောက်အောင် ပို.ဆောင်ပေးသလို သူကိုယ်တိုင်လည်း သွေးရဖို.လိုအပ်ပါတယ်။ ဒါကြောင့် နှလုံးဟာ ပုံမှန်အလုပ်လုပ်နိုင်ဖို. ဆိုရင် သူ.ကို အဓိကသွေး supply လုပ်နေတဲ့ သွေးကြောတွေဖြစ်တဲ့ Left Coronary Artery နဲ. Right Coronary Artery တို.ဆီကနေသွေး မပြတ်ရရှိဖို. လိုပါတယ်။ ဒီသွေးကြောတွေက ပုံမှာပြထားတဲ့အတိုင်း Aorta ဆိုတဲ့ သွေးလွှတ်ကြောမကြီး ဆီကနေ ထွက်လာကြပါတယ်။ ဒီ Left နဲ. Right Coronary သွေးလွှတ် ကြောတွေက နှလုံးကြွက်သားတွေရဲ. ဘယ်အခြမ်းနဲ. ညာဘက်အခြမ်းတို.ကို အသီးသီး သွေးတွေ ရောက်အောင် ပို.ဆောင်ကြပါတယ်။

Left Coronary Artery ကနေ Anterior Interventricular Artery နဲ. Circumflex Artery ဆိုပြီး ဖြာထွက်လာကြပြီး နှလုံးရဲ.အနောက်ဘက်ခြမ်းကို ကွေ.၀င်သွားပါတယ်။ ပုံမှာ တွေ.မြင်နိုင်ပါတယ်။

Right Coronary Artery ကနေ Marginal Artery (နှလုံးရဲ.ရှေ.ဘက်ခြမ်း အောက်ဘက်မှာ) နဲ. Posterior Interventricular Artery (နှလုံးနောက်ဘက်ခြမ်းမှာ) ဆိုပြီး ခွဲထွက် လာကြပါတယ်။

ရောဂါဖြစ်ပုံ


အခုဖော်ပြခဲ့တဲ့ coronary artery တွေကို တစ်ခုခုပိတ်ဆို.ခဲ့မယ်ဆိုရင် နှလုံးကြွက်သားတွေ ဆီကို သွေးရောက်တာကို ဟန်.တား နှောင့်နှေး စေပါတယ်။ အများအားဖြင့် ပိတ်ဆို.နိုင်တဲ့ အရာကတော့ atherosclerotic plaque လို.ခေါ်တဲ့ အဆီခဲ(lipid) ဥပမာ-cholesterol အခဲ ပဲဖြစ်ပါတယ်။ ဒီအခဲဟာ အစပိုင်းမှာ နှလုံးသွေးကြောရဲ. အတွင်းနံရံမှာ တွယ်ကပ်နေပါတယ်။ ဒါပေမယ့် မြဲမြဲတော့မတွယ်ကပ်နိုင်ပါဘူး။ တစ်ချိန်မှာတော့ သွေးစီးကြောင်းနဲ. အတူ ဒီအဆီခဲက ပြုတ်ထွက်ပြီး သွေးကြောရဲ. တစ်နေရာမှာ ဆို.ပါလေရော။ ဆို.သွားတော့ အဲဒီသွေးကြောက supply လုပ်တဲ့ သက်ဆိုင်ရာ နှလုံးကြွက်သား တွေဟာသွေးနဲ. အတူပါတဲ့ oxygen မရရှိတော့ပါဘူး။ ဒီလိုသွေးမရတော့ဘဲ မိနစ် ၂၀ ကနေ ၄၀ အထိကြာရင် နှလုံးကြွက်သားတွေ ဟာ သေသွားပါတယ်။ (ischemia လို.ခေါ်ပါတယ်)။ ဒီအခါ ရင်ဘတ်အောင့်တဲ့ ဝေဒနာခံစားရပါတယ်။ အဆီခဲပိတ်တတ်သလို သွေးခဲလည်း ပိတ်နိုင်ပါတယ်။

နှလုံးကြွက်သားဟာ သေပြီးရင် ပြန်မကောင်းလာတော့ ပါဘူး။ သေသွားတဲ့ နှလုံးကြွက်သားတွေ နေရာမှာ အမာရွတ်နေနဲ. Fibrous tissue တွေဝင်လာပြီး နေရာယူ ကြပါတယ်။(Fibrosis လို.ခေါ်ပါတယ်) (ကျွန်တော်တို. လက်မှာ ဒဏ်ရာရပြီး အနာကျက်တော့မယ် ဆိုရင် အနာဖေး မာမာလေးဖြစ်လာသလိုမျိုးပါ) နှလုံးဟာ စည်းချက်ကျကျ ပုံမှန်ခုန်နိုင်ဖို. အတွက် ဓာတ်အား (impulse) တွေဟာ Sino-Atrial node (SA node) (pacemaker) လို.ခေါ်တဲ့ နေရာကနေ အဓိကထုတ်လွှတ်ပါတယ်။ ပြီးမှ နှလုံးကြွက်သားအသီသီးကို ဓာတ်အားရောက်ပြီး နှလုံးက စည်းချက်ကျကျ ခုန်ရတာပါ။ ပုံပြထားပါတယ်။


ခုနကလို Fibrosis oင်သွားတဲ့နေရာ ကို ဓာတ်အားကဖြတ်မစီးနိုင်ပါဘူး။ ဒီအခါမှာ နှလုံးက ခုန်တဲ့နေရာခုန် မခုန်တဲ့နေရာမခုန် ဖြစ်လာတာကို arrhythmia လို.ခေါ်ပါတယ်။ ဒါဟာသေစေနိုင်ပါတယ်။ ventricular arrhythmia ဆိုတာကတော့ အဆိုးဆုံး arrhythmia ကို ဆိုလိုတာပါ။

ရောဂါလက္ခဏာများ

၁။ ရင်ဘတ်အောင့်ခြင်း (Chest pain) (Angina)

ရင်ဘတ်အောင့်တာ ကတော့ MI ရဲ. Common ဖြစ်တဲ့ ရှေ.ပြေး လက္ခဏာတစ်ခုပါ။ အောင့်လိုက် ပျောက်လိုက် ဖြစ်တတ်ပြီး ခံစားရတဲ့အချိန်မှာ လူနာတွေပြောတတ်တာက ရင်ထဲမှာ တင်းကျပ်ပြီးနေလို.မကောင်းဘူး၊ လေးတဲ့ ပစ္စည်းတစ်ခုခုနဲ. ရင်ဘတ်ကိုဖိထားသလိုပဲ၊ စသဖြင့် ပြောတတ်ကြပါတယ်။ ဒီရင်ဘတ်အောင့်တာက နှလုံးကြွက်သားဆီ သွေး(oxygen) မရောက်ဘဲ ကြွက်သားသေပြီးပုပ်သွားတဲ့အခါ (ischemia) မှာဖြစ်တတ်ပါတယ်။ အောင့်တဲ့အခါ Pain Radiation ရှိပါတယ်( နာတာကဘယ်ဘက် ရင်ဘတ်ကနေအစပြုပြီး ဘယ်ဘက် လက်မောင်းအတွင်းဘက် ၊ အောက်ဘက်မေးရိုး၊ လည်ပင်း နဲ. ၀မ်းဗိုက်ဘက်တွေကိုပါ ပျံ.နှံ.တတ်ပါတယ်) ။ပုံမှာပြထားပါတယ်။

၂။ အသက်ရှုရခက်ခဲခြင်း (Dyspnea)

၃။ ချွေးစေးများထွက်ခြင်း (Diaphoresis)

၎။ နွမ်းနယ်ခြင်း၊ ခေါင်းအနည်းငယ်ကိုက်ခြင်း

၅။ ပျို.အန်ခြင်း

၆။ ရင်တုန်ခြင်း

၇။ သတိလစ်ခြင်း နဲ.

၈။ ရုတ်တရက်သေဆုံးခြင်း တွေဖြစ်နိုင်ပါတယ်။


ရောဂါရှာဖွေ စမ်းသပ်စစ်ဆေးခြင်း

ဒီရောဂါဖြစ်မဖြစ် ဘယ်လိုစမ်းသပ်စစ်ဆေးမလဲဆိုရင် --

၁။ ECG (Electrocardiogram) နဲ.စစ်ဆေးရင် ပေါ်နေတဲ့ လှိုင်းတွေကိုကြည့်ပြီး နှလုံးရဲ. ဘယ်အပိုင်း ကောင်းကောင်း အလုပ်လုပ် မလုပ်သိနိုင်တယ်။ သူက နှလုံးကြွက်သားတွေမှာ ဖြတ်သန်းစီးဆင်းနေတဲ့ လျှပ်စစ်လှိုင်းတွေကို ပုံဖော်ပေးတာဖြစ်တဲ့ အတွက် ဘယ်အပိုင်းက လျှပ်စစ်ရမရသိနိုင်တယ်။

၂။ Cardiac Markers တွေဖြစ်တဲ့ creatine kinase(CK) enzyme, Troponin I, Lactate Dehydrogenase နဲ. Aspartate transaminase စတဲ့ enzyme တွေ၊ ဓာတ်ပစ္စည်းတွေဟာ နှလုံးဒဏ်ရာရပြီဆိုတာနဲ. သွေးထဲမှာမြင့်တက်လာတဲ့အတွက် သွေးထဲမှာဒီပစ္စည်း အနည်းအများကိုလည်း စစ်ဆေးပြီးရောဂါရဲ. ခြေနေကို ခန်.မှန်းနိုင်ပါတယ်။

၃။ Coronary Angiogram ကတော့ ပေါင်မှာရှိတဲ. Femoral Artery ကနေ (radio-opaque dye)ဆိုတဲ့ X-ray မဖြတ်နိုင်တဲ့ dye ကို ထည့်သွင်း လိုက်ပြီး သွေးထဲကို dye တွေရောက်စေပါတယ်။ ပြီးတော့နှလုံးကို X-ray (Fluroscopy) တွေကို ရိုက်ယူတဲ့အခါမှာ ကျဉ်းနေတဲ့၊ ပိတ်နေတဲ့ နှလုံးသွေးကြောတွေ ရဲ.နေရာကို တွေ.နိုင်တာပေါ့။


ကုသမှု

အရေးပေါ်ကုသမှု

အရေးပေါ်ခြေနေ ဖြစ်တဲ့ လူနာ ရုတ်တရက်လဲကျသွာချိန်မှာ-

-ဘာလုပ်ရမှန်းမသိ စောင့်ဆိုင်းမနေဘဲ လူနာတင်ကားခေါ်သင့်ပါတယ်။ ဒါမှ နှလုံးကြွက်သားတွေကို ထိခိုက်မှု နည်းနိုင်သမျှနည်းမှာဖြစ်ပါတယ်။ တစ်ချို.က (Time is Muscle) လို.တောင်ပြောကြပါတယ်။

-လူနာတင်ကားမလာခင် လူနာကို သက်တောင့်သက်သာရှိမယ့် အနေအထားမှာထားပါ။

-သွေးခဲပျော်စေတဲ့ သတ္တိရှိတဲ့ Aspirin ကိုရှိရင် တိုက်ပါ။ တကယ်လို. ဆေးမမျိုနိုင်ရင် လျှာအောက်မှာ(sublingual) ဆေးကိုထည့်နိုင်ပါတယ်။

-ရင်ဘတ်အောင့် တဲ့အခါပေးလေ့ရှိတဲ့ GTN လို.ခေါ်တဲ့ Glyceryl Trinitrate ကိုပေးနိုင်ပါတယ်။ ဒီဆေးကတော့ လျှာအောက်မှာငုံတဲ့နှလုံးဆေး လို.လူသိများနေတဲ့ဆေးပဲဖြစ်ပါတယ်။

-လူနာရဲ. သွေးခုန်နှုန်း၊ အသက်ရှုမှန်မမှန်၊ သွေးပေါင်ချိန် နဲ. သတိရှိမရှိဆိုတာကိုလည်း ဖြစ်နိုင်ရင် တိုင်းတာပြီး စောင့်ကြည့်သင့်ပါတယ်။

-ဒီလိုကြည့်နေရင်းကမှ နှလုံးမခုန်တော့ရင်၊ ဒါမှမဟုတ် အသက်ရှုရပ်သွားရင် CRP (Cardiopulmonary Resuscitation) လုပ်ပေးရပါမယ်။ လက်နှစ်ဘက်နဲ. လူနာရဲ.နှလုံးပေါ်ကိုတင်ပြီး ဖိပြီး လူနာရဲ. ပါးစပ်ထဲကို ကိုယ့်ပါးစပ်နဲ. တေ့ပြီး လေမှုတ်သွင်းတာကို ဆိုလိုတာပါ။ ဒီနည်းနဲ. လူနာတင်ကားမလာမချင်း၊ သတိမရမချင်း တတ်နိုင်သလောက် လုပ်ပေးရပါမယ်။

-လူနာတင်ကား လာလို. ကားမှာ defibrillator (နှလုံးနှိုးစက်)ပါတယ်ဆို ရင်အဲဒါနဲ. နှလုံးကို နှိုးမှာပါ။

ပုံမှန်ကုသမှု

သွေးခဲဖြစ်တာမဖြစ်စေတဲ့ Aspirin, Glyceryl Trinitrate, Heparin စတဲ့ဆေးတွေကတော့ First Line Drugs တွေလို.ပြောရမှာပဲဖြစ်ပါတယ်။ ဒီဆေးတွေကြောင့် သွေးကြောတွေထဲမှာသွေခဲဖြစ်နှုန်း နည်းစေမှာပါ။ ဒါမှပိတ်ဆို.တဲ့နှုန်းလည်း နည်းစေမှာဖြစ်ပါတယ်။ ဒါပေမယ့် ဒီဆေးတွေ သောက်ရင် သွေးခဲတာကို မဖြစ်စေတော့တဲ့အတွက် ဥပမာ သွားနှုတ်မယ်ဆိုရင်ဒီဆေးတွေ ကိုမသောက်ထားရပါဘူး။ သောက်ထားရင် သွေးတိတ်မှာမဟုတ်တော့ပါဘူး။ ဒါကြောင့် ဒီဆေးတွေ သောက်နေရင် သတိထားရပါမယ်။

Percutaneous coronary intervention (PCI) ဆိုတဲ့ နည်းပညာကိုလည်း သုံးလာကြပါပြီ။ ဒါကတော့ coronary angiogram ရိုက်ပြီး သွေးကြောကျဉ်း(သို.) ပိတ်နေတဲ့ နေရာကိုတွေ.အောင်ရှာပြီး သွေးကြောချဲ.ပါတယ်(angioplasty).

နောက်တစ်နည်းကတော့ အကြီးစားခွဲစိတ်မှုတစ်ခုဖြစ်တဲ့ CABG (Coronary Artery Bypass Graft Surgery) ပါပဲ။ ခြေသလုံးက Great Saphenous Vein ကိုဖြတ်ယူပြီး ပိတ်နေတဲ့ Coronary Artery နေရာကိုကျော်ပြီး နှလုံးကြွက်သားတွေ သွေးပုံမှန်ရရှိအောင် လုပ်တာပါ။ ဒီ ခွဲစိတ်မှုကြောင့် အသက်ချမ်းသာရာရ သွားတဲ့လူတွေမနည်းပါဘူး။ ဒါပေမယ့် ကုန်ကျစရိတ်တော့ မြင့်မားပါတယ်။ သာမန် လက်လုပ်လက်စားဆိုရင် ဒီခွဲစိတ် စရိတ်ကိုတတ်နိုင်မှာ မဟုတ်ပါဘူး။

နောက်ဆက်တွဲ ဆိုးကျိုးများ

၁။ Congestive Heart Failure -နှလုံးကောင်းမွန်စွာ အလုပ်မလုပ်နိုင်တော့ခြင်း– MI ကြောင့် နှလုံးရဲ. Pump action ပျက်တာကိုပြောတာပါ။

၂။ Myocardial Rupture- သေသွားတဲ့ နှလုံးကြွက်သားတွေပေါက်ထွက်ကုန်ခြင်း

၃။ Arrhythmia- နှလုံးခုန်နှုန်းမမှန်တော့ဘဲ ခုန်ချင်သလိုခုန်တာကိုပြောတာပါ။

၎။ Pericarditis - နှလုံးကိုအုပ်ထာတဲ့ အိတ်ရောင်ယမ်းခြင်း

၅။ Cardiogenic shock- နှလုံးကောင်းကောင်း အလုပ်မလုပ်တဲ့အတွက် အင်္ဂါအစိတ်အပိုင်းတွေဆီ သွေးလုံလောက်အောင် ညှစ်ပြီး မပို.ဆောင်ပေးနိုင်တဲ့ အတွက် နောက်ဆုံးမှာ သွေးပေါင်တွေအရမ်းကျဆင်းပြီး အသက်ဆုံးရှုံးတဲ့ အထိဖြစ်စေပါတယ်။

ရောဂါမဖြစ်စေဖို.

MI တစ်ခါရပြီးတဲ့ လူတွေဟာ နောက်ထပ် ထပ်မဖြစ်စေဖို. ဆေးတွေကို ရေရှည်စွဲပြီး သောက်ရပါတယ်။ ဒီလိုမှမသောက်ရင် နောက်ထပ် တစ်ခါ MI ဖြစ်ရင်ဖြစ်၊ ဖြစ်လို.ပြန်ကောင်းရင်လည်း၊ ဦးနှောက်သွေးကြောပြတ် တဲ့ဝေဒနာ ခံစားရနိုင်ပါတယ်။

ဒီရောဂါဟာ ယောက်ျားတွေမှာ ပိုဖြစ်တဲ့ အတွက် ရောဂါမဖြစ်ဖို. အတွက် ဆေးလိပ်၊ အရက်ရှောင်ပါ၊ မသောက်တာအကောင်းဆုံးပါ၊ ကိုယ်လက်လေ့ကျင့်ခန်း ပုံမှန်လုပ်ပါ။ အဆီများတဲ့ အစားအသောက်တွေကို တတ်နိုင်သမျှရှောင်သင့်ပါတယ်။ စိတ်သက်သာ ပေါ့ပါးအောင်အမြဲ နေသင့်ပါတယ်။ ဒီလိုကောင်းမွန်မှန်ကန်တဲ့ life style အတိုင်းနေထိုင်မယ်ဆိုရင်

အခုပြောခဲ့လို ပြင်းပြင်းထန်ထန် ခံစားရမယ့် Myocardial Infarction ဆိုတာလည်း ဖြစ်ဖို. ရာနှုန်းနည်းသွားမှာပဲ ဖြစ်ပါတယ်။ ဒီတစ်ပတ်တော့ ဒီမျှနဲ. ကျေနပ်မယ်လို.မျှော်လင့်ပါတယ်။

ဒေါက်တာရမ်းကု

Source: http://en.wikipedia.org/wiki/Myocardial_infarction