က - ကလေးငယ် ချစ်စဖွယ်

တစ်ချို့သူတွေက ကျွန်တော့်ကို ပြောတယ်။ အထူးအဆန်းတွေ လန့်စရာတွေပဲ ရှိပါသလားတဲ့။ ကျွန်တော်က ဒါမျိုးလာစမ်းလို့ ဘယ်ရမလဲ ဆိုပြီး ချစ်စရာတီတာတာ လေးတွေလည်း ရှိပါ့ ဆိုပြီး ဖြေလိုက်တယ်။ ဒီတစ်ခါတော့ လက်တွေ့ပြမယ် ဆိုပြီး က - ကလေးငယ် ချစ်စဖွယ် လေးတွေကို စီတန်းပြီး တင်ပြလိုက်ရပါတယ်။ ဒီကလေး တွေအားလုံးက ကျွန်တော့် ဘလော့ခ်မှာ ရှိတယ့် ဘယ်ဘက် widget အောက်ဆုံးနားက ဘလောခ့်ဂါ လစ့်ထဲမှ ကိုကြီး မကြီးတို့၏ ငယ်ငယ်တုံးက ပုံများအား တင်ထားခြင်းလို့ ယူဆပါမယ်။ ဒါကြောင့် ကျွန်တော် ကလေးများကို နာမည်တွေပေး မှာဖြစ်ပါတယ်။ :) အားလုံးထဲ မှာ ကျွန်တော် အချစ်ဆုံး ကလေးငယ်ကတော့ ဟိုးအောက်ဆုံးက ဖရဲသီး အား အားရပါးရကိုက်စားနေသော ကိုမော်စီ ဖြစ်ပါသည်။ စုစုပေါင်း ဘလောခ့်ဂါ ၁၂ ယောက်ပါဝင် သရုပ်ဆောင် ထားတာ ဖြစ်ပါတယ်။


၁။ ပန်းရောင်ဦးထုပ်လေး နှင့် ချောင်းကြည့်နေတဲ့ ကောင်မလေးကတော့ မြန်မာပြည်ကို လွမ်းပါတယ် ဆိုတဲ့ မမေ ပဲဖြစ်ပါတယ်။ ချိုချဉ် ကျွေးမယ်ဆိုပြီး မမေ ကို မျှားခေါ်လာတာ။ မမေ ချောင်းကြည့်နေတုံး - ကင်မရာ ရိုက်ပလိုက်တာ ဖြစ်ပါတယ်။

၂။ သူကတော့ နွားအရေခွံ လေးဝတ်ပြီး အတွေးကမ္ဘာထဲ ပျော်မြူးနေတဲ့ Apprenticeship ပဲ ဖြစ်ပါတယ်။ ပြုံးလို့ ဖြီးလို့ပေ့ါဗျာ။ ဘာတွေစဉ်းစားနေလဲဆိုတာ တော့ မပြောပြဘူးတဲ့။ လျှို့ဝှက်ချက်တဲ့လေ။ အတင်းမေးတာ။ လုံးဝပဲတဲ့။ မပြောနိုင်ဘူးတဲ့။ သိချင်ရင်တော့ တိုက်ရိုက်တာ မေးပါရန်။

၃။ အဲ့ဒါက မမေမိုး - မနက်စောစောစီးစီး။ အိပ်ရာက ထတုန်း။ လှမ်းရိုက်လိုက်တာ။ အဲ့ဒီပုံလေးကို မိသွားတယ်။ ဦးထုပ် ဖြူဖြူ လေးကို ဆောင်းပြီး အိပ်တာပါတဲ့။ မျက်စိ နှစ်ဖက်ကတော့ မှိတ်လို့။ အိပ်ချင်နေသေးတယ် ထင်ပါတယ်။ ဟုတ်မှာပါ။ အတင်းနှိးပြီး ရိုက်လိုက်တာပါ။ ဓာတ်ပုံလိုချင်လို့။ :)

၎။ သူကတော့ ကိုတောင်ငူသား လေ။ သူ့ကောင်မလေးကို ရည်းစား စကား သွားပြောတာ - ဟိုက ပြန်ပြောလိုက်တယ်၊ နှစ်ယောက်လုံးက ငယ်ပါသေးတယ်တဲ့။ အရွယ်ရောက်မှ စဉ်းစားမယ်တဲ့။ သူကတော့ စိတ်တွေ ဆိုးပြီး မျက်နှာကြီးကို အဲ့လိုလုပ်ထားတာ။

၅။ သူကတော့ ကိုမင်းမင်း ပဲ ဖြစ်ပါတယ်။ အားလုံးပဲ သိကြမယ်လို့ ထင်ပါတယ်။ ကြီးလာရင် သူ့ကောင်မလေး ကို အနမ်းပေးဖို့ ငယ်ငယ်ထဲ က ပြင်းပြင်းထန်ထန် အားကြိုးမာန်တက် လေ့ကျင့်နေတာလို့ သိရှိရပါတယ်။ နှုတ်ခမ်း တောင် တော်တော် ချွန်နေပြီ ဖြစ်ပါတယ်။ လေ့ကျင့်တာ များသွားလို့။

၆။ တစ်ခြားသူတော့ မဟုတ်ဘူး။ ကိုညမီးအိမ် ဖြစ်ပါတယ်။ ဖြစ်ပုံကတော့ ဒီလိုဗျ။ ပြောရမယ်ဆိုရင်တော့။ စိုးတာပေါ့ဗျာ။ လူကြီးတွေ အပြင်သွားမယ်။ ကလေးတွေ အိမ်မှာနေခဲ့လို့ ပြောလိုက်တာ။ ထကြမ်းတော့တာပဲ။ သူကပြောတယ်။ လိုက်မလို့ ရေမိုးချိုးပြီး အ၀တ်လဲတော့ မှာတဲ့။ အဆင်သင့် ပြင်နေတာ။ အဲ့လိုလုပ်လို့ စိတ်တိုသွားတာလို့ ဆိုပါတယ်။

၇။ သူကတော့ တစ်ခြားသူမဟုတ်ဘူး။ ကိုစိုင်းဝဏ ပဲဖြစ်ပါတယ်။ သူကလဲပဲ မမေကို အားကျလို့ပါတဲ့။ ဦးထုပ်အောက်ကို ၀င်ပြီး ပဲထုတ်နေတာပါ။ မျက်နှာကိုတော့ ချစ်စရာကောင်းအောင် မရယ်မပြုံးပဲ ရယ်တော့မည့် ဟန် ဖြစ်အောင် သရုပ်ဆောင်ထားပါတယ်တဲ့ဗျာ။

၈။ သူ့နာမည်က မင်းကျန်စစ် တဲ့။ ဘာကိစ္စနှင့် ပြဿနာ တက်နေသလဲ ဆိုတာကို ကျွန်တော်တို့ စုံစမ်းဆဲ ဖြစ်ပါတယ်။ ဖြစ်နိုင်ချေ ရှိတာ ကတော့ ကောင်မလေး တစ်ယောက်ကြောင့်လို့ ယူဆ ထားပါတယ်။ တော်ကြာမှ ဆုံးမရဦးမယ် - ဆေးလိပ်သောက်လို့။ :D

၉။ မညောင်းတမ်း မျက်နှာ သုတ်ပါဝါ အောက် မှာနေပြီး မျက်စိ မှိတ်မှတ် ပြနေတဲ့ သူကတော့ ကိုငြိမ်းစု ပဲဖြစ်ပါတယ်။ ရပ်ပါတော့ လို့ ပြောတာ ပြောလို့ကို မရဘူး။


၁၀။ သူ့နာမည်က ကိုစိုးထက် တဲ့။ သူက ငယ်ငယ်တုံးက တော်တော်စိုးတယ်တဲ့။ ဒါကြောင့် အမြင်ကတ်ကတ်နဲ့ သူ့ကို သူ့အမကြီးက ဟန်ဘာဂါ လုပ်ပြီး စားမလို့တဲ့။ တော်တော်တောင် တားယူလိုက်ရတယ်။

၁၁။ ဗိုက်ဆာတယ် ဆိုပြီး မီးဖိုချောင်ထဲ ၀င်ကာ ကြုံရာ ကိုက်စားနေသော ကိုမော်စီ ဆိုတဲ့ တီတာတာ ကတော့ သူပဲဖြစ်ပါတယ်။ အဲ့ဒါက စားတာ ၅ခု မြောက်တဲ့။ အစားကပုတ် တယ်။ ငယ်ငယ်ထဲက။


၁၂။ သူကတော့ ကိုနတ်ရှင်နောင် ပဲ ဖြစ်ပါတယ်။ ငယ်ငယ်ထဲက ကြည့်ပါဦး။ မော့တတ်နေပြီ။ နို့ဘူး အစား အဲ့ဒါတွေကို သုံးဆောင်တာ သိပ်မိုက်ပါတယ် တဲ့ဗျာ။ အယ်.. ခြေထောက်ကလေး နဲ့ မော့ရတာ ကိုမှ ပိုပြီး အရသာ ရှိပါတယ်တဲ့။

အားလုံးပဲ စိတ်ချမ်းသာကြပါစေ။
Tea

အပိုင်း ၂ လာပါဦးမည်။ နောက် တစ်ခြား ဘလောခ့်ဂါတွေဖြစ်သည်။ ပါဝင်ချင်သူများ ကြိုတင်စာရင်းသွင်း ထားနိုင်ပြီ။

မှတ်ချက်။ ဖတ်လို့ကောင်းအောင် ဘလောခ့်ဂါ ၁၂ယောက်အား ထည့်သွင်း လိုက်ခြင်းပါ။ ဓာတ်ပုံတွေကိုတော့ ကျွန်တော့် သူငယ်ချင်း တစ်ယောက်က ကျွန်တော့် ဘလောခ့်မှာ တင်ဖို့ဆိုပြီး ပို့ထားတာပါ။ သူမရဲ့ ရှာဖွေမှုတွေပါ။ ခေါင်းစဉ်တွေ နာမည်ပေးတဲ့နေရာမှာ အထူးအဆန်းဖြစ်သွားစေတဲ့ သရုပ်ဆောင်ထား ကြသော ကိုကိုတို့ မမတို့အား အထူးကျေးဇူးတင်ရှိပါကြောင်း။