ဒီပို့စ်ကတော့ တကယ်ကို ကြာလှပြီ။ Long Overdue ပေါ့။ ဗမာတွေ အနောက်တိုင်းအကတွေ ကတဲ့ အကြောင်းပါ။ အပိုင်း(၁)မှာတော့ အကောင်းလေးတွေ တင်ထားတယ်။ အဲဒီပို့စ်လေးကို မေ့သွားပြီဆိုရင် ဒီမှာ သွားကြည့်လိုက်နော်။
ဒီတစ်ခေါက်တော့ ဝေဖန်ရေးပေါ့။ YouTube က ရွေးထားတဲ့ သီချင်းတွေကတော့ နည်းနည်းဟောင်းနေလိမ့်မယ်။ ဗမာသီချင်းတွေနဲ့ အဆက်ပြတ်နေတာ ကြာပြီဆိုတော့လဲ သည်းညည်းခံလိုက်ပါနော်။ ပေဖူးက အနောက်တိုင်းအကတွေကိုသာ လေ့လာနေတာ၊ ဗမာသီချင်းဆို ရှေးခေတ် သီချင်းကြီးတွေကိုမှ အသည်းစွဲလေ။ ကဲ.. စပြီ။
စိုင်းစိုင်းခမ်းလှိုင်
စိုင်းစိုင်းရဲ့ မသိသာ ဆိုးရွားတဲ့ သီချင်းတစ်ပုဒ်ပေါ့။ တော်တော်များများတော့ ကြိုက်ကြတယ်လို့ ဆိုပါတယ်။ အဟွတ် အဟွတ်။ ပေဖူးကတော့ လုံးဝကို မကြိုက်ပါဘူး။ တစ်အချက် သီချင်းက copy။ နှစ်အချက် သီချင်းစာသား။ တို့ဗမာလူငယ်တွေ ရန်ကုန်တို့ မန္တလေးတို့လို မြို့ကြီးမှာ ဒီလိုပဲ ဟိုလေ ဒီလေဖြစ်နေတာ။ ဒါတွေက ဖြစ်တတ်ပါတယ်။ ဒါပေမဲ့ သီချင်းထဲမှာတော့ ထည့်မဆိုသင့်ဘူးပေါ့နော်။ စိုင်းစိုင်းခမ်းလိုင်ဆိုတာ ဆယ်ကျော်သက်လူငယ်တွေ အရူးအမူးကြိုက်တဲ့ role model တစ်ယောက်ပါ။ ဒါပေမဲ့ သူက စပြီး သီချင်းစာသားတွေကို အဲဒီလို ထည့်ဆိုတော့ ကလေးတွေရဲ့ စိတ်ဓါတ်တွေထဲမှာ သံမှိုရိုက်သွင်းသလို မဖြစ်နေဘူးလား။
နောက်ဆုံးတစ်ချက် နောက်က ကတဲ့ မိန်းကလေးတွေပါ။ ဒီနေရာမှာ ပေဖူးက လူကြီးတစ်ယောက်အနေနဲ့ ဝေဖန်တာ မဟုတ်ပါဘူး။ အရမ်းကို စည်းကမ်းကြီး ပိပြားနေလို့ အမြင်စောင်းနေတာလဲ မဟုတ်ဘူးနော်။ အရမ်းသိနေလို့ လူတတ်ကြီးလုပ်တာလဲ မဟုတ်ပါဘူး။ အသက် ၁၉နှစ်အရွယ် ကျောင်းသူတစ်ယောက်အနေနဲ့ ကိုယ်နဲ့ ရွယ်တူနီးပါးမိန်းကလေးတွေကို မြင်ကြည့်တာပါ။ တချို့နေရာတွေမှာ ဗမာလိုတောင် ရေးလို့ မကောင်းတဲ့ ကကွက်တွေကို မြင်ရပါတယ်။
ဘယ်အကဆရာကများ ဒီလို ကကွက်တွေကို မိန်းကလေးတွေ ဗမာပြည်က စင်ပေါ်မှာ ကဖို့ သင်ပေးလိုက်တာလဲ။ ဒါဟာ pure hip hop and pop dance မဟုတ်ပါဘူး။ Choreography မဟုတ်ပါဘူး၊ Body Post တွေကို ဇွတ်ရှိုးသွားတာပါ။ Chorus အပိုဒ်တွေမှာ ကတဲ့ အကဟာ Stripper Dance တွေပါ။ မြင်တဲ့လူတွေ သိပါတယ်။ Did you see they even spank their own butt?? What the hell? ဒါခေတ်မီတာ မဟုတ်ပါဘူး။ ကနေတဲ့ မိန်းကလေးတွေဟာ အိမ်ထောင်မပြုရသေးတဲ့ အပျိုလေးတွေပါ။ What are they doing?? အက, ကကော ကောင်းလား။ Stripper dance ဆိုရင်တောင် Professional မဟုတ်ပါဘူး။ Stripper Dance ဆိုတာ တိုင်တို့ ထိုင်ခုံတို့ကို အားပြုပြီးကမှ hot တာပါ။ ဒီလောက်တောင် ကချင်ရင်လဲ ရှေ့က microphone တိုင်ကိုသာ အားပြုပြီး pole dance ကလိုက်ပါတော့လား။ ဆက်ပြောရင် ဗမာမိန်းကလေးတစ်ယောက်ပါးစပ်က ထွက်လာတဲ့ စကားတွေ မကောင်းတော့ဘူး။ video ကိုသာ ကြည့်ပြီး လွန်လား မလွန်လားသာ ပြောပါတော့။ စိတ်မကောင်းစရာတွေ နောက်သီချင်းနှစ်ပုဒ် ကျန်သေးတယ်။ ဆက်လေ့လာသွားပါဦး။
ဝိုင်းစုခိုင်သိန်း
ဒီ video ကတော့ live show မဟုတ်ပါဘူး။ Latin dance လား ဂေါက်ဂက်အကလား။ ကတဲ့ ပုံစံကိုက အချိုးမပြေတာလေ။ ပေဖူးသာ Director ဆိုရင် ၀ိုင်းစုခိုင်သိန်းက ဒီအကမျိုးပေးကမှာ မဟုတ်ဘူး။ ကသွားတဲ့ Timing ကို လိုက်ကြည့်ရင်တော့ mambo အကလို့ ထင်ရပါတယ်။ ပြီးတော့ ဆိုထားတာက သင်္ကြန်သီချင်း၊ ကသွားတော့ တောင်အမေရိကတိုက်မှာ အခြေခံတဲ့ Latin အက။ လုပ်သွားပုံက သင်္ကြန်အကမရှိတဲ့ အတိုင်းပဲ။ ဒါပေမဲ့ ကတာကိုကတော့ တော်တော်ကို အချိုးမပြေတာပါ။ ဘယ်သူကမှာတော့ မွေးကတည်းက ကတတ်မလဲနော်။ ဒါပေမဲ့ Latin အကဆိုတာမျိုးက VCD မရိုက်ခင် နှစ်ရက် သုံးရက်အလိုမှာ ကပ်သင်ပြီး တတ်တဲ့ အကမျိုးမဟုတ်ပါဘူး။ အနည်းဆုံး နှစ်လ သုံးလလောက်သင်မှ ချောချောမောမော ထွက်လာမှာပေါ့။ အခုကတော့ တော်တော်အခြေအနေဆိုးပါတယ်။ ကကွက်တွေက မတိကျသလို Latin Dance ရဲ့ အဓိကဖြစ်တဲ့ Hip Actionတွေဆို လုံးဝမပါဘူး။ Typical Mambo ဆိုတာ ဘယ်လိုလဲ သိချင်ရင် ဒီမှာ video sample တစ်ခုကို link ချိတ်ပေးထားပါတယ်။ သူလဲ professional မဟုတ်ပါဘူး။ ဒါပေမဲ့ ကဖြစ်အောင် ကသွားတာပါ။ ပေဖူးပြောချင်တာက ကိုယ်မနိုင်ဘူးထင်ရင် မလုပ်နဲ့ပေါ့နော်။
တောဂေါ်လီ
ဒီတစ်ခုက ပိုဆိုးပါတယ်။ စိုင်းစိုင်း ထွင်တာ လွန်သွားတယ်လို့ ထင်ရတာပဲ။ ဒါမော်ဒယ်ဂဲတွေလား။ မင်္ဂလာရုပ်ရှင်ရုံ အပေါ်ထပ်က ဟာတွေလား။ ကကွက်မရှိ စင်ပေါ်ကို တင်ချင်သလို တင်ပြီး လုပ်ချင်တာတွေ လုပ်သွားကြတာပေါ့။ အိုးလေး လှုပ်ပါဟေ့ ကတော့ စကားအဖြစ် ကျန်ရစ်တယ်နော်။ အဟိ။
ဒီသီချင်းကို လွန်ခဲ့တဲ့ ခြောက်လလောက်က စင်ကာပူက သူငယ်ချင်းတစ်ယောက် လင့်ခ်ပေးလို့ ကြည့်ဖြစ်သွားတာပါ။ သူက အဲဒီရှိုးကို သူ့ကောင်မလေး ကြည့်ချင်လို့ လိုက်ပို့ရင်း ကိုယ်တိုင်သွားခဲ့တာကိုး။ high school တုန်းထဲက သူငယ်ချင်းဆိုတော့ ပွင့်ပွင့်လင်းလင်းပဲ “He admitted that he enjoyed it.” ခေတ်တွေကတော့ တော်တော်မကောင်းတော့တာ။
ဒီပို့စ်ကို ရေးနေတုန်း libraryမှာ တောဂေါ်လီသီချင်းလင့်ခ် Embed လုပ်မလို့ ဖွင့်ထားမိတယ်။ အဲဒီမှာတင် စာအတူတူဖတ်နေတဲ့ သူငယ်ချင်း American အဖြူတစ်ယောက်က ပေဖူးရဲ့ laptop ကို ကလိပြီး အဲဒီ link ကို playလိုက်တာ အဲဒီမှာတင် သောက်ရှက်ကို ကွဲရော။ He just asked, “What the hell are those girls doing on the stage?” တဲ့။ သူ့ကို Youtube က အပျိုတော်ယိမ်းတစ်ခါပြဖူးလို့ ကြိုက်ပြီး ပေဖူးကိုပါ ဗမာအက အတင်းကခိုင်းနေလို့ အ၀တ်အစားမရှိဘူးဆိုပြီး ရှောင်နေရတာပါ။ အမေရိကားက ဘိုတစ်ယောက်တောင် ဆင်ဆာဖြတ်ထားတာတွေ ကြည့်ပြီး ပါးစပ်အဟောင်းသားဖြစ်သွားတယ်ဆိုတော့…….
ဒီတစ်ပါတ်တော့ ဒီလောက်နဲ့ပဲ တော်လိုက်တော့မယ်။ စာဖတ်သူတွေ အားလုံးလဲ ကြည့်ပြီး တော်တော်ရင်လေးသွားမယ်လို့ ထင်ရပါတယ်။ ပေဖူးဆီမှာ link တွေ ကျန်ပါသေးတယ်။ ဆက်ပြီးပြောရင် ဒီထက်ဆိုးတာတွေပဲ ဖတ်ရ ရေးရမှာမို့ ဒီမှာတင်ပဲ ရပ်လိုက်တော့မယ်။
ပေဖူးလွှာ
Sunday, November 30, 2008
မြန်မာ Live Show အကများ - အပိုင်း (၂)
Saturday, November 29, 2008
WORLD AIDS DAY - ကြောက်စရာ AIDS ရောဂါ (၂)
ဒီဇင်ဘာလ ၁ရက်နေ. မှာ ကျရောက်မယ့် ကမ္ဘာ. AIDS ရောဂါတိုက်ဖျက်ရေးနေ. ကိုဦးတည်၍ ဒီအပတ်တော့ ကြောက်စရာ AIDS ရောဂါ အပိုင်း၂ ကိုဆက်ပါမယ်။။ အပိုင်း ၁ ကိုဖတ်ချင်ရင်တော့ ဒီနေရာ ကိုသွားပါ။
HIV ပိုးရဲ. Structure
HIV ပိုး မှာ HIV1 နဲ. HIV2 ဆိုပြီး ၂မျိုးရျိပါတယ်။ HIV ပိုးဟာ စက်ဝိုင်းပုံစံရှိပြီး သူ.မှာ Envelope ဆိုတဲ့ အကာအကွယ်အလွှာ၊ Capsid ဆိုတဲ့ protein အလွှာ၊ Core ဆိုတဲ့ အတွင်းဆုံးက ရှည်မျောမျော လေးထောင့်လိုအကွက် ကလေးရှိပါတယ်။ Core ထဲမှာ Single Stranded RNA အမျှင်နှစ်ခုနဲ. Reverse Transcriptase ဆိုတဲ့ enzyme ပါတယ်။ Capsid ကိုကျတော့ p24 ဆိုတဲ့ gene နဲ.လုပ်ထားပါတယ်။ Envelope ပတ်ပတ်လည်မှာ ရှိတဲ့ အချောင်းလေးတွေနဲ. အလုံးလေးတွေကတော့ GP-40 နဲ. GP-120 တို.ပဲဖြစ်ပါတယ်။ GP-40 က အချောင်းတွေ ဖြစ်ပြီး GP-120 က အလုံးလေးတွေပါ။ HIV Virus က အင်မတန်သေးငယ်လှတဲ့အတွက် သူ.ကို သာမန် Microscope နဲ. မမြင်နိုင်ပါဘူး။ Electron microscope နဲ.ပဲမြင်နိုင်တယ်။
ရောဂါကူးစက်နည်းများ
HIV ရောဂါပိုးဟာ သွေး၊ သုက်ရည်နဲ. မိန်းမအင်္ဂါကနေထွက်တဲ့ အရည်တွေထဲမှာ ပမာဏ များများ နေကြပါတယ်။ တံတွေး၊ မျက်ရည်၊ နို.ရည်၊ ကျဉ်ငယ် ရည်တွေ ထဲမှာလည်း ပမာဏ အနည်းငယ် ပါတတ်ပါတယ်။ ဒါပေမယ့် တံတွေးတို. မျက်ရည်တို.က နေ ရောဂါကူးတဲ့ နှုန်းက မကူးစက် သလောက် နည်းပါတယ်။ ကူးစက်တာလည်း မတွေ.ရပါဘူး။ AIDS ရောဂါ ကူးစက်ပုံ ကတော့ အမျိုးမျိုး ရှိပါတယ်။
၁။ လိင်မှတဆင့်ကူးဆက်ခြင်း (Sexual Transmission)
-လိင်တူဆက်ဆံခြင်း homosexual
-လိင်ကွဲဆက်ဆံဖြင်း heterosexual
-လိင်ဆက်ဆံတဲ့ အဖော်များလေကူးစက်ဖို. ရာခိုင်နှုန်းပိုများလေ ဖြစ်ပါတယ်။
-တစ်ခြား လိင်မှတစ်ဆင့်ကူးစက်တဲ့ ရောဂါတွေ(Syphilis, Gonorrhoea, Herpes) နဂိုကတည်းက ရှိနေတာက HIV ပိုးကူးစက်ဖို. အန္တရာယ်ပိုများစေပါတယ်။
-ရောဂါလက္ခဏာမပြသေးတဲ့ HIV positive တွေဆီကလည်း ရောဂါကူးစက်နိုင်ပါတယ်။
၂။ Parenteral Transmission
-မသန်.ရှင်းတဲ့၊ ရောဂါပိုးပါတဲ့ သွေးသွင်းမိခြင်း
-မသန်.ရှင်းတဲ့၊ ပိုးသေချာမသတ်ထားတဲ့ အပ်၊ ခွဲစိတ်ကိရိယာတွေကိုသုံးစွဲမိခြင်း (ကျန်းမာရေးဝန်ထမ်းတွေ ဖြစ်တဲ့ ဆရာဝန်တွေ၊ သူနာပြုတွေ ရောဂါကူးစက်ခံရတာ ဒီအချက်ကြောင့်ပဲဖြစ်ပါတယ်)
-ဆေးသမားတွေ ရောဂါကူးကြရတာဟာလည်း ဒီ အပ်တွေကို မျှဝေသုံးကြလို.ပဲဖြစ်ပါတယ်။
-သွားတိုက်တံတွေ ၊ ဘလိတ်ဓားတွေ မျှဝေသုံးစွဲရင်လည်း ကူးနိုင်တာကိုလည်း သတိပြုပါ။
၃။ မိခင်မှ ကလေးကိုကူးစက်ခြင်း (Trans-placental Transmission) (Vertical Transmission)
-အမေမှာရောဂါရှိရင် ၁၃% ကနေ ၄၀% အထိကလေးကို ကူးနိုင်ခြေရှိပါတယ်။
-ကလေးမွေးနေတုန်း ဒါမှမဟုတ် နို.တိုက်ရင်းကနေ ကူးနိုင်ပါတယ်။
(ဒါပေမယ့် ချွင်းချက်တော့ရှိပါတယ်။ HIV ပိုးဟာ ဒီလိုနည်းတွေနဲ. ကူးနိုင်တယ်ဆိုပေမယ့် ကူးစက်ဖို. ဟာ တစ်ခြားရောဂါပိုးတွေလောက် မလွယ်ကူပါဘူး။ ဥပမာ Hepatitis B အသည်းရောင်အသားဝါ B ပိုးဟာ ပိုးအကောင်ရေ နည်းနည်းလေးဝင်သွားတာနဲ. ကောင်းကောင်းဒုက္ခပေးနိုင်ပါတယ်။
ဒါပေမယ့် HIV ပိုးဟာ ကူးစက်ပြီးရောဂါပေးဖို. ပိုးကောင်ရေအများကြီး လိုအပ်ပါတယ်။ ကိုယ်ခန္ဓာ ထဲကိုပိုးကောင်ရေ အများအပြားဝင်သွားမှ ရောဂါပေးတာပါ။ သတ်မှတ်ထားတဲ့ ပိုးအရေအတွက် အောက် လျော့ဝင်သွားရင် ရောဂါမကူးဘူးလို.ဆိုရမှာပေါ့။ ဒါကြောင့် HIV ပိုးဟာ လွယ်လွယ်နဲ. မကူးစက်နိုင်တဲ့ ပိုးမျိုးဖြစ်ပါတယ်။)
ကာကွယ်ခြင်း နှင့် ကုသခြင်း
ကာကွယ်ဆေးကတော့ မပေါ်ပေါက်သေးပါဘူး။ ဘာလို.လဲဆိုတော့ HIV ပိုးမှာပါတဲ့ gene တွေဟာ mutation (gene တွေ ပုံပြောင်းတာ)ဖြစ်တာမြန်ပါတယ်။ ဆေးတွေကလည်းပြောင်းတဲ့ gene ပေါ်လိုက်ပြီး မတီထွင်နိုင်တဲ့ အတွက် ကာကွယ်ဆေး ကိုအောင်မြင်အောင် မထုတ်နိုင် သေးတာပါ။
ဒါပေမယ့် ကိုယ်ဝန် ဆောင်မိခင် ကနေ ကလေးဆီကို မကူးအောင် ကာကွယ် နိုင်တဲ့ ဆေးတွေတော့ရှိတယ်။ ၁၀၀%တော့ မကာကွယ်နိုင်ဘူး။ ကိုယ်ဝန်ဆောင်နေချိန်မှာ ၁၄ ပတ် ကိုယ်ဝန်ကနေ စပြီး မွေးတဲ့ အချိန်အထိ Zidovudine ဆိုတဲ့ ဆေးကို တစ်နေ.ကို 600mg သောက်ပေး ရပါမယ်။ မွေးနေတဲ့ အချိန်မှာလည်း ဒီဆေး 2mg/kg ကို အကြောဆေးထိုးပေးရပါမယ်။ အဲဒီနောက် 1mg/kg ကို မမွေးမချင်း အချိန်အပိုင်းအခြား တစ်ခု ထားပြီး ထိုးပေးရပါမယ်။ မွေးလာတဲ့ ကလေးကိုလည်း ဆေးတွေ ထိုးရ၊ တိုက်ရဦးမှာပါ။ သိပ်တော့မလွယ်လှ တဲ့ အလုပ်တစ်ခုပါ။ အမေရော ကလေးပါ ဆေးဒဏ်ခံရမှာပါ။ ဒီလိုသောက်ထားတာတောင်မှ ကလေးကို ကူးစက် နိုင်ခြေက ၉% ပဲလျော့တာပါ။ နောက်တစ်ခုက တီဗွီက ကြေညာတဲ့အတိုင်း ပြန်ပြောပါမယ်။ လိင်ကိစ္စကို တတ်နိုင်သမျှ ရှောင် ရပါမယ်။ မရှောင်နိုင်ရင် condom ကို စနစ်တကျသုံးပါ။ ကိုယ့်ရဲ. ဇနီး/ခင်ပွန်းကို သစ္စာရှိကြပါ။ အားလုံးပဲဒီအချက်တွေကို ရှောင်နိုင်ကြမယ် ထင်ပါတယ်။
နောက်တစ်ခု က HIV ပိုးရှိတဲ့လူမှာထိုးထားတဲ့ အပ်ကိုယ့်ကိုစူးမိတယ် ဆိုပါစို.၊ ဒီလိုဆို ကူးတော့မှာပေါ့၊ ဒါဆိုအတတ်နိုင်ဆုံး ဘာလုပ်မလဲ ဆိုတော့ ထိတဲ့နေရာကိုရေနဲ. ဆပ်ပြာနဲ.ေ သချာဆေးပါ။ နောက်ပြီးရင် ဆေးသောက်ရပါမယ်၊ Zidovudine ကို ၃ပတ် သောက်ရပါမယ်။ ဆေးကို ဖြစ်ဖြစ်ပြီးချင်း မြန်နိုင်သမျှ မြန်အောင် သောက်ရပါမယ်၊ နာရီဝက်ကနေ ၂ နာရီအတွင်းသောက်သင့်ပါတယ်။ ဒါကို PEP ( Post Exposure Prophylaxis) လို.ခေါ်ပြီး ကူးစက်နိုင်ခြေ ၇၉% အထိလျော့ကျစေပါတယ်။ ဆေးရုံမှာ ဆရာဝန်တွေ၊ သူနာပြုတွေ၊ အခြားသူတွေ အပ်စူးရင် ဒီနည်းကိုပဲ အရင်သုံးပါတယ်။ အပ်စူးတာ တစ်ခုကိုပဲသုံး တာမဟုတ်ဘူးနော်၊ အခြားကူးစက် နိုင်ခြေရှိတဲ့ အခြေအနေ၊ အပြုအမူတွေကြုံလာရင်လည်း သုံးလို.ရပါတယ်။ ဒါပေမယ့် ဆေးရဲ. Side effect ကလည်းမသေးဘူးနော။
ကုသတဲ့ဆေးတွေ တော့ရှိပါတယ်။ ဒါပေမယ့် ရောဂါပျောက်အောင်တော့ မကုနိုင်ပါဘူး။ ရောဂါကို အခြေအနေ တစ်ခုမှာ တန်.နေအောင်ပဲ ထိန်းထား နိုင်တာပါ။ သုံးတဲ့ဆေးတွေကတော့ Zidovudine, Dideoxyinosine, Stavudine, Lamivudine, Abacavir တို.ပဲဖြစ်ကြပါတယ်။ ဒီဆေးအုပ်စု ကို Reverse Transcriptase Inhibitor လို.ခေါ်ပါတယ်။ HIV virus ရဲ. Core ထဲမှာရှိတဲ့ စောစောကပြောခဲ့တဲ့ Reverse Transcriptase enzyme ကို ဒီဆေးက ပိတ်ပေး မှာပါ။ နောက်ဆေးအုပ်စု တစ်ခုက HIV protease inhibitor လို.ခေါ်ပြီး Saquinavir, Ritonavir, Indinavir ဆိုတဲ့ဆေးတွေ ပါဝင်ပါတယ်။ fusion inhibitor ဆိုပြီးပေါ်တာသိပ်မကြာသေးတဲ့ ဆေးကတော့ Enfuvirtide ဆိုတဲ့ ဆေးဖြစ်ပါတယ်။ ပိုပြီး ထိရောက်တယ် လို.တော့ ဆိုကြတာပဲ။
ဆေးတွေကို တစ်ခုချင်း သောက်တာ များလာတဲ့ အတွက်ဆေး တစ်ခုချင်း စီကို HIV ပိုးရဲ. ခံနိုင်ရည် တိုးလာပါတယ်။ ဒါကြောင့် ဆေး ၃ မျိုးပေါင်းထားတဲ့ HAART ( Highly Active Anti- Retroviral Theray) ဆိုတဲ့ ကုသနည်းကို လောလောဆယ် သုံးနေပါတယ်။ ဒီကုသနည်းနဲ.သာ အချိန်မှီ ကုသမယ်ဆိုရင် Virus အကောင်ရေ သန်းနဲ.ချီရှိနေရာကနေ အကောင် ၅၀ အောက် ကို ၈ပတ်အတွင်းကျသွားပြီး ၆လကြာရင် Virus ကိုတောင် ရှာလို.မရတော့တဲ့အထိ နည်းသွားပါလိမ့်မယ်။ လုံးဝပျောက်သွားတာတော့မဟုတ်ဘူးနော်။ နည်းနည်းလေးပဲ ကျန်မယ်လို. ပြောတာ။
ကုရင်လည်း ရောဂါပိုး ကျန်နေသေး တာပဲ၊ မကုပဲထားလိုက် လည်း မထူးပါဘူး၊ လို.တော့မထင်နဲ.။ မကုလို. ကတော့ အနှေးနဲ. အမြန် သေမှာပဲ။ ဒီဇယားလေး ကို ကြည့်၊ ဒါကုသမှု မခံယူတဲ့ လူနာမှာ ဖြစ်ပျက် နေတဲ့ပုံ။ အပြာလိုင်း လေးက CD4+ cell တွေကိုပြပြီး အနီလိုင်းကတော့ viral load ကိုပြတာပါ။ ၆ ပတ်ကြာတဲ့ အချိန်မှာ CD4+ cell တွေ ကျသွားပြီး ၁၂ ပတ်လောက် အကြာမှာ နည်းနည်းစီ ပြန်တက် လာကြပါတယ်။ Viral Load လို.ခေါ်တဲ့ ပိုး အကောင်ရေက လည်း အစက လောက် မများပဲ ကျသွား လိုက်တာ ၁၂ပတ် အကြာမှာ ဟိုးအောက် ရောက်နေရော။ ဒီအခြေနေမှာ လူနာက အကောင်းကြီး ရှိသေးတယ်။ သူ.မှာ လက္ခဏာ မပေါ်သေးဘူး။ အဲဒီကနေ နောက် ၇နှစ် အထိ ရောဂါ လက္ခဏာဘာမှ မပြဘူး။ ဒီကြားထဲကအချိန် ကို အပိုင်း၁ မှာပြောခဲ့တဲ့ Window Period လို.ခေါ်တယ်။
ဒီ ၇နှစ် အတွင်းမှာ လက္ခဏာ မပေါ်ပေမယ့်၊ ပုံမှာ သတိထားမိလား? CD4+ cell ရေအတွက် တွေ တစ်ဖြည်းဖြည်း ထိုးဆင်းသွားတာကို။ ၇နှစ် နဲ. ၈ နှစ်ကြားမှာ Viral Load ပြန်တက်လာပြီး CD4+ ကတော့ ကျမြဲ ကျနေတဲ့ အတွက် အခြေအနေ သိပ် မကောင်းတော့ဘူး။ အဲဒီမှာ ရောဂါ လက္ခဏာတွေစပြလာပြီ။ နောက်ပိုင်းမှာ Viral Load က ပုံမှာ မြင်တဲ့အတိုင်း သိန်းနဲ. သန်းနဲ. ချီပြီး များလာပါတော့တယ်။ CD4+ ခမျာ ဘာမှတောင် ပြန်မလုပ်နိုင်၊ HIV က Immune System ဆိုတာရှိတယ် လို.တောင်မထင်ပဲ၊ သူထင်တိုင်းကြဲပါတော့တယ်။
၁၀နှစ်လောက် ကြာတော့ Oppotunistic Infection တွေဝင်လာရော။ AIDS ရောဂါ စစ်စစ် အခုမှ ဖြစ်တာလေ၊ Optunistic Infection ဆိုတာ ကျွန်တော် အပိုင်း-၁ မှာ ပြောခဲ့သလိုပါပဲ။ ကျွန်တော်တို. ပတ်ဝန်းကျင် မှာ ဘယ်နေရာမဆို ရောဂါပိုးမွှားတွေ ရှိနေကြတယ်။ ကျွန်တော်တို. ကိုယ်တိုင်ဒီပိုးမွှား တွေကို ရှုရှိုက်မိပေမယ့် ဘာမှမဖြစ်ဘူးဆိုတာ ခန္ဓာကိုယ်ရဲ. Immune System ရှိနေတဲ့အတွက် ကြောင့်မို.လို.ပါ။ အခုက Immune System က မရှိသလိုဖြစ်နေတော့ ဒီသာမန် ပိုးမွှားတွေက ၀င်ထွက်ပြီး ရောဂါပေးတော့တာပေါ့။
ရောဂါလက္ခဏာများ
Opptnistic Infections ဆိုတာ bacteria ကြောင့်ဖြစ်တာပါတယ်၊ fungus ကြောင့်ဖြစ်တာပါတယ်။ အခုကျွန်တော် ကိုယ်ခန္ဓာ နေရာအနှံ.ဖြစ်တတ်တဲ့ နေရာတွေကို တန်းစီဖော်ပြသွားမယ်။ဦးနှောက်
ဦးနှောက် မှာ Toxoplasma (ကြောင် မှာနေတဲ့ bacteria) ကြောင့် လေဖြတ်နိုင်တယ် ၊
Herpes (ရေယုန် Virus) ကြောင့် အမြင်အာရုံချို.ယွင်းမယ်၊ ဦးနှောက်အမြှေးရောင်မယ်၊ တက်မယ်၊
Cryptococcus (ခိုမှာနေတဲ့ ကပ်ပါး) ကြောင့် စိတ်မမှန်ရောဂါဖြစ်နိုင်တယ်။
မျက်လုံး
မျက်လုံးက Retinitis ဆိုတဲ့ မြင်လွှာရောင်တာ ဖြစ်နိုင်တယ်။
အဆုတ်
အဆုတ်မှာ Pneumocystic carinii ဆိုတဲ့ အကောင်ကြောင့် Pneumocystic Pneumonia
Atypical mycobacteria ကြောင့် Secondary TB ရောဂါတွေ ဖြစ်မယ်။ TB ဟာ AIDS ဖြစ်တဲ့ လူအားလုံးနီးပါးမှာ ပြန်ဖြစ်လာတာကိုတွေ.ရပါတယ်။
အရေပြား
Herpes Virus ကြောင့် ရေယုန်ရောဂါ၊
HPV (Human Pappiloma Virus) ကြောင့် warts ဆိုတဲ့ ကြွက်နို.၊
Fungi ကြောင့် scabies ဆိုတဲ့ ၀ဲရောဂါ၊
Bacteria တစ်မျိုးကြောင့် Eczema ဆိုတဲ့ နှင်းခူဖြစ်မယ်၊
အရေပြား ကင်ဆာတွေဖြစ်မယ်။
ပုံမှာပြထားသလို Kaposi Sarcoma ဆိုတဲ့ ညိုပြာပြာ အကွက်တွေဖြစ်မယ်၊ ဒါကင်ဆာတစ်မျိုးပဲ။ အရေပြားမှာသာမက အစာလမ်းကြောင်းတွေ၊ အဆုတ်တွေပေါ်မှာလည်း ဒါဖြစ်နိုင်တယ်။
အစာလမ်းကြောင်း
Amoeba ကြောင့် ၀မ်းတွေအရမ်းသွားမယ်၊
Giadia အကောင်ကြောင့် အစာစုပ်ယူမှုနည်းပါးမယ်၊
Salmonella ၊ Shigella ကြောင့် ၀မ်းပျက်မယ်၊ အစာမျိုရခက်မယ်၊
Candida ကြောင့် oral thrush ဆိုတဲ့ ခံတွင်းထဲမှာ အဖြူအဖတ်တွေပေါ်လာမယ်။
အသည်း
အသည်းရောင် အသားဝါ Hepatitis ဖြစ်မယ်။
ရောဂါရှာဖွေပုံ
HIV ရောဂါပိုးဟာ အရမ်းသေးလွန်းလှတဲ့ အတွက် ရောဂါရှိမရှိ သွေးစစ်တဲ့အခါ ပိုးကိုရှိမရှိ လိုက်ရှာဖို. မလွယ်ကူပါဘူး။ ဒါကြောင့် ဘာကိုစစ်သလဲဆိုရင် Antibodies (မြန်မာလိုဆို ပဋိပစ္စည်းလို.ခေါ်တယ်)။ အဲဒါကို သွေးထဲမှာ စစ်တယ်။ HIV Antibodies တွေ.ရင် HIV Positive လို.သတ်မှတ်ပါတယ်။ Antibody ကို နည်းနှစ်နည်းနဲ.စစ်လို.ရပါတယ်။ တစ်နည်းက ELISA ( Enzyme Linked Immunosorbent Assay) ဖြစ်ပြီး နောက်တစ်နည်းက Western Blot ဆိုတဲ့နည်းပဲဖြစ်ပါတယ်။
ဒီလို antibody ကိုစစ်တဲ့ အခါမှာ ဥပမာ- လက်ကိုအပ်စူးပြီင်္းတာနဲ. ချက်ချင်းစစ်ရင် antibody မတွေ.နိုင်ပါဘူး။ ဘာလို.လဲဆိုတော့ antibody မထွက်သေးဘဲ အပေါ်မှာပြောခဲ့တဲ့ window period အချိန်ထဲကို ရောက်နေလို.ပါ။ Antibody ကရောဂါကူးစက်ပြီး ၃လ အကြာလောက်မှသွေးထဲမှာ စစ်လို.ရတာပါ။ ဒါကြောင့် ရောဂါကူးစက်ပြီးပြီးချင်း ရောဂါရှိမရှိ ချက်ချင်းမသိနိုင်ပါဘူး။
Anibody ကို အလွယ်နည်းနဲ.လည်းတချို.က စစ်ကြတယ်ဗျ။ အဲဒါကတော့ Test Kit နဲ.စစ်တာလေ။ ကိုယ်ဝန်ရှိမရှိစစ်တဲ့ အချောင်းလေးပုံစံမျိုးပဲ။ ဒါပေမယ့် ဖြေကသိပ်ယုံလို.မရဘူး။ False positive, False negative တွေထွက်တတ်လို.ပါ။ ပြောချင်တာက Test Kit က အချိန်တိုအတွင်းမှာ အဖြေသိ နိုင်တယ်။ ဒါပေမယ့် ဒါကိုချည်း အဖြေမှန်လို. မယူဆသင့်ဘူးလို.ပြောတာပါ။HIV ပိုးကို electron microscope နဲ.ရှာလို.တော့ ရတယ်။ ဒါပေမယ့် ဒီနည်းကိုသိပ်မသုံးကြပါဘူး။ research လုပ်ဖို.အတွက်လောက်ပဲ သုံးကြပါတယ်။ Immunoflorescence နည်းကိုလည်းသုံးပြီး ရှာနိုင်ပါတယ်။ ဒီနည်းလမ်းတွေက ဓာတ်ခွဲခန်းတွေ၊ ဆေးရုံတွေမှာ အသုံးများတဲ့ နည်းတွေဖြစ်ပါတယ်။ တခြားသော နည်းတွေ လည်ှးရှိပါသေးတယ်။
မြန်မာနိုင်ငံအတွက် တိုက်ဖျက်ရမယ့် ရောဂါတွေမှာ AIDS ကထိပ်ဆုံးက ပါဝင်ပါတယ်။ ကမ္ဘာပေါ်မှာလည်း ပပျောက်ဖို. လိုအပ်နေတဲ့ ရောဂါပါ။ AIDS ရောဂါခံစားနေရတဲ့ လူနာတွေကိုလည်း ခင်မင်ကြည်ဖြူစွာ ဆက်ဆံသင့်ပါတယ်။ ဒါဟာလည်း အရေးကြီးပါတယ်။ ရောဂါဖြစ်ပြီဆိုတာနဲ. စိတ်ဓာတ်မကျအောင် ထိန်းထားနိုင်ဖို.လည်းလိုပါတယ်။ ရောဂါကူးစက်ခံရပြီး ဘယ်လောက် ကြာကြာ အသက်ဆက်ရှင်နိုင်မလဲ ဆိုတာ ကိုယ့်ရဲ.စိတ်ဓာတ် ကြံ.ခိုင်မှု ပေါ်မှာလည်း မူတည်ပါတယ်။
အမှာစကား
နိဂုံးအနေနဲ.ပြောရရင် HIV ပိုးဟာ အားလုံးသိတဲ့အတိုင်း ကြောက်စရာ အရမ်းကောင်းပါတယ်။ သေတာတောင် အသေလှလှမဟုတ်ဘဲ ရုပ်ပျက်ဆင်းပျက်သေရမှာ။ ပျောက်ကင်းအောင် ကုသဖို. ဆေးလည်း အခု အချိန်အထိ မရှိသေးပါဘူး။ ကိုယ့်ကို ကိုယ် မဖြစ်နိုင်ဘူးလို. အမြဲ မယုံကြည် ထားပါနဲ.။ အခန်.မသင့်ရင် ကိုယ်တောင် မသိလိုက်ပဲ ကူးသွားနိုင်လို.ပါ။ ဒါကြောင့် သတိထား နေထိုင်ဆင်ခြင် ကြဖို.လိုအပ်ပါတယ်…
ဒီအပတ်တော့ ဒီလောက်နဲ.ကျေနပ်နိုင်လိမ့်မယ်လို.ထင်ပါတယ်။ နောက်အပတ်တွေမှာတော့ အပတ်စဉ် မှန်မှန် ရေးတော့မှာဖြစ်လို. စောင့်မျှော် ဖတ်ရှု ပေးကြပါခင်ဗျာ။
Friday, November 28, 2008
ခရီးထွက်ခြင်း
မ ရေရာမှု့ တွေ ချည်းပဲလို့ နားလည်တတ်ခဲ့တယ်...့ 
ရှုပ်ထွေးများပြားတဲ့
မာယာအတတ်တွေကို
ဘယ်ခေတ်တည်းက
လက်ဆင့်ကမ်းလိုက်သလဲ၊
တကယ်တော့......ငါတို့
မာယာတောမှာမောခဲ့ကြ
ခဏခဏဆိုသလိုပဲ....
ခွဲခဲ့ ခွာခဲ့ကြ
မာယာအနန္တနဲ့လူဖြစ်ခဲ့ကြ
မရနိုင်တော့တဲ့အတိတ်၊ နှိပ်စက်ကြရံဖန်ခါ
အိမ်မြောင်တစ်ကောင်ရဲ့ ဆာလောင်စွာ..................
အစာချောင်းရမှုတွေက ငါဆီကူးစက်လာရဲ့။
ငါလည်း အမှန်တရားတွေကိုဆာတယ်.......၊၊
သို့ပေသော်ငြား
ငါကားဦးမညွတ်...
အလျှင်းသင့်လွန်းစေဖို့ 
ငါလည်း မျက်နှာဖုံးလူသားတစ်ယောက်ဖြစ်ခဲ့တယ်....
ကံကိုသာယိုးမယ်ဖွဲ့ မထူးဟဲ့လို့လက်မှိုင်ချ
စိတ်ဓာတ်ကိုမကျပါစေနဲ့
အချိန်နဲ့သောကကိုရင်း
သစ္စာကိုလက်ကိုင်ပြုပါလို့
အားမာန်ကိုတင်း။
လူဆက်လုပ်ဖို့ 
အများကြီး ကျန်သေးတယ်...
သြော် ... ဆီင်္ဇာရေ
မင်းအတွက် ဘရုတပ်စ် က တစ်ယောက်တည်းနော်.... . . .
လမ်းကိုရှာ ကမ်းတွေပျောက်ရှ
ဗို့အားမပြည့်တဲ့ အလင်းနဲ့ ညတွေပဲ စုပုံ။
လက်ခုပ်နဲ့ ခပ်ယူလိုက်သော သမုဒ္ဒရာတောင်
လက်ချောင်းကြားက ယိုစိမ့်စီး....
နွေကန္တာခရောင်းလမ်း၊ ပန်းမခင်းထားလဲ
ကာကွယ်တွန်းလှန်
ကြံ့ကြံ့ခံရင်း
ဇွဲစိတ်တင်းမည်
သွေးတစက်နောက်ဆုံးကျန်သည်အထိ။
မှတ်ချက်... ကေသီပြောတဲ့ အားတက်စေဖို့ ရည်ရွယ်ထားပါတယ်... (အားလျော့သွားသလို ဖြစ်သွားရင် ဆောရီး :D )
ကြက်တူရွေး နှင့် မိန်းမကြီး
တစ်နေ့သောအခါ မိန်းမကြီးတစ်ယောက်သည် မိမိနေအိမ်သို့ ပြန်ရာ လမ်းခုလပ်တွင် အိမ်မွေးတိရစ္ဆာန်ဆိုင်ကို ဖြတ်ကျော်ရလေသည်။
ထိုဆိုင်သို့ ဖြတ်ကျော်နေစဉ်အတွင်း ကြက်တူရွေးတစ်ကောင်သည် ထိုမိန်းမကြီးအား
(((( အင်မတန်ရုပ်ဆိုးလိုက်တာဗျာ ))))
မိန်းမကြီးခမျာ ဒေါသထွက်ပြီး ဆောင့်ကြီးအောင့်ကြီးနဲ့ ဖြတ်ကျော်သွားလေသည်။
နောက်နေ့တစ်ခါ ထပ်မံဖြတ်ကျော်ရပြန်သည်။ ထုံးစံအတိုင်းပင် ကြက်တူရေး သည်
(((( ရုပ်ဆိုးလိုက်တဲ့ မိန်းမကြီးဗျာ ... ))))
ထိုမိန်းမကြီး အကြီးအကျယ် ဒေါသထွက်လေတော့သည်။ ထိုအခါ ထိုမိန်းမကြီးသည် ဆိုင်ရှင်အား အကြိုးအကြောင်း ပြောပြပြီး နောက်တစ်ခါ ထပ်မံပြောမည် ဆိုပါက ကြက်တူရွေးကိုလည်း သတ်ပစ်မည်။ ဆိုင်ရှင်ကိုလည်း တရားစွဲမည် ဖြစ်ကြောင်း ပြောပြပြီး ဆိုင်မှ ထွက်ခွာသွားလေသည်။
နောက်နေ့တွင် ထိုမိန်းမကြီး ဆိုင်ရှေ့မှ ဖြတ်ကျော်မည် အပြုတွင်
ကြက်တူရွေး က ။ ။ ဟိုအမကြီး
မိန်းမကြီး ။ ။ ဘာတုန်း
ကြက်တူရွေး ။ ။ ဟဲ... ဟဲ.. ခင်ဗျားကို ကျုပ်ဘာပြောမယ်ဆိုတာ ခင်ဗျားသိပြီးသားပါ ....
:D
Source : mmcp
Thursday, November 27, 2008
တိမ်တွေငို တဲ့ ကမ္ဘာ
ရိုးစင်းတဲ့ ရင်ခုန်သံ အောက်မှာ
မငြိုငြင်တဲ့ အပြုမှုတွေကြောင့်
မရိုးရှင်းတဲ့ ရင်ခုန်သံ ကို
ကျွန်းတစ်ခု အဖြစ် ဖန်းဆင်းခဲ့သူက
ငါ့ဘ၀ရဲ့ အချစ် နတ်ဘုရားတစ်ပါး ဖြစ်လာလိမ့်မယ်လို့
စိုးစဉ် မျှတွေးမထားခဲ့မိတာဟာ
အချစ်စစ်ခဲ့တာလား
အပြစ်ဖြစ်ခဲ့တာလား
ဆွံအံနေတဲ့ နှလုံးသားတစ်စုံကို
မင်းဝင်လို့ ခံစား ကြည့်စေချင်တယ်......
တကယ် ဆို အစွန့်ပစ်ခံ ပန်းတစ်ပွင့်မို့
စိုးရွံ့စွာ ရှက်နေမိတာ အမှန်ပါ......
ငါ့ကိုယ် ငါ အရွဲ့တိုက်လို့
ငါ့စိတ်ကို အမှောင်ချခဲ့ပေမယ့်
ရင်ခုန်သံတွေက တုန်လှုပ်နေဆဲပါ.....
ရင်ခုန်သံတွေ စည်းခြား
ကမ္ဘာတစ်ခု ကို စွန့်ခွာခဲ့ပေမယ့်
ငါ့နှလုံးအိမ်က
တိမ်တွေနဲ့ အတူလွင့်မျောကျန်ခဲ့မှန်း
ဘ၀ခြားမှသိခဲ့ရတယ်.....
Wednesday, November 26, 2008
Comics(3) ဘိုဘိုပါဝင်သော လက်အိတ်
ဒီ အပတ် ကာတွန်း နံပါတ်(၃) ကိုတော့ ဘိုဘို ကာတွန်းကို ယခင် နံပါတ်(၂) အပြီးမှာ လူအများ တောင်းဆိုချက် အရ တင်ဆက်လိုက်ရပါတယ်။ နောက် အပတ် ကျရင် ပြာဂလောင် ပြာလချောင် (သို့) ရွှေအိ ရွှေဘုတ် ကို တင်ဆက် ပေးပါမယ်။ မဲပေးပြီး ဆန္ဒ ပေး နိုင်ပါတယ်။ တင်စေချင်သော ကာတွန်း နာမည်ကို ပြောခဲ့ပါ။
ု
နောက်အပတ်ကျရင် ပြာဂလောင် ပြာလချောင် (သို့) ရွှေအိ ရွှေဘုတ် ကို တင်ဆက် ပေးပါမယ်။ မဲပေးပြီး ဆန္ဒပေး နိုင်ပါတယ်။ တင်စေ ချင်သော ကာတွန်း နာမည်ကို ပြောခဲ့ပါ။
Tuesday, November 25, 2008
ဖွားဖွားတို့ကြိုက်တာက
တစ်ခါက ခရီးသည်တင် ဘတ်စ်ကား မောင်းသူ တစ်ယောက်ဟာ ကားစီးလုံးပြည့် အဖွားအို တစ်သိုက်နဲ့ အဝေးပြေး လမ်းမကြီးအတိုင်း မောင်းနှင်လာခဲ့ပါသတဲ့။ လမ်းခုလတ် တစ်နေရာ အရောက် နောက်ဖက်ခုံမှာ ထိုင်နေသူ ခပ်သေးသေး အဖွားအိုက သူ့ပုခုံးကို လက်တို့ပြီး "မောင်ရင်လေး မြေပဲ ကြိုက်တတ် လားကွယ့်" လို့ မေးလာပါတယ်။
ကားမောင်းသူကလဲ ရိုသေစွာ "ဟုတ်ကဲ့ အဖွား" လို့ ပြန်ဖြေလိုက်ပါသတဲ့။
အဲ့ဒီနောက် သူ့ပုခုံးကို ကျော်ပြီး လက်တစ်ခုပ်အပြည့် မြေပဲတွေ လာပေးတာပေါ့။
ကားမောင်းသူမှာ ကျေးဇူးတင် ၀မ်းသာစွာနဲ့ မြေပဲတွေကို စားလိုက်တယ်။
နောက် ၁၅မိနစ်လောက် အကြာမှာ သူ့ပုခုံးကို ကျော်ပြီး နောက်ထပ် မြေပဲ လက်တစ်ခုပ် ရောက်လာပြန်ရော။
အဖွားအိုက အဲ့ဒီနည်းအတိုင်း ၅ခါလောက် မြေပဲတွေ လာပေးနေလေသည်။ ကားမောင်းသူကလည်း အပြင်းပြေ မြေပဲလေး တမြုံ့မြုံ့နဲပေါ့။
နောက်တစ်ခါ သူ့ပုခုံးကို အဖွားအိုက လာတို့ ချိန်မှာတော့ မနေနိုင်ပဲ မေးမိပါသတဲ့။
"အဖွားခင်ဗျာ့၊ ၀ယ်လာတဲ့ မြေပဲတွေ ကိုယ့်ဘာသာ မစားပဲ ဘာကြောင့် ကျနော့်ကိုပဲ လာပေးနေတာလဲ ခင်ဗျာ" ဟု မေးလိုက်သည်။
အဖွားအိုကလည်း
"ဖွားဖွားတို့က မ၀ါးနိုင်ဘူးကွယ့် ဖွားဖွားတို့မှာ သွားမရှိဘူးလေ" ဟု ပြန်ဖြေလိုက်သည်။
စဉ်းစားရ ကြပ်သွားတဲ့ ကားမောင်းသူကလဲ ထပ်ပြီး မေးပြန်လေသည်။
"မစားနိုင်ပဲနဲ့များ ဘာလို့ ၀ယ်ခဲ့ရသလဲ အဖွားရယ်" ဟူ၍ဖြစ်သည်။
အဖွားအို ပြန်ဖြေလိုက်ပုံက
"ဖွားဖွားတို့က မြေပဲအပြင်မှာ ၀န်းရံထားတဲ့ ချောကလက်တွေကိုပဲ ကြိုက်တာလေ" ဟူသတည်း ..
:D
Source : mmcp
ASK ME စားပွဲဝိုင်း (အမှတ် - ၆)
အခု ASK ME စားပွဲဝိုင်း ရဲ့ အမှတ် (၆) မှာ မေးခွန်း ၃ခုရဲ့ အဖြေကို ဖော်ပြသွားပါမယ်။ မေးခွန်း အသစ်တွေ ဆက်မေးချင်တယ် ဆိုရင်တော့ ဒီနေရာ ကို သွားပြီး မေးမြန်းနိုင်ပါတယ်။
ပညာရေး ဆိုင်ရာ မေးခွန်း
ထွန်းနိုင် ၏ မေးခွန်း
ဟုတ်ကဲ့။ အမေရိကန်ပညာရေး ပိုစ့်လေးဖတ်ပြီး မေးခွန်းလေး ပေါ်လာလို့မေးချင်တာပါ။ အမေရိကန်ပညာရေးနဲ့ မြန်မာပြည်က ပညာရေးနဲ့ဘာများ ကွာခြားပါသလဲ?
ဘာများကွာသလဲဆိုတော့ လက်ရှိ မြန်မာပြည်က ပညာရေးစနစ်က ရှေးဟောင်း အင်္ဂလိန် ပညာရေးစနစ်ကို အခြေခံ ထားပါတယ်။ လက်ရှိ အင်္ဂလန် စနစ်တော့ မဟုတ်ဘူးပေါ့။ မြန်မာပြည်က ပညာရေး အဆင့်တိုင်းမှာ ကျောင်းသား ကျောင်းသူတွေ အားလုံးကို စာတွေကို အလွတ်ကျက်စေပါတယ်။ စာတွေအားလုံးကို သေချာ နားလည်ထားဖို့ထက် အများစုဟာ စာတွေကို အလွတ်ကျက်မှတ်ပြီး စာမေးပွဲတွေကို ဖြေဆိုကြတယ်။ မေးလိုက်တဲ့ စာမေးပွဲတွေဟာလည်း အလွတ်ကျက်ထားလား မကျက်ထားလား မေးတဲ့ မေးခွန်းတွေ ဖြစ်တယ်။ တစ်ချို့ဆရာ ဆရာမတွေဆိုရင် သခ်ျာမှာ အဆင့်လေး တစ်ဆင့် ကျန်ခဲ့လို့ အမှတ်မပေးတော့ တာမျိုး ရှိပါတယ်။ ဒီလိုမျိုး လုပ်ဆောင်ချက်တွေဟာ မရှိသင့်ပါဘူး။ ပြီးတော့ မြန်မာပြည်မှာ အရည်အချင်း အမှန်တကယ် ပြည့်ဝတဲ့ ဆရာတွေ အများကြီးလိုပါတယ်။ အရည်အချင်းပြည့်ဝတဲ့ ဆရာ ဆရာမတွေကို အဓိက မွေးထုတ်ပေးဖို့ အရေးကြီးပါတယ်။ ဒါတွေ အားလုံးဟာ အမေရိကန်ပညာရေးမှာ ကွာခြားနေပါတယ်။ အမေရိကန်ပညာရေးရဲ့ အဓိက ရည်ရွယ်ချက်တစ်ခုအရ ကျောင်းသား တွေ အားလုံးကို Curiosity ဆိုတဲ့ စူးစမ်းလိုစိတ်ကို ဖြစ်ပေါ်လာစေ၇န် ငယ်စဉ်ချိန်ခါကထဲက ပြုစုပျိုးထောင်ပေးပါတယ်။ မြန်မာပြည်မှာတော့ နင်တို့ လျှာမရှည်ကြနဲ့စမ်း ဆိုတဲ့ ဆရာတွေ ဆရာမတွေက တစ်ပုံတစ်ခေါင်းပါ။ ကျောင်းသားတွေကို စူးစမ်းစေလိုစိတ်ကို အဓိက ဖြစ်ပေါ်စေပြီး အရာရာကို မိမိဘာသာ သေချာ သုံးသပ်စေလိုတဲ့ စနစ်က လက်တွေ့ဘ၀မှာ အများကြီး အထောက် အကူဖြစ်ပါတယ်။ စာမေးပွဲတွေ စစ်တဲ့ အချိန်မှာလည်း အလွတ်ကျက်ထားလား မကျက်ထားလားထက် ကျောင်းသား တစ်ယောက်က ဒီ သင်ခန်းစာအပေါ်မှာ ဘယ်အဆင့်ထိ နားလည် သဘောပေါက်သလဲ ဆိုတဲ့ နေရာကို အဓိက ထားပြီး စစ်ဆေးပါတယ်။ ဒီလိုမျိုးတွေ ရှိနေတော့ မြန်မာပြည်က စနစ်က လက်တွေ့ဘ၀မှာ ထိရောက်စေဖို့ ခက်ခဲ ပါတယ်။ မြန်မာပြည်မှာ ဆေးပညာကို ၅နှစ်တိတိ ဖတ်ခဲ့ပြီးတော့ ယူရီးယားမော်လီကျူးဖွဲ့စည်းပုံနဲ့ ရေရဲ့ မော်လီကျူးဖွဲ့စည်းပုံကို သေချာ မခွဲတတ်တဲ့ လူတွေလည်း အများကြီး ရှိပါတယ်။ ကျွန်တော်ပြောသွားတာတွေ အားလုံးက ကွာခြားချက် အနည်း အကျဉ်းပါ။ ဒီလို အားနည်းချက်တွေကို အောက်ခြေ အခြေခံစနစ်ကနေ သေသေချာချာ ပြုပြင် ဖွဲ့စည်းသင့်တယ်လို့ ယုံကြည်ပါတယ်။
Tea
နိုင်ငံရေးဆိုင်ရာ မေးခွန်း
Anonymous ၏ မေးခွန်း
this's for ask me စားပွဲဝိုင်း, is brain drain a problem for myanmar now?
ဒီမေးခွန်းက အရင်တစ်ခါက ကျွန်တော် ဖြေလိုက်တဲ့အဖြေ (ASK ME - 5) ထဲမှာ လက်ရှိမြန်မာပြည်မှာ ပညာရေးကင်းမဲ့နေလို့ လူတွေ ဒုက္ခရောက်နေရပါတယ် ဆိုတဲ့ အကြောင်းရယ်၊ ပြီးတော့ Brain Wash လုပ်ခံနေရတယ်ဆိုတဲ့ အကြောင်းကို မူတည်ပြီး မေးထားတဲ့ မေးခွန်းတစ်ခုပါ။ မြန်မာလို ရှင်းရှင်းပြောရရင် ဦးနှောက်ဆေးခံရခြင်းပေါ့။ အခု လက်ရှိတိုင်းပြည်ရဲ့ အခြေအနေက တော်တော်ဆိုးနေပါတယ်။ စစ်အစိုးရက ပညာရေးစနစ်ကြီးကို ချိုးဖျက်ထားတော့ နောင်လာမယ့် မျိုးဆက်သစ်တွေ မိမိကိုယ်ကို သေသေချာချာ စဉ်းစားတွေးခေါ်နိုင်ဖို့ အရေးကြီးပါတယ်။ အဘက်ဘက်ကနေ ထိန်းချုပ်ခံထားရတဲ့ ပညာရေး စနစ်အောက်မှာ အစစအရာရာ လွတ်လပ်မှုဆိုတာ မရှိပါဘူး။ နေရာပေါင်းစုံကနေ ထိန်းချုပ်ခံထားရတဲ့ Media (သတင်းစာ၊ ရုပ်မြင်သံကြား၊ ရေဒီယို) တွေ ကြားမှာ Brain Wash လုပ်ခံရဖို့ဆိုတာ အင်မတန်မှ လွယ်ကူပါတယ်။ တစ်ခုရှိတာက ကိစ္စမှန်သမျှကို စဉ်းစားချင့်ချိန်တတ်ဖို့ အရမ်း အရေးကြီးပါတယ်။ မေးခွန်းကို တိုက်ရိုက်ဖြေရမယ်ဆိုရင် ဒီပြဿနာက များလှစွာသော ပြဿနာတွေ ကြားထဲက တစ်ခုအပါအ၀င်ဖြစ်ပါတယ်။ တိုင်းပြည်က လျှောက်လှမ်းရမယ့် ခရီးရှည်ကြီးကို လျှောက်လှမ်းနေစဉ်မှာ ပြဿနာတွေ အများကြီး ကြုံလာမှာ အမှန်ပါ။ ဒီဟာတွေ ကြားထဲက ဒီလိုပြဿနာကလည်း အခြေခံကျတဲ့ ပြဿနာ တစ်ခုပါ။ နေရာတိုင်းမှာ လွတ်လပ်မှုဆိုတာ မရှိတော့ ဒီလိုမျိုးပြဿနာက ပေါ်လာမှာ မလွဲမသွေပါ။ ဒီလို ပြဿနာတွေကို ဖြေရှင်းဖို့ ပညာရေးနဲ့ မီဒီယာနဲ့ ဖြေရှင်းမှသာ ထိရောက်မှု ရှိမယ်လို့ ထင်ပါတယ်။
Tea
General မေးခွန်း
tattlu ၏ မေးခွန်း
ကျွန်တော့်အိမ်ဝိုင်းတော်သားများ အားလုံး မင်္ဂလာပါဗျာ။ ကျွန်တော်မသိတာလေးလည်း တစ်ခုမေးရဦးမယ်။ အင်တာနက်မှာ မြန်မာစာလုံးပေါင်း သတ်ပုံကျမ်းတို့၊ မြန်မာစာ သဒါဆိုင်ရာတွေ လေ့လာဖို့ပြုစုပြီး တင်ထားတာလေး များရှိရင် အညွှန်းလေး တဆိတ်လောက် ဖြေကြားပေးပါဦးဗျ။
www.myanmarcupid.net ဖိုရမ်ကို အကြံပေးပါရစေ။ တခြား နေရာတွေမှာလည်း တစ်ခါမှ မတွေ့ဖူးဘူးလေ။ မြန်မာကရုဘစ်မှာတော့ ရှိလိမ့်မယ်လို့ ထင်ပါတယ်။ ကျွန်တော် အရင်တုန်းကလည်း ကရုဘစ်ကနေ တစ်ဆင့် သတ်ပုံကျမ်းတွေ လေ့လာဖူးပါတယ်။
Tea
အားလုံးကို လေးစားလျှက်
www.myhome16.com
Monday, November 24, 2008
ဂျော်နီဝါကာကြောင့် အသည်းကွဲကြသူများ
ကျမ ပိုင်ဆိုင်ခဲ့ ဖူးတဲ့ ချစ်ခြင်းတိုင်းကို လေးစားလို့ အလေးထားခဲ့ ဖူးတယ် ။ အချစ်ဆိုတဲ့ အရာကို ထိုင်ရှစ်ခိုးလို့ မကိုးကွယ်တတ်ပေမယ့် မှန်ကန်တဲ့ သဘောထားနဲ့ ပေးအပ်လို့ သခင့်ထံမှာ သစ္စာတရား ရင်ဝယ်ပိုက် လို့ ပေးဆပ်ရင်း ကျေနပ်ခဲ့သူပါ။
ကော်ဖီတစ်ခွက်လို ခါးသက်သက် အရသာရှိတဲ့ ကျမဘ၀မှာ ရင်ခုန်စရာ သံစဉ်တွေကို အချိန်ပြည့် မဖန်တီး နိုင်ခဲ့ပေမယ့် အနာဂတ် အိမ်မက် ခြေလှမ်းတွေကိုတော့ ပုံဖော်ရင်း သေချာခြင်တဲ့ အနာဂတ်ရဲ့ မိခင်၊ အနာဂတ် ဇနီးလောင်း အဖြစ် ခါးသက်သက် ကော်ဖီတစ်ခွက်ကို ကိုင်ရင်း ပုံဖော်နေခဲ့ တာ သခင် မသိခဲ့တာလား မ၇ှိခဲ့တာလား…. မာယာမပါတဲ့ ငါ့ချစ်ခြင်းမှာ ဂုဏ်ပကာသန တွေ မပါခဲ့တဲ့ ရိုးရှင်းတဲ့ အကြင်နာ ချစ်ခြင်း တွေကို နဲ့ ခစားခဲ့သူပါ။ မာန ကို တန်ဖိုး နဲ့ ဂုဏ်သိက္ခာ ဆိုတဲ့ နေရာ အတွက် လက်နက်လို့သာ သဘောထားရင်း သခင့် အပါးမှာ မာနတွေ မှေးမှိန် သွားပေမယ့် အချစ်တွေ မသေးသိမ်ခဲ့ တာ တော့ အမှန် ပါ သခင်……
ကမ္ဘာကြီးကို ဘယ်သူတွေဘဲ စခဲ့စခဲ့  ကျမ အိမ်မက်ကမ္ဘာ ရင်ခုန်သံရွာကြီးကိုတော့ သခင်ဘဲ စခဲ့တာပါ။ ပုရွတ်ဆိတ်ပေါင်းမြောက်များစွာ၊ ခြင် ပေါင်း မြောက်များစွာကို ကျမ သတ်ခဲ့ဖူးတဲ့ ကျမ ကို ပေးလိုက်တဲ့ တန်ပြန်မှုက သခင့်ကြောင့် မွေးဖွားလာတဲ့ ချစ်ခြင်းတွေသာမက သခင်ကိုယ် တိုင် မွေးဖွားခဲ့တဲ့ သစ္စာတရား ကို ဂျော်နီဝါကာ တစ်ဝက်သောက်လို့ ရိုက်ချိုးပစ်နိုင်ခဲ့တယ်နော်….. ဂျော်နီဝါကာ ဆိုတဲ့ ဟိုမရောက်ဒီမရောက် တုတ်ကောက်ကိုင်လို့ လမ်းလျှောက်နေတဲ့ လူကြီးကိုဘဲ အပြစ်တင်လိုက်ရင် ကောင်းမလားလို့ အကြိမ်ကြိမ် စဉ်းစားခဲ့ပေမယ့် ညနတ်မိမယ် လေးတွေနဲ့ ပျော်ပါး နေတဲ့ သခင့် မျက်နှာကြီးက သန်းရွှေ မျက်နှာကြီးနဲ့ တူလွန်းလှပါတယ် သခင်….
ခွေးမသောက်တဲ့ အရည်တွေကို သခင် သောက်တတ်မှန်းသိပေ မယ့် ခွေးတစ်ကောင်လိုသစ္စာ ရှိလိမ့်မယ်လို့ ဘဲ ယုံကြည်ခဲ့ မိတယ်..။ love is blind လို့ ဟိုလူကြီးက ပြောသွားပေမယ့် ကျမ ချစ်ခြင်းမှာ ပါဝါ ၁၅၀၀ပါတဲ့ မျက်မှန် တစ်လက်ရှိခဲ့တာ သခင်မသိခဲ့လေသလား။ အတိတ် ဘ၀ က သခင့် မဒီတွေနဲ့ အိပ်စက်ခဲ့တာ သိပေမယ့်။ အတိတ် ကို အတိတ်မှာထားလို့ အနာဂတ်နဲ့ ယခုလက်ရှိအချိန်ကိုသာ ဦးတည်လို့ ခြေလှမ်းသစ်တွေ စတင်ခဲ့ပါတယ် သခင်….. တကယ်ဆို သခင် ရိုက်ချိုးခဲ့တာ သစ္စာတရား သာ မက နှစ်ဖတ်အသိုင်းဝိုင်းရဲ့ ဂုဏ်သိက္ခာ ကို Golden Gate တံတားပေါ်ကနေ သခင် ရူးနှမ်းနှမ်းနဲ့ ကန်ချပစ်ခဲ့တယ်…. အုတ်မြစ်တွေအသေချလို့ အိမ်မက်တွေကို ဖတ်တွယ် အနာဂတ်ကို မှန်းဆ လို့ တည်ဆောက်ခဲ့တဲ့ ကျမ ချစ်ခြင်းတွေက စူနာမိလှိုင်း ကြောင့်နဲ့လဲ မပါသွားသလို နာဂစ်နဲ့လဲမပျက်စီးခဲ့ပါဘဲ သခင်သောက်ခဲ့တဲ့ ဂျော်နီဝါကာနဲ့ မှ ပါသွားတာကြောင့် ရင်နာမိတာ အမှန်ဘဲ သခင်....
တကယ်ဆို သခင့်ကိုဘဲ စိတ်နာရ မလား ဂျော်နီဝါကာကိုဘဲ စိတ်နာရမလား ကျမ စိတ်တွေေ၀၀ါးဆဲပါ သခင်. အပြင်ထွက်လို့ ဂျော်နီဝါကာ ကြေငြာ ဆိုင်းဘုတ်တွေမြင်တိုင်း သခင့်ကို စိတ်နာသလို အဲဒီ ဆိုင်းဘုတ်ကိုဘဲ ခဲနဲ့ ထုပစ်ချင်ခဲ့ မိတာကြောင့် အခန်း အောင်းလို့ နေခဲ့မိတယ်… ဂျော်နီဝါကာသောက်လို့ ရူးနှမ်း နှမ်းလုပ်ရက်တွေကို လုပ်ခဲ့တဲ့ သခင့်ကို အကြောင်းကို တွေးရင် သခင်လို ဘဲ လို ခပ်ဆင်ဆင် လူကြီး တွေကိုလည်း သတိရ လိုက်မိသေးတယ် သခင်။ သန်းရွှေ တစ်ယောက် ရူးနှမ်းနှမ်းတွေ လုပ်နေတာ ဘယ် သေနာတွေက ဂျော်နီဝါကာ လက်ဆောင်သွား ပေးမှန်းမှမသိတာ….
မောင်အေး စခဲ့တဲ့ ရုရှားမြန်မာ နူးကလီးယားပရောဂျက်ကြီးမှာလည်း ဗော်ဂါ နဲ့စခဲ့တယ်လို့ သတင်း သဲ့သဲ့ ကြားခဲ့ဖူးတယ် ဒါကို ဟိုသေနာကြီးက ရေဗူးပေါက်တာ မလိုချင်ဘူး ရေ ပါတာဘဲလိုချင်တယ်လို့ သွေးရူးသွေးတမ်း အော်ဟစ်နေသေးတယ်… ကျော်ဆန်းပြောတဲ့ မီဒီယာကို မီဒီယာနဲ့ တိုက်မယ်ဆိုတာ မီဒီယာ သမားတွေကိုလဲ အရက် တိုက်မယ်လို့ ပြောတာများလား.. ဒါဆိုလဲ သူတို့က ကျေအေးမှာပါ ဒီမိုကရေစီ တိုက်ပွဲ အတွက် တိုက်ပွဲဝင်ဖို့ အစည်းဝေး လုပ်တိုင်း နောက်ဆုံးတော့ ဒီမိုကရေစီစားပွဲပေါ်မှာ အရက်ပုလင်းခွံ၊ ဘီယာပုလင်ခွံတွေသာ ပွစာကျဲလို့ နိုင်ငံေ၇းသမား တစ်ချို့လဲ အရက်နာကျပြီး ဗိုက်ပူလာတယ်။ သြော်……. နောက်ဆုံးတော့လည်း ဒီမိုကရေစီတိုက်ပွဲရဲ့ အဆုံးသတ်မှာ ပြည်ပရောက်နိုင်ငံရေးသမား တစ်ချို့ ဗိုက်ပူပူနဲ့ ဘဲ ဆုတွေ တစ်ဆုပြီး တစ်ဆု ကိုယ်စားယူပေး နေကြတာပါလား လို့ သဘောပေါက်လိုက်တယ်။
ဒီမိုကရေစီ တိုက်ပွဲဝင် နေသူတွေ အစွန့်ရှည်ရှည်နဲ့ ရပ်တည်ဘို့ ပရိုပို ဆယ်လေး တင်လိုက် စတိတ်မန့်လေးတွေနဲ့ ချွေးသိပ်ရင်းနဲ့ အိပ်စက်ခဲ့တာ အနှစ်နှစ်ဆယ်တောင် ကျော်နေပါပြီ သခင်… စတိတ်မန့် တွေ ပေါင်းချုပ်ထုတ်ပြီး ရောင်းစား ရင်တောင် Global Crise အတွက် Recover ဖြစ်မလားမသိ.. ဂျော်နီဝါကာရယ် ခင်ဗျားကို ဒင်းတို့တွေ အသည်းစွဲလို့ ကျမ အသည်းသာမက ကျမ တို့ တိုင်းသူပြည်သား တွေပါ အသည်းကွဲခဲ့ရ နေကြရပါပြီ ...
ဂျော်နီရေ ခင်ဗျားကြီးလမ်းလျှောက်နေသမျှ ကျုပ်တို့ အသည်းတွေကွဲနေရအုံးမှာပါ......
လေးစားသင့်သူများကိုလျက်
မေသူ
ps. ဘာရယ်မဟုတ်ဘူး ပျင်းခြောက်ခြောက်ဖြစ်နေလို့ အော်ဟစ်ကြည့်တာလေ ။ ဆရာတီးကလည်း ပို့စ်မတင်တာ ကြာလို့ ဆဲလှပြီ
Sunday, November 23, 2008
ဒို့တိုင်းပြည်
ထလော့မြန်မာ၊ အိုမြန်မာတို့
ဒို့ရွာ ဒို့မြေ၊ ဒို့ရွာမြေဝယ်
စေတီ စပါး၊ များလည်း များ၏
များပါလေလဲ၊ တမွဲမွဲနှင့်
ဆင်းရဲကာသာ၊ ကာလကြာလျှင်
ယာစကာမျိုး၊ တညှိုးညှိုးနှင့်
ပုထိုးမြင့်မောင်း၊ ကျောင်းကြို ကျောင်းကြား
လှည့်လည်သွားလျက်
မစားလေရ၊ ဝမ်းမဝ၍
ဆွမ်းမျှ မတင်နိုင် ရှိမည်တည်း။
ထလော့မြန်မာ၊ အိုမြန်မာတို့
ဒို့ရွာ ဒို့မြေ၊ ဒို့ရွာမြေဝယ်
ရေချိုသောက်ရန်၊ မြစ်ချောင်းကန်နှင့်
သီးနှံချိုပျား၊ များလည်းများ၏
များပါလေလဲ၊ တမွဲမွဲနှင့်
ဆင်းရဲကာသာ၊ ကာလကြာလျှင်
မြင်သာမြင်ရ၊ မစားရ၍
တောကပြိတ္တာ ဖြစ်မည်တည်း။
ထလော့မြန်မာ၊ မြန်မာ ထလော့
အားမပျော့နှင့်၊ မလျှော့လုံ့လ
သူကစ၍၊ ငါကအားလုံး
လက်ရုံးမြားမြောင်၊ ဥာဏ်မြားမြောင်နှင့်
စွမ်းစောင်ကြလေ၊ ဆောင်ကြလေလော့
ဤမြေ ဤရွာ၊ ဘယ်သူ့ရွာလဲ
ဤယာစပါး၊ ဘယ်သူ့စပါးလဲ
ထားလော့တာဝန်၊ ပွန်လော့ လုပ်ငန်း
ဉာဏ်ရှေ့ ပန်း၍
တဝမ်းတစိတ် ညီစေသတည်း။ ။
ဇော်ဂျီ
Friday, November 21, 2008
အမေရိကန်မှာ ပညာသင်ယူရန်ပြင်ဆင်ခြင်း
ကျွန်တော့်ကို ဒီဆောင်းပါးလေး တစ်ချို့လူတွေ ဒီဆောင်းပါးလေး ရေးခိုင်းနေတာ ကြာလှပြီ။ အခုတလော လည်း အလုပ်တွေရှုပ် နေတာ ဘာတွေ ရှုပ်နေမှန်းကို မသိပါဘူးဗျာ။ ဒီမနက်တော့ အားနေတုန်းလေး ရေးလိုက်ပါမယ် ဆိုပြီး မြန်မာပြည်က ကျောင်းသား ကျောင်းသူတွေ အမေရိကန်မှာ စာလာဖတ်ဖို့ ဗဟုသုသ ရအောင် တဖက်တလှမ်းကနေ ကူညီပေးလိုက်ပါတယ်။
၁၀တန်း
၁၀တန်း အမှတ်ကလည်း အရေးကြီးတယ်လို့ ပြောရပါဦးမယ်။ ကျောင်းတွေက ၁၀တန်း အမှတ်တွေကိုလည်း ကြည့်ပါတယ်။ ဥပမာ မြန်မာတစ်နိုင်ငံလုံး အဆင့် ၁ကနေ ၁၀ အတွင်းဝင်တဲ့ (Whole Burma) တွေဆိုရင် ဒီက တော်တော်လေး မိုက်ပြီး ကောင်းတဲ့ ကျောင်းတွေကို ၀င်ဖို့ လွယ်ကူပါတယ်။ ၁၀တန်း အမှတ် သိပ်မကောင်းလည်း အောက်က TOEFL နဲ့ SAT တွေကို သေသေချာချာ လုပ်ပြီး အမှတ်ကောင်းမယ်ဆိုရင် တော့ အဆင်ပြေပါတယ်။
TOEFL
အမေရိကန်မှာ ကျောင်းတက်တော့မယ် ဆိုရင် အရေးကြီးဆုံးက TOEFL ရယ်၊ SAT ရယ် ဖြစ်တယ်။ စာမေးပွဲနှစ်ခုပါ။ TOEFL ဆိုတာ Test of English as Foreign Language ပါ။ အဓိပ္ပာယ်ကတော့ မိခင်ဘာသာ စကား အင်္ဂလိပ်စာ မဟုတ်တဲ့ လူတွေကို အင်္ဂလိပ်စာ အရည်အချင်း စစ်ဆေးတဲ့ စာမေးပွဲတစ်ခုပါ။ သူ့မှာ Listening, Grammar, Reading, Speaking ဆိုပြီး လေးမျိုးပါတယ်။ စစ်ဆေးတာတော့ စာရွက်နဲ့ စစ်တာရယ်၊ ကွန်ပျူတာနဲ့စစ်တာရယ် နှစ်မျိုးရှိတယ်။ အခုကမ္ဘာတစ်ဝှမ်း မှာတော့ ကွန်ပျူတာနဲ့ပဲ စစ်ပေးနေပြီ။ မြန်မာနိုင်ငံမှာတော့ အင်တာနက် အဆင် မပြေလို့ စာ၇ွက်ကို ပိုအားထား နေဆဲပါ။ စာရွက်နဲ့စစ်တဲ့ စာမေးပွဲတွေမှာ Speaking မပါဘူးလေ။ ပို အဆင်ပြေတာပေါ့။ TOEFL ရလဒ် တစ်ခု မရှိပဲနဲ့တော့ အမေရိကန်က ကျောင်းတွေ လက်ခံလေ့ မရှိပါဘူး။ ဒါကြောင့် ၁၀တန်း ပြီးသွားတာနဲ့ အဆင်သင့် ဖြစ်ဖို့ TOEFL သင်တန်းတွေ လိုက်တက်ပါ။ ရန်ကုန်မှာ စုံစမ်းလို့ ရပါတယ်။ ကျွန်တော် အကြံပေးချင်တဲ့ TOEFL သင်တန်းကတော့ ရန်ကုန်က Y.E.S ပါ။ TOEFL ကို ၃လ ၄လ လောက် သေသေချာချာ ပြင်ဆင် ပြီးပြီဆိုရင် စာမေးပွဲဖြေဖို့ပါ အစကထဲက ကြိုတင် စာရင်း သွင်းထားပါ။ စာရင်း သွင်းပေးတဲ့ နေရာတွေ ရှိပါတယ်။ သူက အွန်လိုင်းက Credit Card နဲ့ စာရင်း သွင်းရတာမို့ မြန်မာငွေ လက်ခံပြီး စာရင်းသွင်းပေးတဲ့ လူတွေ ဆီမှာ ကြိုပြီး သွင်းထားပါ။ စာမေးပွဲဖြေရင် ရလာဒ်က တစ်လ အတွင်း ရပါတယ်။ Paper Base စာရွက်နဲ့ စစ်ဆေးတဲ့ စာမေးပွဲမှာ အမှတ် ၆၀၀ ကျော်ဖို့ အရေးကြီးပါတယ်။
TOEFL Wavier - IELTS
International English Language Testing System (IELTS) လို့ခေါ်တဲ့ အင်္ဂလန်၊ သြစတေးလျ တွေမှာ သုံးတဲ့ အင်္ဂလိပ်စာ စစ်ဆေးခြင်း စာမေးပွဲ အမျိုးအစားတစ်ခုကို ဖြေချင်တယ်၊ TOEFL မဖြေချင်ဘူး ဆိုရင်လည်း ကျောင်းတွေ တော်တော်များများမှာ IELTS ကို TOEFL အစား လက်ခံ ပေးပါတယ်။ ဒါပေမယ့် IELTS က TOEFL ထက် ပိုခက်တယ်လို့ ပြောလို့ရပါတယ်။ အမှန်ရွေးအစား ကွက်လပ်ဖြည့်တာတွေ ပါတယ်။ ပြီးတော့ Speaking Test လည်း ပါတယ်။ တစ်ချို့လူတွေက British Concil မှာ အတန်းတွေ တက်ထားတော့ သူတို့ IELTS ပါ ဖြေရတာ လွယ်ကူတယ်။ ဒါကြောင့် TOEFL ကို ထပ်မလုပ်တော့ပဲ IELTS ပဲ ဖြေလိုက်တယ်။ ကျောင်းလျှောက်တော့လည်း တစ်ခါထဲ IELTS နဲ့ပဲ လျှောက်ကြတယ်။
SAT
ပြီးတော့ SAT (Scholastic Aptitude Test) ဒါက ဘာသာရပ်တွေ စစ်ဆေးတဲ့ စာမေးပွဲပါ။ SAT-I နဲ့ SAT-II ဆိုပြီး နှစ်မျိုးရှိတယ်။ အမေရိကန်က ကျောင်းတွေမှာ Scholarship လိုချင်ရင် ဒီနှစ်ခုလုံး ဖြေသင့်တဲ့ စာမေးပွဲတွေပါ။ SAT-I က အင်္ဂလိပ်စာနဲ့ သခ်ျာ နှစ်ခုပဲ ရှိတယ်။ သခ်ျာကတော့ ၁၀တန်း အခြေခံ ကောင်းကောင်းရှိထားရင် မြန်မာ ကျောင်းသား တွေ အတွက် တော်တော် လွယ်ပါတယ်။ အင်္ဂလိပ်စာကတော့ အရမ်းကို ခက်ခဲပြီး သေချာ ပြင်ဆင်ရပါတယ်။ စကားလုံးတွေ အလုံး ၃၀၀၀ လောက် ကျက်မှတ်ရပါတယ်။ သူ့ကို ပြင်ဆင် ပေးတဲ့ သင်တန်းတွေ လည်း ရှိပါတယ်။ ရန်ကုန်မှာဆိုရင် Y.E.S ကို အကြံပေးချင်ပါတယ်။ SAT-II က Chemistry, Physics, Math, Biology ဆိုပြီး မြန်မာပြည်က လူတွေ အဓိက ဖြေကြတဲ့ ဘာသာရပ် လေးမျိုးရှိပါတယ်။ သူက နှစ်ခု ဖြေရင် ရပါပြီ။ ၁၀တန်း အခြေခံရှိထားရင် အရမ်း အဆင်ပြေပါတယ်။ ဒါပေမယ့် သူက အဓိက အထဲပိုင်း အတွင်းပိုင်းကို ပိုပြီး နက်နဲတဲ့ မေးခွန်းလေးတွေ မေးတာဆိုတော့ သေချာ နားလည် ထားဖို့ လိုပါတယ်။ SAT-I, SAT-II, TOEFL ဒီစာမေးပွဲတွေ အားလုံးက အမှန်တစ်ခုရွေး (Multiple Choices) မေးခွန်းတွေပါ။ A B C D E ထဲက အမှန်တစ်ခုကို ရွေးပြီး ၀ိုင်းပေးရတာပါ။ SAT-I နဲ့ SAT-II ကိုတော့ ပြင်ဆင်ရင် ၆လ ကနေ ၁နှစ် အတွင်း ကြာနိုင်ပါတယ်။ သူတို့ကို စာမေးပွဲဖြေရင်လည်း တစ်ခါထဲနဲ့ အမှတ် မကောင်းနိုင်ပါဘူး။ နှစ်ခါ လောက် ဖြေရင် ပို အဆင်ပြေတယ်။ စာမေးပွဲ စာရင်းသွင်းရင်လည်း အပေါ်က TOEFL လိုပဲ ရန်ကုန်မှာ သွင်းပေးတဲ့ လူတွေ ရှိပါတယ်။
SAT စာမေးပွဲတွေက Scholarship ကို အဓိက စဉ်းစားပေးဖို့ ရည်ရွယ်ထားတဲ့ စာမေးပွဲတွေပါ။ Full Scholar တို့ ဘာတို့ ရရင် ကိုယ့်ဘက်ကနေ တစ်ပြား တစ်ကျပ်မှ စိုက်ထည့် စရာမလိုပဲ ကျောင်းတွေက အားလုံး တာဝန်ယူသွားမှာ ဖြစ်ပါတယ်။ နေစရိတ် စားစရိတ် အားလုံးကို ပေးစရာ မလိုပဲ ကျောင်းလာတက်ရမှာပါ။ ဒါပေမယ့် အဲ့ဒါ ရဖို့ အတွက် SAT စာမေးပွဲတွေ TOEFL စာမေးပွဲတွေ အမှတ်တွေ သေချာ ကောင်းထားဖို့ လိုအပ်ပါတယ်။
Library & Tuition Places
ရန်ကုန်မှာ နာမည်ကြီးတာတွေက American Center၊ British Concil တွေပါ။ သွားပေးပါ။ စာတွေ ဖတ်ပါ။ လေ့လာပါ။ အသင်းဝင်ထားပါ။ အဲ့ဒီမှာ လူတွေ အားလုံးကလည်း နိုင်ငံခြား မှာ စာသွားဖတ်ဖို့ ပြင်ဆင်နေတဲ့ လူတွေပါ။ သူငယ်ချင်းတွေ ရမှာပါ။ အကြံကောင်းတွေလည်း ရှိမှာပါ။ American Center မှာ စာလုပ်လို့ ရတဲ့ နေရာတွေလည်း ရှိတယ်။ ပစ္စည်းတွေလည်း ရှိတယ်။ ပြင်ဆင်ဖို့ အဆင်ပြေပါတယ်။ သင်တန်းတွေလည်း ရှိပါတယ်။ ပြီးတော့ ICE Youth ဆိုတဲ့ စာကြည့်တိုက်လည်း ရှိပါတယ်။
စာမေးပွဲတွေ တက်ဖို့ ကျူရှင်တွေ ယူတော့မယ်ဆိုရင် အကြံပေးချင်တဲ့ နေရာတွေကတော့
TOEFL - Y.E.S Learning Center, American Center
SAT-I English - Y.E.S Learning Center ဦးမြင့်အောင်
SAT-I Math, SAT-II Math - ဦးသောင်းထွတ် မဟာမြိုင်ဆေးရုံအနီး
SAT-II Physics - ဦးသိန်းဆွေ (၆လမ်း)
SAT-II Chemistry, Biology - ဒေါ်စောမြင့် မြေနီကုန်း
Applying Stage
ဒီလို စာမေးပွဲတွေ အတွက်ကို ပြင်ဆင်နေတုန်း မှာပဲ တစ်ဖက် က ကိုယ်တက်ချင်တဲ့ ကျောင်းတွေကို ရှာဖွေထားပါ။ ရန်ကုန်က ဒဂုံမြို့နယ်က American Center မှာ Member ၀င်ထားပါ။ စာကြည့်တိုက်ကို သုံးပေးပါ။ အမေရိကန်က ကျောင်းတွေ အကြောင်း စာအုပ်တွေ အများကြီး ရှိပါတယ်။ သေချာ ရှာဖွေလို့ ရပါတယ်။ ကျောင်းတွေကို လျှောက်ရင် ၁၀ ကျောင်း လောက် အနည်းဆုံး လျှောက်ရင် စိတ်ချရပါတယ်။ အကောင်းတွေထဲက ၃ခုလောက်၊ အလယ် အလတ် ထဲက ၃ခုလောက်၊ သိပ်မကောင်းတာတွေထဲက ၃ခုလောက်၊ အစရှိသလို သေချာ အစီအစဉ်ချပြီး လျှောက်ပေးပါ။ ကျောင်းတွေကို ရွေးချယ်တဲ့ အခါမှာ သေချာ ဂရုတစိုက် ရွေးပေးပါ။ အင်တာနက် ပေါ်တက်ပြီး Google မှာ United States Undergraduate Colleges ဆိုပြီး ရိုက်ထည့် လိုက်ရင် အများကြီး တွေ့ဦးမှာပါ။ Scholarship ကို ပေးလား မပေးလား သေချာ လေ့လာပေးပါ။ အဓိက အရေးကြီးတာကတော့ ချမ်းသာတဲ့ ကျောင်းဆိုရင် ပို စိတ်ချရတယ်။ ဒါမှ Scholarship များများ ပေးနိုင်မယ်။ ကျောင်းတွေက အများအားဖြင့် Fall Semester (June) လောက်ကို တက်ဖို့ မှန်းပြီး လျှောက်တာဆိုတော့ ၂၀၁၀ June အတွက် ၂၀၀၉ အောက်တိုဘာ နိုဝင်ဘာ လ မှာထဲက အပြီး လျှောက်ရတယ်။ နောက်ကျလို့ မရဘူး။ ဒါပေမယ့် ရက်တွေက ကျောင်းတစ်ကျောင်းဆီချင်း အနည်းငယ်ဆီ ကွာခြားပါတယ်။
Volunteering Experience & Working Experience
ဒီလိုမျိုး အများတကာကို အကျိုးဖြစ်စေမယ့် အလုပ်တွေ၊ ပိုက်ဆံမရပဲနဲ့ ကူညီပေးရတဲ့ အလုပ်တွေက ကျောင်းလျှောက်ရင် အရေးပါတဲ့ အလုပ်တစ်ခုပါ။ ဥပမာ - ရွာတွေ သွားပြီး ကလေးငယ်တွေကို စာတွေ သင်ပေးမယ်၊ တစ်ပတ်ကို တစ်ခါလောက်ပေါ့၊ အပတ်တိုင်း သွားပေးပေါ့။ ပြီးတော့ ကိုယ်က Biology နဲ့ ဆိုင်တဲ့ စာတွေ ဖတ်ချင်တယ်ဆိုရင် Red Cross တို့ Save The Children တို့ အစရှိတဲ့ အဖွဲ့အစည်းတွေမှာ လုပ်အား ပေးလို့ရတယ်။ ဒါမှမဟုတ် ဆေးခန်းတွေမှာ ဆရာဝန်တွေကို ကူညီပေးပေါ့။ အမေရိကန် နိုင်ငံက ဒီလို Volunteering အလုပ်တွေကို အရမ်း အားထားတဲ့ နိုင်ငံတစ်ခုပါ။ စာတော်ပြီး အမှတ်ကောင်းရမယ့် အပြင် တစ်ဖက်က ကျောင်းလက်ခံဖို့၊ Scholarship ပေးဖို့ စဉ်းစားတော့မယ်ဆိုရင် ဒီလို Volunteering Experience တွေကိုလည်း ကြည့်ပါတယ်။ Working Experience ဆိုတဲ့ အလုပ် အတွေ့အကြုံကလည်း အရေးပါတယ်။ အဓိက ကိုယ့်ဖတ်မယ့် ဘာသာနဲ့ ဆိုင်တဲ့ နေရာတွေမှာ အမှန်တကယ် ကွင်းဆင်းပြီး လုပ်ထားဖို့ပါ။ ခုနက ဆေးပညာဆိုရင် ဆေးပညာနဲ့ ဆိုင်တဲ့ နယ်ပယ်တွေမှာ လုပ်ထားပေါ့။ ဒီလို လုပ်အားပေးတာနဲ့ အလုပ် အတွေ့အကြုံတွေက မရှိမဖြစ် လိုအပ်တဲ့ အချက်တွေ မဟုတ်ပေမယ့် အရေးတော့ ပါပါတယ်။
နောက်ဆုံး မှာချင်တာတွေ -
အားလုံး မိမိတို့ရဲ့ ပညာရေးကို စနစ်တကျ မြှင့်တင်နိုင်ကြပါစေ။ အစစအရာရာ အဆင်ပြေပါစေလို့ ဆုမွန်ကောင်း တောင်းပေးလိုက်ပါတယ်။ နောက်ထပ် သိချင်တာလေးတွေ ရှိရင်လည်း ဒီမှာပဲ မေးလည်း ရပါတယ်။ latphatyay@gmail.com မှာ လာပြီး မေးလည်း ရပါတယ်။
လေးစားလျှက်
Tea
Thursday, November 20, 2008
တူတူပဲလေ
မောင်ချစ်နှင့် သူ၏ ဇနီး စကားပြောနေသည်။
မောင်ချစ် ။ ငါသေသွားခဲ့ရင် မင်း နောက်အိမ်ထောင်ပြုမှာလား ?
ဇနီးဖြစ်သူ ။ ဟင့်အင်း .. ကျွန်မညီမနဲ့ပဲ နေမှာ .. ဒါနဲ့ ရှင်ကော ..
ကျွန်မသေသွားရင် နောက်အိမ်ထောင်ပြုမှာလား ?
မောင်ချစ် ။ ဟင့်အင်း .. ငါလဲ မင်းလိုပဲ .. မင်းညီမနဲ့ပဲနေမှာပေါ့
Source: Friend
Wednesday, November 19, 2008
ကျောင်း ဆိုတာ
ဆရာမက မေးတယ် ကျောင်းသားတစ်ယောက်ကို "ကျောင်းကိုဘာဖြစ်လို့ လာတာလဲ" တဲ့။
ကျောင်းသား ကဖြေတယ်.. "စာသင်ဖို့ လာတာ" တဲ့။
ဆရာမက ပြန်ပြောတယ်..."မဟုတ်ဘူးတဲ့။ စာတတ်ချင်လို့ လာရတာ" တဲ့။
သူငယ်ချင်းတစ်ယောက်ကတော့ ဖြေတယ်..."ကျောင်းတက်ဖို့ လာတာ" တဲ့။
ဘယ်သူ့ အဖြေမှန်တယ်လို့ ထင်လဲ။ ကျွန်တော်က တော့ ကျွန်တော့် သူငယ်ချင်းအဖြေကိုအကြိုက်ဆုံးပဲ။ ဟုတ်တယ်...ကျောင်းလာတာ ကျောင်းတတ်ဖို့ လာတာ.. တခြားဘာကြောင့်မှ မဟုတ်ဘူး။ စာသင်ချင်တတ်ချင်ရင် တခြားနေရာတွေသွားလို့ ရတာပဲ... ကျူရှင်တို့ ဘာတို့ ။ ကျောင်းလာမှတော့ ကျောင်းတက်ဖို့ လာတာပေါ့ :D..
ကျောင်းက ကျွန်တော်တို့ ကိုဘာတွေသင်ပေးလဲ... professions(doctors, engineers, etc...) ဖြစ်ဖို့ လိုအပ်တဲ့ အခြေခံပညာတွေသင်ပေးတာပေါ့။ ပညာတတ်ရင် ထမင်းမငတ်ဖူးတဲ့။(စာပဲတတ်ရင်တော့ ထမင်း ငတ်ချင်ငတ်မှာနော်၊ ပညာတတ်မှရမှာ :D) ဟုတ်တယ်...ကိုယ်သင်ခဲ့တဲ့ ပညာက ကိုယ့်ကို ပြန်လုပ်ကျွေးမှာပဲ။ ထမင်းမငတ်ဖူးဘဲ ပြောတာ..မဆင်းရဲဖူးတို့ ၊ အောင်မြင်မယ်တို့ မပြောဘူး။ အပေါ်က ပုံကို တွေ့ တယ်မှာလား။ အဲ့ပုံကို bell-shaped curve လို့ ခေါ်တယ်လို့ ပြောကြတာပဲ။ ကျွန်တော်ပြောချင်တာက ကျောင်းပြီးသွားလို့  ဘ၀အတွက်ရုန်းကန်တဲ့ အခါ ကျောင်းတုန်းက စာကြိုးစားတယ်..
စာတော်တယ်ဆိုတဲ့လူတွေက အလယ်ပိုင်း common-cases မှာပါသွားတယ်။ သူတို့ ကအဆင်းရဲကြီးလည်း မဟုတ်ဘူး။ အချမ်းသာကြီးလည်းမဟုတ်ဘူး။ အလည်အလတ်တန်းစားတွေဖြစ်လာကြတယ်။ curve ရဲ့ အစွန်းပိုင်းမှာ ရှိတဲ့လူတွေကတော့ ကျောင်းတုန်းက စာမကြိုးစား၊ ဆိုးခဲ့မိုက်ခဲ့သူတွေ ပေါ့။ သူတို့ ကျတော့ ဘ၀မှာ အရမ်းအောင်မြင်ပြီး အရမ်းချမ်းသာတဲ့သူတွေဖြစ်လာနိုင်သလို၊ ဆင်းရဲပြီး ဘ၀မှာ ကျရှုံးတဲ့သူတွေဖြစ်လာနိုင်တယ်။ အဲ့ဒါကြောင့် ကျောင်းတုန်းက စာမတော်၊စာမကြိုးစားတဲ့ သူတွေကို မျက်စိမှိတ်ပြီး ဇွတ်အထင်သေးလို့ မရပါဘူး။ သူတို့ ဟာတချိန်မှာ အရမ်း အောင်မြင်ကျော်ကြားတဲ့ သူတွေဖြစ်လာနိုင်ပါတယ်။ တချို့  မိဘတွေရှိပါတယ်။ ကိုယ့်သားသမီးကိုစာအရမ်းကြိုးစားခိုင်းတယ်၊ သားသမီးကလည်းစာကြိုးစားတယ်၊စာတော်တယ်ပေါ့ဗျာ။ ကိုယ့်သားသမီးကို စာကြိုးစားခိုင်းတာ အပြစ်မဟုတ်ပါဘူး။ ဒါပေမယ့်သူတို့ က ကိုယ့်သားသမီးကို စာမကြိုးစားတဲ့ သူတွေနဲ့ မပေါင်းခိုင်းဘူး။(သူတို့ သားသမီးတွေပျက်စီးသွားမှာဆိုးလို့ တဲ့။ ကျွန်တော်လည်းထောက်ခံပါတယ်။ ဒါပေမယ့် စာမကြိုးစား၊ စာမတော်တဲ့သူတိုင်း ဆိုးမိုက်ပေတေနေတာမဟုတ်ပါဘူး။ သူတို့ မှာလည်းသူတို့ အကြောင်းနဲ့ သူတို့ ရှိပါတယ်။) ပြီးတော့ စာမတော်၊ စာမကြိုးစားတဲ့သူတွေကို အထင်လည်း သေးတတ်ကြတယ်။ အဲ့ထဲမှာ စာမတော်၊ စာမကြိုးစားတဲ့သူတွေကို မှိုချိုး မျှစ်ချိုး ပြောတာတော့ အဆိုးဆုံးပဲ။ ဒါပေမယ့် စဉ်းစားကြည့်ပါ..တချိန်က ကိုယ်အထင်သေးခဲ့တဲ့သူဟာနောင်တချိန်မှာ ကျိကျိတက် အောင်မြင်နေတဲ့သူ ဖြစ်သွားခဲ့မယ်ဆိုရင်......လူ၁ယောက် စာကြိုးစားတယ်၊မကြိုးစားဘူး၊ စာတော်တယ်၊ မတော်ဘူး ကို ကြည့်ပြီး အထင်သေးအထင်ကြီးလို့ မရပါဘူး။ ဘ၀ကို ရုန်းကန် လှုပ်ရှားတဲ့အခါမှာ ကျောင်းတုန်း က သင်ပေးလိုက်တဲ့ပညာတွေဟာ ၀န်ထမ်းကောင်း၁ယောက်ဖြစ်စေဖို့ သင်ပေးလိုက်တဲ့ ပညာတွေပါ။ လုပ်ငန်းရှင်ကောင်း၁ယောက်ဖြစ်အောင်မသင်ပေးလိုက်ပါဘူး။ အဲ့ဒါကြောင့် ကျောင်းပညာဟာ ဘ၀မှ အတိုင်းအတာတခု အထိသာရေးပါအရာရောက်ပါတယ်။ လူ၁ယောက်ရဲ့ အရည်အချင်းကို လူ၁ယောက်ရဲ့ ကျောင်းပညာကို ကြည့်ပြီးတော့ ဆုံးဖြတ်လို့ မရပါဘူး။ ဒါဆို ကျောင်းမတတ်တော့ဘဲ တခြား ပညာတွေ သင်ရင် ပိုအောင်မြင်နိုင်တယ်ပေါ့.. အဲ့လိုတော့လည်းမဟုတ်ပါဘူး။ ကျောင်းတော့တက်ရမှာပေါ့။ ကျွန်တော်ပြောချင်တာက လူတိုင်းကို မျက်စိမှိတ်ပြီး ဇွတ်အထင်မသေးဖို့ ပါ။
ကျွန်တော့် အမြင်ကျောင်းဆိုတာ ပညာတွေသင်ပေးတဲ့ အဆောက်အဦး၁ခုပါ။ ကျောင်းကနေဘာတွေမွေးထုတ်ပေးလဲဆိုရင် society ၁ ခုအတွက်လို အပ်တဲ့ proffessions တွေကို မွေးထုတ်ပေးပါတယ်။ ကျောင်းက မရှိမဖြစ်လို အပ်တဲ့ ဆောက်အဦး၁ခုပါ။ ကျောင်းမရှိတော့
ရင် society ၁ခုက balance ဖြစ်တော့မှာမဟုတ်ပါဘူး။ ကျောင်းကနေထွက်တဲ့ အထဲမှာ နောင် ဘ၀မှာ ကျိကျိတက် ချမ်းသာပြီးအောင်မြင်ကျော်ကြားတဲ့လူတွေဟာ လူနည်းစုပါ။ ဘယ်တော့မှလဲ လူများစုမဖြစ်လာနိုင်ပါဘူး။ ၀န်ထမ်းဟာ အမြဲတမ်း လုပ်ငန်းရှင်ထက်တော့ အရေအတွက်ပိုများနေမှာပါ။ လူတိုင်းလိုလို ၀န်ထမ်းဖြစ်ရမယ်လို့ ပြောတာမဟုတ်ပါဘူး။ ကြိုးစားရင်ဘာမဆိုဖြစ်နိုင်ပါတယ်။ ကိုယ်က လူနည်းစုထဲမှာပါအောင်နေမှာလား။ လူများစုထဲမှာပါအောင်နေမှာလားဆိုတာကတော့ ကိုယ့်အယူအဆနဲ့ ကိုပါ။ တကယ်လို့ ကိုယ်က အေးအေးဆေးဆေး phD ယူပြီးတော့ ဘ၀ကို ဖြတ်သန်းမယ် ဆိုရင် ကျောင်းပညာက လုံလောက်ပါတယ်။ ဒါမှမဟုတ်ဘဲ ကိုယ်က အရမ်းချမ်းသာချင်တယ်ဆိုရင်တော့ ကျောင်းပညာ၁ခုထဲနဲ့ မလုံလောက်ပါဘူး။ ကျွန်တော်ပြောချင်တာက ကျောင်းစာ ၁ခုတည်းကိုပဲ အထင်မကြီးပါနဲ့ ။ အထင်လည်းမသေးပါနဲ့ ။အစွန်းမရောက်ပါနဲ့ ။ အရာအားလုံးကို ကျယ်ကျယ်ပြန့် ပြန့် မြင်နိုင်အောင်ကြိုးစားကြပါလို့ ......
ပုဂံသား
ကျွန်တော့်သူငယ်ချင်း ရေးထားတဲ့ ဆောင်းပါး အား မျှဝေပေးလိုက်သည်။
Monday, November 17, 2008
သူလျှိုကြီး
သူလျှိုကြီးဟာ
အကောင်ကြီးကြီး၊ အမှီးရှည်ရှည်
တောမီးလောင်အောင် ရှို့တယ်။
ဘာလင်တံတိုင်းပြိုခဲ့တာလဲ အမှတ်မရဘူး။
ဗုဒ္ဓ၊ ယေရှုတော်နဲ့ ပိဋိကပ်တွေ၊ သမ္မာကျမ်းတွေကို
မျက်နှာဖုံးချုပ်ဝတ်
ပါးတဖက်တောင် မလုံချင်ဘူး။
သူလျှိုကြီးမှာ အရွယ်အပိုင်းအခြားမရှိဘူး။
တကိုယ်လုံး အရည်တစိုစိုနဲ့လောက်ကိုက်နေတဲ့
အတ္တဆွေးတွေကို အယားပြေရုံ
မီးမြှိုက်ဖို့ တောမီးကိုသာရှို့တယ်။
မျက်နှာဖုံးအောက်မှာ
အဖာတရာ ကွာလုကွာခင်ဖြစ်နေတဲ့
အင်္ဂါလှိုက် အနာဖေးတက်
မျက်နှာဘေးသက်သက်သာရှိတယ်။
သူလျှိုကြီးဟာ မငိုတတ်တော့
အသံနက်ကြီးနဲ့ အာအာအီအီ
အော်ဟစ်မြည်တမ်း
ချာလပတ်ရမ်းရမ်းပြီး ခုန်တတ်တယ်။
သူလျှိုကြီးဟာ ပုစ္ဆာတပုဒ်မဟုတ်။
အိပ်ရေးပျက်ခံရလောက်တဲ့
အိပ်မက်ဆိုးလဲ မဟုတ်လေဘူး။
သူလျှိုကြီးဟာ ကျုပ်တို့တောကြီးရဲ့
နိယာမအမှုန်အမွှားတခုသာဖြစ်တယ်။
အဲဒီ သူလျှိုကြီးဟာ မှန်ကိုအကြောက်ဆုံးပဲ။
နီယော်ဓာ
မှတ်ချက် - ဤကဗျာအား ကြိုက်နှစ်သက်မိ သဖြင့်
နီယော်ဓာဘလောခ့် မှ ကူးယူ၍ တင်ပြသည်။
Sunday, November 16, 2008
Quotes (အခန်း - ၂)
ကျွန်တော် Quotes အဓိပ္ပာယ်ရှိတဲ့ စကားစု လေးတွေကို စုဆောင်းရတာ ၀ါသနာ ပါတယ်။ အရင်တစ်ခါ တုန်းကလည်း အချစ်နဲ့ ဆိုင်တဲ့ Quotes လေးတွေကို ပိုစ့်တစ်ခု နဲ့ စုဆောင်း တင်ပြပေးဖူးတယ်။ ဒီတစ်ခါတော့ ကျွန်တော် ကြိုက်နှစ်သက်ပြီး ဘာသာပြန်ထားတဲ့ အဓိပ္ပာယ် လေးနက်တဲ့ စကားစုလေး ၁၂ခုကို တင်ပြချင်ပါတယ်။ 
"What we think, or what we know, or what we believe is, in the end, of little consequence. The only consequence is what we do." John Ruskin
ငါတို့လုပ်နေတာဟာ ငါတို့စဉ်းစားတာတွေ၊ ငါတို့သိထားတာတွေ ဟာ တကယ်တော့ သေးငယ်တဲ့ အကျိုးဆက်တွေတာ ပေးစွမ်း တာပါ။ တကယ်တမ်းအရေးပါတာက ငါတို့ဘာတွေ လုပ်တယ်ဆိုတာပါပဲ။
"It is easier to forgive an enemy than to forgive a friend." William Blake
ရန်သူတစ်ယောက်ကို ခွင့်လွှတ်ရတာဟာ သူငယ်ချင်းတစ်ယောက်ကို ခွင့်လွှတ်ရတာထက် ပိုလွယ်ကူတယ်။
"Quality is not an act. It is a habit." Aristotle
အရည်အချင်းဆိုတာ ဆောင်ရွက်ချက်တစ်ခု မဟုတ်၊ အရည်အချင်းဆိုတာ အကျင့်တစ်ခု။
"Don't look where you fall, but where you slipped." African Proverb
သင်ဘယ်နေရာမှာ ကျဆုံးခဲ့လဲ ဆိုတာ မကြည့်ပါနဲ့။ ဘယ်နေရာမှာ ခြေချော်ခဲ့သလဲဆိုတာ ဆန်းစစ်ပါ။
"Never interrupt your enemy when he is making a mistake." - Napoleon Bonaparte
သင်၏ရန်သူ အမှားတစ်ခု လုပ်နေချိန်မှာ ဘယ်တော့မှ မနှောက်ယှက်ပါနှင့်။
"Advice is what we ask for when we already know the answer but wish we didn't." Erica Jong
အကြံဥာဏ်ဆိုတာ ငါတို့သိထားတဲ့ အဖြေတစ်ခုကို မသိချင်ယောင်ဆောင်ပြီး မေးတဲ့ အရာတစ်ခုပါ။
"The only real prison is fear, and the only real freedom is freedom from fear." Aung San Suu Kyi
ကြောက်လန့်ခြင်းဆိုတာ တစ်ခုတည်း စစ်မှန်တဲ့ အကျဉ်းထောင်တစ်ခု၊ တစ်ခုတည်း စစ်မှန်တဲ့ လွတ်လပ်ခြင်းဆိုတာ ကြောက်လန့်ခြင်း မှ လွတ်လပ်ခြင်း ဖြစ်တယ်။
"Happiness is not something ready-made. It comes from your own actions." Dalai Lama
ပျော်ရွှင်ခြင်းဆိုတာ အဆင်သင့် ရှိနေပြီးသား အရာတစ်ခု မဟုတ်။ ပျော်ရွှင်ခြင်းသည် သင်၏ ဆောင်ရွှက် ပြုမူခြင်းမှ ဖြစ်ပေါ်လာသည်။
"Friendship is one mind in two bodies." Mencius
ခင်မင်ခြင်း (Friendship) ဟူသည် စိတ်တစ်ခု၊ ခန္ဓာနှစ်ခု။
"I am patient with stupidity but not with those who are proud of it." Edith Sitwell
ငါဟာ တုံးအခြင်းနဲ့ စိတ်ရှည်တယ်။ ဒါပေမယ့် တုံးအမှုနဲ့ ဂုဏ်ယူနေတဲ့ လူတွေနဲ့တော့ စိတ်မရှည်ပါ။
"Forgive your enemies, but never forget their names." John F. Kennedy
သင်၏ ရန်သူတွေကို ခွင့်လွှတ်ပါ။ ဒါပေမယ့် သူတို့ရဲ့ နာမည်တွေကိုတော့ မမေ့ပါနှင့်။
"Only two things are infinite, the universe and human stupidity, and I’m not sure about the former." Albert Einstein
လောကမှာ အဆုံးမရှိတာ နှစ်ခုပဲ ရှိတယ်။ တစ်ခုက စကြာဝဌာ။ တစ်ခုက လူတွေရဲ့ တုံးအ ခြင်း၊ ဒါပေမယ့် စကြာဝဌာကြီး အဆုံးမရှိဘူး ဆိုတာကိုတော့ ငါမသေချာဘူး။
whitecandle.05@gmail.com ကလည်း ကျွန်တော့်ကို Gtalk မှာ Quote လေးတစ်ခု ဒီနေရာမှာ သုံးဖို့ လာပြောသွားပါတယ်။
လူတစ်ယောက်ဟာ မေးခွန်းတွေ မေးနေတရွေ့ အရူးမဖြစ်ဘူး
တစ်မိနစ်လောက် စောင့်ပါ
လူတစ်ယောက်က ဘုရားသခင်ကို မေးလေသည်။
လူသား - ကိုယ်တော်တို့ရဲ့ တစ်မိနစ်အချိန်က ကျွန်တော်တို့အတွက် ဘယ်လောက် ကြာပါသလဲ?
ဘုရားသခင် - ငါတို့ရဲ့ တစ်မိနစ်အချိန်က လူ့ပြည်မှာဆို နှစ်ပေါင်း သန်းတစ်ရာ ကြာတယ်။
လူသား - ဒါနဲ့ ကိုယ်တော်တို့ ငွေလဲနှုန်းက ဘယ်လောက် ရှိပါသလဲ?
ဘုရားသခင် - ငါတို့ရဲ့ တစ်ဒေါ်လာဟာ မင်းတို့ ဆီက ငွေနဲ့ဆို သန်းတစ်ရာနဲ့ ညီမျှတယ်။
လူသား - ကျေးဇူးပြုပြီး ကိုယ်တော်တို့ရဲ့ တစ်ဒေါ်လာကို ကျွန်တော့်ကို ပေးသနားတော်မူပါလား
ဘုရားသခင် - အသင်လူသား ငါတို့အချိန်နဲ့ တစ်မိနစ်ပဲ စောင့်လိုက်ပါဦးလေ ....
Source : mmcp
Friday, November 14, 2008
မပေးဖြစ်တဲ့စာ
မတော်တဆ မျက်ဝန်းတစ်ချက်မှာ
တစ်တပ်လုံး ပျက်လို့ 
လက်ထဲက တိုက်ပွဲဝင်ဓားတောင်
သင့်ဖ၀ါးအောက် ပျော်စီးကျသွားပါပေါ့....
ချစ်သလားဆိုလည်း
သင့်မျက်ဝန်း ၀ိုင်းဝိုင်းနက်နက်လေးတွေထဲ
ကိုယ့်ပုံရိပ်ရှိနေစေချင်တဲ့ အတ္တအပြင်
ကိုယ်ဘာဖြစ်ချင်ခဲ့လည်း ကိုယ်ကိုတိုင် မသိရချင်...
နားလည်တတ်ခဲ့ပေမယ့်
အစွမ်းမဲ့ခဲ့ခြင်းက
ငါ့ရဲ့ အပြစ်တွေပေါ့..
သည်ဘ၀က သိပ်ကိုမှောင်လွန်းပါတယ် အချစ်ရယ်....
ဆုံးရှုံးရမှာကို
တွေးရင်းကြောက်ပေမယ့်
ပျော့ညံ့နေခဲ့တဲ့ နေရက်တွေကိုပဲ
နှမြောမိပြန်တယ်....
တစ်ဖတ်တည်းခတ်တဲ့ လက်ခတ်သံ
ဘယ်သူမှ မသိလိုက်ပေမယ့်
လေညှင်းလေးတွေ ရိပ်မိပါစလေ...
သင် မထူးခြားသလိုသာ ဆက်ဖတ်ပါ...
အုံ့ ပုန်းဆိုတဲ့ ငါဆိုတဲ့ကောင် အကြောင်းကိုလေ.....
Thursday, November 13, 2008
Comics(2) ပိုးဇာ၊ အမွှာညီအစ်မ လေးမွန် ထွေးမွန် နှင့် ဇွတ်အရောင်းမြှင့်တင်ရေး
ဒီတစ်ပတ်တော့ ကျွန်တော်တို့ရဲ့ လူပျိုကြီး အလှည့်ပေါ့။ ကာတွန်း နာမည်ကတော့ ဇွတ်အရောင်း မြှင့်တင်ရေး ဖြစ်ပါတယ်။ လေးမွန် ထွေးမွန် ကာတွန်းက ကာတွန်းတွေထဲမှာ အရမ်းကို လူကြိုက်များတဲ့ ကာတွန်း တစ်ခုပါ။ နောက်နှစ်ပတ် ကျရင်တော့ ဘိုဘို တင်ရမလား? ဘယ်ကာတွန်းကို တင်စေချင်ပါသလဲ?
နောက်နှစ်ပတ် ကျရင်တော့ ဘိုဘို တင်ရမလား? ရွှေအိ၊ ရွှေဘွတ် လား? ပြာဂလောင် ပြာလချောင်လား? ဘယ်ကာတွန်းကို တင်စေချင်ပါသလဲ?
Tuesday, November 11, 2008
တန်ဆောင်တိုင်တောင် ရောက်ခဲ့ပြီ
တန်ဆောင်တိုင် ဆိုတာ ကြားရင် ကျွန်တော်တော့ တောင်ကြီးကိုပဲ သတိရတယ်။ တောင်ကြီး တန်ဆောင်တိုင် ပွဲကို တစ်ခါသာ ရောက်ဖူး ပေမယ့် လုံးဝ မမေ့နိုင်ပါဘူး။
တစ်ချိန်က ညလုံးပေါက် မီးပုံးပျံတွေ တစ်လုံးပြီး တစ်လုံး တက်သွားတာကို သူငယ်ချင်းတွေနဲ့ အတူ ကြည့်ခဲ့ဖူးတယ် ... လှတယ် လှတယ် .. မိုက်တယ် မိုက်တယ် ဆိုပြီး အားလုံးနဲ့ အတူ အော်ဟစ်ပြီး မီးပုံးပျံတွေရဲ့ အလှကို ခံစားခဲ့ဖူးတယ် ... ကျွန်တော် ရောက်ခဲ့တဲ့ နှစ်က လေက အရမ်းပြင်းလွန်းတော့ မီးပုံးပျံတွေ မီးလောင်ပြီး ပျက်ကျတာ အရမ်းများတယ် ... တန်ဆောင်တိုင် အချိန် ရောက်လာပြန်တော့ "ငါအခု တောင်ကြီးမှာ ရှိနေရင် အရမ်းမိုက်မှာပဲ" ဆိုတဲ့ အတွေးနဲ့ စိတ်ဆန္ဒက ဖြစ်ပေါ်လာပြန်တယ် .. ဒီလိုဖြစ်တာက တောင်ကြီး တန်ဆောင်တိုင်ကို ရောက်ဖူး ကြုံဖူးတဲ့ လူတိုင်း ဖြစ်မှာ အမှန်ပဲလို့ ကျွန်တော် ယုံကြည်တယ် ...
အခု မီးပုံးပျံပွဲကို တိုက်ရိုက် LIVE ပြနေပါတယ်။ အားလုံး သွားရောက် ကြည့်ရှုခံစား နိုင်ပါတယ်။ ဒီနေရာ ကို နှိပ်ပြီး သွားရောက် ခံစား နိုင်ပါတယ်။
မီးရှုးမီးပန်းတွေကို လွမ်းတယ် ..
မီးပုံးပျံတွေကို လွမ်းတယ် ..
လှတယ် လှတယ် လို့ အော်နေတဲ့ လူအုပ်ကြီးကို လွမ်းတယ် ..
အလွမ်းများစွာဖြင့် တန်ဆာင်တိုင်
Tea
Monday, November 10, 2008
Google T-mobile G1
Google ရဲ့ G1 ထွက်တာလည်း တစ်လလောက် ရှိပါပြီ။ အခုထိတော့ ဘာပြဿနာ ကြီးကြီး ကျယ်ကျယ်တော့ မကြား သေး ပါဘူး။ မထွက်ခင်က နာမည်ကြီး သလိုလိုနဲ့ အခုတော့ အသံပျောက် နေပါတယ်။ iPhone လောက်တော့ လူတွေ စိတ်မလှုပ်ရှား တာတော့ အမှန်ဘဲ။ G1 ကို ကြည့်ရတာတော့ ပုံစံ ထူးထူးခြားခြား မဟုတ်ပါဘူး။ ကျွှန်တော့် မျက်စိ ထဲမှာတော့ Apple iPhone လိုမျိုး ဒီဇိုင်းလှလှ မဟုတ်ပါဘူး။ ကျွှန်တော်တို့ တွေ့နေကျ keyboard ဖုန်း အမျိုးအစားတွေနဲ့ သိပ်မကွာပါဘူး။
G1 ဖုန်း touch screen က ၃၂၀-၄၈၀ pixel ရှိပြီး ထိတွေ့မှု ခံစားတဲ့နေရာမှာ အရှိန်မြန်တယ်လို့ ဆိုကြပါတယ်။ Menu, Home, Back, Phone Pick up ခလုတ်တွေ ကတော့ ဖုန်း၏ တဖက်ခြမ်းတွင် ရှိပြီး 3-megapixel ကင်မရာကို အနောက်ဖက်ခြမ်းတွင် တွေ့နိုင်ပါတယ်။ အကယ်၍ ဖုန်းအဖုံးကို အပေါ်ဖက်သို့ လျှောလိုက်ပါက keyboard ကိုတွေ့ရပါလိမ့်မယ်။ keyboard တော့ ရိုးရိုးလို့ဘဲ ပြောရပါ လိမ့်မယ်။ G1 ရဲ့ ရှေးဦးဆုံး စာမျက်နှာ Homepage ကတော့ ကိုယ်တိုင် စိတ်ကြိုက် ပြောင်းလဲနိုင်ပါတယ်။ ၄င်းပေါ်တွင် ရှိသော application များကို ကိုယ်တိုင် စိတ်ကြိုက် ပြောင်းလဲ နိုင်ပါတယ်။ default setting အရဆိုရင် ဖုန်းနဲ့ ပတ်သက်သော application များ အားလုံးကို လက်တစ်ချက် ထိလိုက်ရုံဖြင့် ဖွင့်နိုင်သော drawer တစ်ခု ထည့်ထားပါတယ်။ ပြီးတော့ menu ခလုတ်ကို နှိပ်လိုက်ပါက window shade ချသော option ရွေးချယ် နိုင်မည် ဖြစ်ပြီး ၄င်းသည် message သစ်ရောက်ကြောင်း ကြေညာချက်များနှင့် အထွေထွေ သတိပေးချက် များကို ပိတ်ပင်နိုင်မည်ဖြစ်ပါတယ်။
ဖုန်းခေါ်တဲ့အပိုင်းမှာတော့ G1 ကိုသုံး၇တာ အဆင်ပြေတယ်လို့ပြောကြပါတယ်။ ဖုန်းခေါ်တဲ့ အပိုင်းမှာ ကောင်းသော်လည်း screen သည် ၁၀ စက္ကန့်လောက်ကြာလျှင် ပိတ်သွား ပါတယ်။ screen ကိုပြန်ပြီး ဖွင့်လိုပါက menu ခလုတ်ကို ပြန်ပြန်နှိပ်ရပါတယ်။ ဒီဟာက လွဲလို့ G1 ကတော့ သုံးရတာ စိတ်ချရပါတယ်။ စက်ရပ်တာလို့၊ အလုပ်မလုပ်တော့တာလို့ အခြေအနေမျိုး တော်တော်ရှားပါတယ်။ G1 မှာတော့ အင်တာနက် browser အနေနဲ့ Chrome လိုမျိုး Safari နှင့် Mobile safari တို့သုံးသော Webkit open source browser engine နဲ့ တည်ဆောက်ထားပါတယ်။ သုံးရတာလည်း အဆင်ပြေပါတယ်။ ပြီးတော့ password and logins တွေကိုလည်း desktop browsers တွေလိုမျိုး မှတ်နိုင်စွမ်း ရှိပါတယ်။ Google Map ကို သုံးရတာလည်း desktop မှာသုံးသလို satellite, Traffic and Street View တွေ သုံးလို့ ရပါတယ်။ GPS ဖွင့်လိုက်လျှင်လည်း အိမ်ထည်း ရောက်နေသည်အထိ လမ်းညွန် ပေးနိုင်ပါတယ်။ ဒါပေမဲ့ အရမ်း တိကျတာတော့မဟုတ်ပါဘူး။
G1 ရဲ operating system ကတော့ သုံးရတာ အဆင်ပြေပါတယ်။ linux လိုမျိုး open source ဖြစ်လို့ လူတိုင်း application တည်ဆောက်တဲ့ နေရာမှာ ပါဝင်နိုင်ပါတယ်။ ဒါပေမဲ့ လုံးဝ open source ဖြစ်နေတော့လည်း hacker တွေကို နည်းနည်းတော့ လန့်ရပါတယ်။ ကိုယ့်ရဲ့ ဖုန်းထဲကို hack လုပ်တဲ့ application မတော်တဆ သွင်းမိရင်တော့ ရွာလည်ဖို့ သာပြင်ထားရမယ်။ နောက်ဘယ် လိုဖြစ်လာမလဲဆိုတာ ကြည့်ကြတာပေါ့။
G1 ထွက်ပြီး နောက်ပိုင်း လူတွေ မကြိုက်တဲ့ အချက်တွေကတော့ အဓိက လုပ်ဆောင်မှု ပိုင်းဆိုင်ရာ အချက်များ ဖြစ်ပါတယ်။ ဥပမာအားဖြင့်ဆိုရသော် G1 တွင် ၃.၅ မီလီမီတာ headphone ပေါက် မရှိခြင်း ဖြစ်ပါတယ်။ ပြီးတော့ Youtube ကလွဲပြီး တခြား video player သုံးလို့ မရပါဘူး။ ပြီးတော့ တခြား ပြသာနာတွေ ကတော့ MS exchange support မရှိခြင်း၊ desktop နဲ့ SYNC လုပ်လို့ မရခြင်း၊ VolP capabilities မရှိခြင်း၊ အင်တာနက် bandwidth အလွန်ဆုံး ၁ GB တာရခြင်း၊ Amazon မှ Download များကို WiFi မှတစ်ဆင့် လုပ်ရခြင်း စသည်တို့ ဖြစ်ပါတယ်။ အဓိက ပြသာနာကတော့ 1 GB data ကန့်သတ်ထား ခြင်းဖြစ်ပါတယ်။ အကယ်၍ 1GB ကျော်သွားရင်တော့ G1 ၏ internet connection speed သည် 3G နှင့် EDGE speed အောက်ရောက်သွားမှာ ဖြစ်ပြီး T-mobile သတ်မှတ်ထားသော speed အတိုင်းသုံး ရမှာ ဖြစ်ပါတယ်။ T-mobile ကတော့ ဒီကိစ္စကြောင့် complaint အများကြီး ရတော့ အခုနောက်ပိုင်း policy ပြောင်းဖို့တော့ လုပ်နေပါတယ်။ ဒါပေမဲ့ data ကိုတော့ စိတ်ကြိုက် သုံးရင်တော့ နောက်ဆုံး ဘယ်လိုပြောပြော connection speed အလျှော့ခံရမှာ ဖြစ်ပြီး ဒဏ်ခပ်ခံရမှာ ဖြစ်ပါတယ်။ iPhone ကတော့ ဒီအပိုင်းမှာသာပါတယ်။ ဒေါ်လာ ၃၀ ပေပြီး unlimited data သုံးလိုရပါတယ်။ Google ၏ G1 ကျတော့ တစ်လ ၂၅ ဒေါ်လာ ပေးရပြီး 1GB data သာ သုံးစွဲလို့ရပါတယ်။ နောက် အားနည်းချက် ကတော့ 3.5 mm headphone jack မရှိတာတော့ နည်းနည်း စိတ်ပျက်ဖို့ကောင်းပါတယ်။ သူမရှိတော့ G1 ကိုmusic player လိုမျိုး အဆင်ပြေပြေ မသုံး နိုင်တော့ပါဘူး။ လူတော်တော် များများ complaint တက်ကြတာ နောက်တစ်ချက်ကတော့ T-mobile carrier ကို ဖြစ်ပါတယ်။ T-mobile ရဲ့ Connection ကမကောင်းဘူးလို့ လူတော်တော်များများ ပြောနေကြပါတယ်။ T-mobile ကြောင့်မလို့လဲ 1GB data ရှိနေခြင်း ဖြစ်ပါတယ်။
ချုံပြီးပြောရရင်တော့ Google G1 ဟာ iPhone နဲ့ ယှဉ်လိုလျှင် ဒီဇိုင်းပိုင်းမှာ ပိုလှအောင် လုပ်ဖို့ လိုပါတယ်။ keyboard ကိုလည်း စာရိုက်ရ ပိုလွယ်အောင် လုပ်ဖို့ လိုတယ်။ ပြီးတော့ 3rd party application တွေ ကိုလည်း apple store လိုမျိုး အမျိုးအစား ပေါင်းစုံနဲ့ customer အားလုံး စိတ်ချချ သုံးနိုင်အောင် လုပ်ရပါလိမ့်မယ်။ ဒါမှ လူကြိုက်များလာပြီး apple ၏ iPhone empire ကြီးနဲ့ ယှဉ်နိုင်မှာ ဖြစ်ပါတယ်။
Sunday, November 9, 2008
Sydney Opera House (2)
ဒါက အရင်အပတ်ကအကြွေး။ လင်းစစ်သူတို့ခင်မျာ အကြွေးတွေပတ်လည်ဝိုင်းလို့ ညှပ်သေတော့မယ်။ စာဖတ်သူတွေ ခွင့်လွှတ်သီးခံနိုင်ပါစေဗျာ။ ကဲ… ဆစ်ဒ်နီ အော်ပရာ ကဇာတ်ရုံအကြောင်း ဆက်ရအောင်ဗျာ။ ပထမ ပိုင်းမဖတ်ရသေးတဲ့သူတွေ အတွက် ဒီ လင့် ကို နှိပ်ပြီး သွားဖတ်နိုင်ကြောင်းပါ။ ဒုတိယပိုင်းဆက်ပါပြီ။
ပရောဂျက် ပထမအဆင့် မှာတော့ Utzon က တခြား ဒီဇိုင်း အသင်း နဲ့ အလုပ်ရှင် နဲ့ အောင်အောင်မြင်မြင် ဆောင်ရွက်နိုင်ပေမယ့် ပရောဂျက် ဆက်လက်ဆောင်ရွက်ရာမှာ သိလာတဲ့ အချက်က အသံစနစ်၊ ဖျော်ဖြေရေး နေရာ နဲ့ အခြားနေရာတွေ နဲ့ ပတ်သက်လို့ ပြိုင်ပွဲဝင် လိုအပ်ချက်တွေ မလုံလောက်တာ တွေ့ရှိရပြီး အလုပ်ရှင်ကလည်း ကုန်ကျစရိတ်တွေ ဆောက်လုပ်ရာမှာ ပါဝင်တဲ့ ဒီဇိုင်းနဲ့ ဆောက်လုပ်ရေး လုပ်ငန်းစဉ်တွေကို သဘောမကျဖြစ်နေပါတယ်။ အလုပ်ရှင်နဲ့ ဒီဇိုင်းအသင်းကြား ဆက်ဆံရေးဟာ ဆောက်လုပ်ရေး အချိန်ကို ဒီဇိုင်း ပြီးပြီး မပြီးပြီး အစောဆုံးစတင်ဖို့ လုပ်ငန်းရှင်တောင်းဆိုတဲ့အချိန်မှာ ပိုမိုတင်းမာလာပါတယ်။
အလုပ်ရှင်၊ ဗိသုကပညာရှင်၊ အင်ဂျင်နီယာတွေ နဲ့ ကွန်ထရက်တာတွေ အကြား တစ်နေ့တစ်ခြား ပိုမိုတင်းမာလာတယ်။ Utzon က အလုပ်ရှင်ဟာ ရှိရှိသမျှ ဆောက်လုပ်ရေးဆိုင်ရာ အချက်အလက်တွေ ဒီဇိုင်း အချက်အလက်တွေအားလုံး သူ့ ဒီဇိုင်း အသင်းတစ်ခုထဲမှ တစ်ဆင့် ရယူသင့်တယ်လို့ ယုံကြည်တယ်။ ဒါပေမယ့် အလုပ်ရှင်က ဗိသုကာ၊ ကွန်ထရက်တာ၊ အင်ဂျင်နီယာတွေ အားလုံး သူ့ ဟာသူ ပြန်လည် တိုက်ရိုက်တင်ပြဖို့ လိုလားတယ်။ ဒါပေမယ့် အင်ဂျင်နီယာ အသင်း Arup ကနေ အလုပ်ရှင်ကို တိုက်ရိုက်ဆက်သွယ်ဖို့ အကြောင်းကဖန်လာတယ်။ Peter Murray ပြောကြားချက်အရ Utzon သြစတြေးလျကို ပြောင်းလာပြီးနောက် သူ့ ရုံးကို သုံးလလောက်ပိတ်ထားပြီး ခရီးသွားနေတယ်။ Arups က သူ့ကို ဆက်သွယ်လို့ မရတဲ့အတွက်ကြောင့် တစ်ချို့ဒီဇိုင်း ရွေးချယ်မှုတွေကို Utzon မပါပဲလုပ်လိုက်ရတယ်။ ဒါက Utzon နဲ့ သူ့ အင်ဂျင်နီယာတွေ ဆက်ဆံရေးကို သိသိသာသာ သက်ရောက်သွားစေတယ်။
Utzon က အလုပ်ရှင်ရဲ့ Sydney Opera House Executive Committee ဝေဖန်ချက်တွေ မေးခွန်းတွေလည်း ဖြေဆိုဖို့ တွန့်ဆုတ်နေခဲ့တယ်။ ဒါပေမယ့် Utzon က ကော်မတီမှာပါဝင်တဲ့ မူလ ပြိုင်ပွဲဝင် အကဲဖြတ်ဒိုင်Professor Harry Ingham Ashworth ရဲ့ ထောက်ခံမှုကိုတော့ အပြည့်အ၀ရခဲ့ ပါတယ်။ သို့သော် Utzon ရဲ့ ခေါင်းမာမှု အလျော့မပေးနိုင်မှုတွေကြောင့် အလုပ်ရှင်တောင်းဆိုတဲ့ တစ်ချို့သော ဒီဇိုင်းပြင်ဆင်မှုတွေကို မလုပ်ပေးခဲ့ပါဘူး။ အကြီးတန်းအင်ဂျင်နီယာ Jack Zunz ကို Utzon ပြောခဲ့ဖူးတာက သူ ဘယ်လောက်ကုန်ကုန် ဘယ်လောက်ကြာကြာ ဘာပြဿနာဖြစ်ဖြစ် သူလိုချင်တာ ဒါဆိုဒါပဲ ဖြစ်ရမယ်တဲ့။ တော်တော် ခေါင်းမာတဲ့ လူကြီးပါလားနော်။
Utzon ရဲ့ စွမ်းဆောင်နိုင်မှုဟာ မေးခွန်းထုတ်စရာ မရှိခဲ့ပါဘူး။ Ove Arup ကတောင် Utzon ဟာ သူအလုပ်တူတူလုပ်ခဲ့သမျှ ဗိသုကာပညာရှင်တွေထဲမှာ အကောင်းဆုံးပါပဲတဲ့။ ဒါပေမယ့် အဲ့ဒီ့နှစ်တွေတောက်လျှောက် ဆက်ဆံရေးတွေဟာ ပိုလို့သာ ဆိုးလာပါတယ်။ Utzon က Minister of Public Work ရဲ့ ကိုယ်စားလှယ်ကိုလည်း ပုံတွေ စာရွက်စာတမ်းတွေကို ကြည့်ခွင့်မပေးခဲ့ဘူး။ နောက် Utzon ရဲ့ အလုပ်တွေကိုလည်း အငြင်းအခုံဖြစ်ကြပြီး အခကြေးငွေလည်း မပေးခဲ့ပါဘူး။ ဒီတော့ Arup အင်ဂျင်နီယာ အသင်းက ကြားနေ ဖြန်ဖြေ ပေးပြီး ပြန်လှယ်သင့်မြတ်ရေး အတွက် ဆောက်ရွက်ရပါတော့တယ်။
၁၉၆၅ မေ မှာ Davis Hughes က Public Works ဌာနရဲ့ ၀န်ကြီးဖြစ်လာပါတယ်။ အောက်တိုဘာမှာ Utzon က အဆင့် ၃ အတွက် သူ့လုပ်ငန်းစဉ် တွေရဲ့ အချိန်စာရင်းတွေကို တင်ပြပါတယ်။ နောက်တော့လည်း ပြဿနာဆက်ဖြစ်ပြီး Utzon က Hughes ကို ခင်ဗျားဒါမလုပ်ရင် ကျွန်တော်နုတ်ထွက်တယ် လို့ ပြောတော့ Hughes ကလည်း ခင်ဗျားနုတ်ထွက်စာကို ကျုပ်လက်ခံတယ်။ ကျေးဇူးတင်ပါတယ်။ နှုတ်ဆက်ပါတယ် ဆိုပြီး ပြီးသွားရော။ ဟော ပြတ်သားလိုက်ကြတာ။ အဲ့ဒါနဲ့ ဖေဖော်ဝါရီ ၁၉၆၆မှာ Utzon နုတ်ထွက်သွားတယ်။ Utzon နုတ်ထွက်စာတင်ပြီးနောက် သြစတြေးလျ ဗိသုကာပညာရှင် Harry Seidler နှင့် စာရေးဆရာ Patrick White တို့ဦးဆောင်ပြီး Utzon ကို ပြန်လည်ခန့်အပ်ဖို့ ဆစ်ဒ်နီလမ်းမပေါ်မှာ ဆန္ဒပြကြပါတယ်။ ဒါပေမယ့် အစိုးရက လက်မခံတဲ့အတွက် Utzon ဟာ သူ့မိသားစုနဲ့အတူ အပြီးအပိုင် ထွက်ခွာ သွားခဲ့ပါတယ်။ သူ့ရဲ့ masterpiece ကိုကြည့်ဖို့တောင် လုံးဝပြန်မလာခဲ့ပါဘူး။ မတ်လမှာတော့ Hughes က ပြန်ပြီးတော့ အရင်ထက် အဆင့်နိမ့်တဲ့ ကြီးကြပ်ခွင့်မရှိတဲ့ ဒီဇိုင်း ဗိသုကာအကြံပေး အဖြစ်နဲ့ တစ်ခြား ဗိသုကာချုပ်တွေရဲ့ အောက်မှာ လုပ်ဖို့ ခေါ်ပေမယ့် Utzon က ငြင်းပယ်ခဲ့ပါတယ်။ ဘယ်သူ့ကြောင့် ပြဿနာ တက်ရလည်း ဆိုတာကတော့ ဘောလီဘောပုတ်ကြတာပေါ့။ ဒါပေမယ့် အခုတော့ ဒီဇိုင်းအတွက် Utzon ကို အပြည့်အ၀ credit ပေးထားပါတယ်။
မကြာသေးမီကတော့ အတွင်းပိုင်း ပြန်လည်ပြင်ဆင်မွမ်းမံတဲ့ အစီအစဉ်မှာ Utzon က အရောင်မျိုးစုံနဲ့ ထူပြောလှတဲ့ဒီဇိုင်းကို အကောင်အထည်ဖော်ဖို့ မျှော်လင့်ချက်ရခဲ့ပါတယ်။ ဒါပေမယ့် သူက အခုချိန်မှာ အသက် ၈၀ ကျော်ရှိနေပြီ။ သူ့ရဲ့သား Jan ကတော့ ယခုဒီဇိုင်း အသင်းရဲ့ အပိုင်းတစ်ခုမှာ Utzon ရဲ့ ကိုယ်စားလှယ်အဖြစ် ပါဝင်ဆောင်ရွက်နေပါတယ်။ သူတို့ရဲ့ အဖွဲ့ဖြစ်တဲ့ Utzon Architects က ဆစ်ဒ်နီ ကဇာတ်ရုံ အသင်းနဲ့ သဘောတူညီချက်ရပြီး အနာဂတ်မှာ ဆက်လက် ဖွံ့ဖြိုးရေးစီမံကိန်းတွေ နဲ့ ပြန်လည်မွမ်းမံခြင်းလုပ်ငန်းတွေမှာ ပါဝင်လုပ်ဆောင်ခွင့်ရသွားပါတယ်။
ဖွံဖြိုးရေးလုပ်ငန်းစဉ်ထဲက တစ်ချက်ကတော့ ဒီဇိုင်း ဥပဒေသတွေကို စာတမ်းပြုစုထားဖို့ပဲ။ ဒီစာတမ်းက ဖတ်ရှုသူကို အဆောက်အအုံထဲ အတွင်းကျကျ ခေါ်ဆောင်သွားသလိုမျိုး နောက်ကွယ်မှာ ရှိတဲ့ ဒီဇိုင်းကို ဘယ်လို ဆုံးဖြတ်ချက်ချပြီး နောက်ဆုံး ဘယ်လို ရလဒ်တွေရခဲ့လဲဆိုတဲ့ ဒီဇိုင်း ဥပဒေသ တွေကို ရှင်းလင်းပြထားမှာပါ။ နောက်ပြီး ဒီစာတမ်းက နောင်လာနောက်သားတွေ အတွက် အဆောက်အအုံ ပြောင်းလဲ ပြင်ဆင်မှုတွေ လုပ်တော့မယ်ဆိုရင် လမ်းညွှန်စာတမ်းတစ်အုပ် အနေနဲ့ ကိုးကားနိုင်ဖို့ရန် အတွက်ပါ။ Utzon က ပြောခဲ့ပါတယ်။ ဒီအဆောက်အအုံ ဟာ အနုပညာအတွက် အမြဲတိုးတက်ပြောင်းလဲ အသက်ဝင်နေတဲ့ နေရာတစ်ခု ဖြစ်စေဖို့ သူမျှော်ကိုးပါတယ်။ နောင်လာနောက်သားတွေလဲ ဒီအဆောက်အအုံ ကို ခေတ်နဲ့အညီ အသုံးချနိုင်ဖို့ရာ ပြင်ဆင်နိုင်ဖို့ လွတ်လပ်မှုအပြည့် ရှိသင့်ပါတယ် လို့ ပြောသွားပါတယ်။ နောက်ပြီး သူ့အနေနဲ့ ဆစ်ဒ်နီ ကဇာတ်ရုံဟာ တူရိယာပစ္စည်းတစ်ခုလိုပါပဲတဲ့။ အမြဲတမ်း အကောင်းဆုံးနဲ့ အဆင့်အမြှင့်ဆုံး ဖျော်ဖြေနိုင်ဖို့ရာ အချိန်နဲ့အမျှ အသံညှိပေးရမယ်၊ ပြုပြင်ထိန်းသိမ်းမှုတွေ လုပ်ပေးရမယ်တဲ့။
ဆစ်ဒ်နီ ကဇာတ်ရုံ ကို ဘုရင်မ အဲလစ်ဇ်ဘတ် ၂ က အောက်တိုဘာ ၂၀၊ ၁၉၇၃ မှာ ဖွင့်လစ်ပေးခဲ့ပါတယ်။ အဲ့ဒီနေ့မှာပဲ Utzon က the Royal Institute of Architects Australia ရဲ့ ရွှေတံဆိပ်ဆုကို ချီးမြှင့်ခံရပေမယ့် သူကိုယ်တိုင် ဖွင့်ပွဲကိုတောင် မတက်ရောက်နိုင်ခဲ့ပါဘူး။
၂၀၀၃ခုနှစ်မှာ ဆစ်ဒ်နီ ကဇာတ်ရုံရဲ့ အနှစ် ၃၀ပြည့် မွေးနေ့မှာပဲ Jorn Utzon ဟာ ဗိသုကာလောကရဲ့ အမြှင့်ဆုံးဆုဖြစ်တဲ့ ပရစ်ဇ်ကာ ဗိသုကာဆုကို ချီမြှင့်ခံခဲ့ရပါတယ်။ Utzon ဒီဇိုင်းဆွဲတဲ့ ပထမဆုံး ဖျော်ဖြေရေးအတွင်းပိုင်းကို စက်တင်ဘာ ၁၆၊ ၂၀၀၄ မှာ ဖွင့်လှစ်ပြီး Utzon ကို ဂုဏ်ပြုတဲ့ အနေနဲ့ Utzon Room လို့ မှည့်ခေါ်ခဲ့ပါတယ်။ သူ့ကို ယခုလိုနာမည် ပေးတာကို လက်ခံနိုင်ပါသလားလို့ မေးတော့ သူက ယခုလို ဂုဏ်ပြုတာဟာ သူ့ဘ၀မှာ ဒီထက် ကြီးကျယ်တဲ့ ဂုဏ်ပြုခံရခြင်းမျိုး မရှိနိုင်တော့ဘူးလို့ ပြောသွားပါတယ်။ ပြီးတော့ သူရခဲ့သမျှ ဘယ်လို ဆုတံဆိပ်မျိုးထက်မဆို သာပါတယ်တဲ့။ ၂၀၀၆ ခုနှစ်မှာ ဘုရင်မ အဲလစ်ဇ်ဘတ် ၂ က ပဲ Utzon ဆွဲတဲ့ အတွင်း ဒီဇိုင်း ခန်းမတွေကို ဖွင့်လှစ်ပေးခဲ့ပါပြီး visionary architect အဖြစ် Utzon ကိုချီးမြှောက်ပေမယ့် သူ့သားသာ တက်ရောက်နိုင်ခဲ့ပါတယ်။ သူ့သားက အဖေက အရမ်းအိုနေပြီဖြစ်တဲ့အတွက် သြစတြေးလျကို လာဖို့ လေယာဉ် အကြာကြီးမစီးနိုင်တော့လို့ပါ။ ဒါပေမယ့် သူ့စိတ်က ဒီအဆောက်အအုံထဲမှာ နေထိုင်ပြီး ရှင်သန်ဆဲပါ၊ ကဇာတ်ရုံ ဖန်တီးသူမို့ သူမျက်စိမှိတ်ပြီး မျှော်မှန်းကြည့်ရုံပါပဲ ဆိုပြီးပြောသွားပါတယ်။
ဒီနာမည်ကျော် အော်ပရာ ကဇာတ်ရုံ ဟာ တကယ်တော့ performance အခန်းအများကြီး စုပေါင်းပြီး အဖြူရောင် ကျောက်ပြားကပ် ရွက်ပုံစံ ကွန်ကရစ် အမိုးခုံးအောက်မှာ စုပေါင်းထားတဲ့ အဆောက်အအုံ တစ်ခုပါပဲ။ Bennelong Point မှာ ၀င့်ဝင့်ထယ်ထယ်နဲ့ သြစတြေးလျရဲ့ ဂုဏ်ဆောင် အမှတ်အသားတစ်ခုအဖြစ်တည်ရှိနေပါတယ်။ UNESCO ရဲ့ ကမ္ဘာ့အမွေအနှစ်ထိန်းသိမ်း စောင့်ရှောက်ရေး ကော်မတီက ဒီ ဆစ်ဒ်နီ ကဇာတ်ရုံကို ဘယ်သူမှငြင်းမရနိုင်သော ၂၀ရာစုရဲ့ masterpiece တွေထဲက တစ်ခုအနေနဲ့သာမက လူသားအားလုံးရဲ့ သမိုင်းထဲက masterpiece ပါလို့ Expert evaluation report က မှတ်ချက်ပြုပါတယ်။
ကဲ… ဗိသုကာ စိတ်ဝင်စားတဲ့ စာဖတ်ပရိသတ်လည်း အခွင့်ကြုံရင် သွားလည်ပြီး လေ့လာကြဖို့ တိုက်တွန်းပါတယ်။ လက်မှတ်နဲ့ ကပွဲ အစီအစဉ်တွေကို www.sydneyoperahouse.com မှာ သွားကြည့်နိုင်ပါတယ်။ ကပွဲ ပြဇာတ်တွေ မကြည့်ချင်လည်း ရတယ်ထင်ပါတယ်။ Opera House Tour ရှိပါတယ်။ သြစတြေးလျက စာဖတ်ပရိသတ်များရှိရင် သွားလည်ဖို့ အကြံပြုပါရစေ။ လည်ပြီးရင် ဒါမှမဟုတ် လည်ဖူးရင် ကိုယ့်ရဲ့ အတွေ့အကြုံလေးတွေ ဝေမျှသွားပါအုံးဗျာ။ အားလုံးပဲ ကျေးဇူးတင်ပါတယ်။
လင်းစစ်သူ
