ကြောက်စရာ AIDS ရောဂါ (၁)

မင်္ဂလာပါခင်ဗျာ။ အားလုံးပဲနေကောင်းကြရဲ.လား။ ဒီတစ်ပတ်တော့ ကမ္ဘာကြီးကို လက်ရှိအချိန်အထိ ခြိမ်းခြောက်နေဆဲဖြစ်တဲ့ ကြောက်စရာ AIDS (Acquired Immunodeficiency Syndrome) ရောဂါအကြောင်းကို အပိုင်း (၁) အနေနဲ.ဆွေးနွေးတင်ပြမှာဖြစ်ပါတယ်။


AIDS ရောဂါဟာ မြန်မာလို ခုခံအားကျဆင်းမှုရောဂါလို.ဆိုတဲ့အတိုင်း ကိုယ်ခန္ဓာရဲ. ခုခံမှု အဖွဲ.အစည်း Immune System ကို ထိခိုက်ယို.ယွင်း သွားစေပါတယ်။ ဒါဟာ HIV( Human Immunodeficiency Virus) ကြောင့် ဖြစ်ရတာပါ။


HIV ဟာ Retro Virus အမျိုးအစားအောက်ထဲက Virus ပါ။ Immune System ကိုထိခိုက်တဲ့အတွက် ပြင်ပက ရောဂါပိုးတွေ၊ သာမန်လူတွေမှာ ရောဂါမပေးတဲ့ ရောဂါပိုး အသေး အမွှားတွေ၊ မှိုရောဂါတွေ ဟာခန္ဓာကိုယ်အနှံ.မှာ ဖြစ်လာပါတယ်။ ဒါကို opportunistic infections လို.ခေါ်ပါတယ်။ မူလပုံမှန် ဆဲလ်တွေလည်း ကင်ဆာ ဆဲလ်တွေ အဖြစ် (Neoplasia) ပုံပြောင်း သွားနိုင်ပါတယ်။ AIDS ရောဂါဟာ အခုအခါမှာ တစ်ကမ္ဘာလုံးမှာပျံ. (pandemic ဖြစ်) နေပါပြီ။ ကုသမှု ဆေးအသစ် အသစ်တွေ ထွက်ပေါ် လာပေမယ့် ရောဂါအခြေနေကို ထိန်းချုပ်နိုင်ရုံပဲ ဖြစ်ပါတယ်။ အမြစ်ပြတ်မကုသနိုင်သေးပါဘူး။ အခုရောဂါ ဘယ်လိုဖြစ်သလဲဆိုတာကိုကြည့်ရအောင်။


ရောဂါဖြစ်ပုံ

HIV ပိုးစတင်ဝင်ရောက်တဲ့ အချိန်ကနေ AIDS ရောဂါလက္ခဏာစပြတဲ့အချိန် ကြားကာလကို Window Period လို.ခေါ်ပါတယ်။ AIDS ရောဂါဖြစ်တဲ့ အခါမှာ ခန္ဓာကိုယ်ရဲ. Immune System က ဆဲလ်တွေကို ပျက်စီး လျော့နည်းစေပါတယ်။ ဒီဆဲလ်တွေ အကြောင်း အရင်ပြောလိုပါတယ်။ Immune System ရဲ. အဓိက ဆဲလ်တွေကတော့ T cells, B cells နဲ. Macrophage တွေ ဖြစ်ကြပါတယ်။ T cell မှာ CD4+ T cell (Helper T Cell) နဲ. CD8+ T cell (Cytotoxic T Cell) ဆိုပြီး နှစ်မျိုး ရှိပါတယ်။ အဲဒီမှာ CD4+ T cell က ပိုအရေးကြီး ပါတယ်။

တီးဝိုင်းတစ်ဝိုင်းမှာ တီးဝိုင်း ခေါင်းဆောင်က အရေးကြီးသလို Immune System မှာ CD4+ T cell ကို Bandmaster of the Immune System လို.တောင် တင်စား ခေါ်ဝေါ်ကြပါတယ်။ ဘာလို.လဲဆိုတော့ CD4+ T cell က တစ်ခြား Immune cell တွေဖြစ်တဲ့ B cell နဲ. Macrophage တွေကိုလှုံ.ဆော်ပေး နိုင်တယ်။ တစ်နည်း ပြောရရင် Immune System ရဲ. Cellular Immunity နဲ. Humoral Immunity တို.ကို တစ်ဆင့်ပြီး တစ်ဆင့် လှုံ.ဆော် ပေးနိုင်တယ်။ ဒီတော့ ၀င်လာတဲ့ ရောဂါပိုး (သို.) foreign body တွေကို ထိထိ ရောက်ရောက် တိုက်ခိုက် ဖျက်ဆီးနိုင်တယ်၊ ခန္ဓာကိုယ်ကို အန္တရာယ် မကျရောက်အောင် ကာကွယ် ပေးတယ်။ HIV ရောဂါပိုး ကလည်း ဒီအရေးကြီး ပါတယ်ဆိုတဲ့ CD4+ ကိုမှ ဖျက်ဆီးပစ်တော့ ခက်တော့ တာပေါ့။ CD4+ T cell တွေ လျော့နည်းတာဟာ Immune System ကြီး တစ်ခုလုံး တစ်ဖြည်းဖြည်း ပျက်စီးလာတာနဲ. အတူတူပါပဲ။ ရောဂါတွေလည်း တစ်ခုပြီး တစ်ခုဝင်လာ ပြီး နောက်ဆုံးမှာ့ ။ CD4+ cell တွေ အရမ်းကျဆင်း လာပြီး ဒုက္ခရောက်တာပါပဲ။ အသေးစိတ်ပြောရမယ်ဆိုရင် အဆင့် ၃ ဆင့်ခွဲပြောလို.ရပါတယ်။


Early, Acute Phase
ဒီအဆင့်ကတော့ ရောဂါပိုး ကူးစက်ခံရပြီး သိပ်မကြာသေးတဲ့ အခြေနေပေါ့။ HIV ပိုးတွေသွေးထဲမှာ ခဏများပြီး ဆက်ပွားနေမယ်။ ပြီးတာနဲ. ခန္ဓာကိုယ်မှာရှိတဲ့ Lymph Node (ပြန်ရည်အကျိတ်)တွေထဲမှာ သွားပြီး အောင်းနေမယ်။့ ။ CD4+ T cell တွေ ခဏ တဖြုတ် နည်းသွားမယ်။ ပိုးပွားတာကို ထိန်းချုပ်ဖို. CD8+ T cell တွေ များလာပြီး ခဏပဲ ထိန်းချုပ်နိုင်တယ်။ ပြန် ထိန်းချုပ်နိုင်တယ် ဆိုတာ ဒီအဆင့်မှာပဲရှိပါတယ်။ နောက်ပိုင်း ပိုဆိုးလာရင် ဘယ်လိုမှ မထိန်းချုပ်နိုင်တော့ပါဘူး။

လက္ခဏာ
ရောဂါပိုး ကူးစက် ခံရပြီး ၃ ပတ်ကနေ ၆ပတ် အကြာမှာ ဖျားသလိုလို၊ လည်ချောင်း နာသလိုလိုဖြစ်မယ်။ ကိုယ်အလေးချိန် အနည်းငယ် ကျသွားမယ်။ အရေပြားမှာ အနီစက်လေးတွေ (Rash) တွေ ထွက်လာမယ်။ ၀မ်းလျှောတာ၊ အော့အန်တာတွေ ဖြစ်မယ်။ ဒီလက္ခဏာတွေဟာ ယာယီပဲဖြစ်တာပါ။ ၂ပတ်ကနေ ၄ပတ်အတွင်း ပြန်ပျောက်သွားပါတယ်။ ကျသွားတဲ့ CD4+ count ကလည်း ၆ပတ်ကနေ ၁၂ပတ်အတွင်း ပုံမှန်ပြန်ဖြစ်ပါတယ်။

Middle, Chronic Phase
ဒီအဆင့်မှာတော့ ရောဂါပိုးပွားတာကို မတားနိုင်တော့တဲ့အတွက် ရောဂါပိုးတွေ ဆက်ပွားလာပါတယ်။ CD4+ T cell အရေအတွက်လည်း တစ်ဖြည်ုးဖြည်း လျော့ကျလာပါတယ်။ ကျသွားတာကို ပြန်ကာမိဖို.အတွက် CD4+ အသစ်တွေကိုလည်း Immune System က ပြန်ပွား ပေးပြန်ပါတယ်။ ပျက်လိုက်၊ ဖြစ်လိုက်ပေါ့ဗျာ။

လက္ခဏာ
ပြန်ရည်အကျိတ် (Lymph Node)တွေကြီးလာပါတယ်။ ဖျားနာတဲ့ လက္ခဏာတွေ မတွေ.ရတော့ပါဘူး။ ဒီအဆင့်ဟာ နှစ်နဲ.ချီပြီး( ၇နှစ်ကနေ ၁၀နှစ်လောက်အထိ) ကြာနေနိုင်ပါတယ်။ ဒီအဆင့်ပြီးရင်တော့ အခြေနေ သိပ်မကောင်း တော့ပါဘူး။ နောက်ဆုံးအဆင့်ပေါ့။

Final, Crisis Phase
ဒါကတော့ HIV အကူးစက်ခံအဆင့်ကနေ AIDS (full blown AIDS လို.လည်းပြောကြပါတယ်) အဆင့်ကို ရောက်တော့မယ့် နောက်ဆုံးအဆင့်ဖြစ်ပါတယ်။ ဒီအဆင့်အပြီးမှာ ရောဂါလက္ခဏာကြီးကြီးမားမားတွေ စပြီးပြလာပါတော့တယ်။ Atlanta မြို.မှာရှိတဲ့ CDC (Centre for Disease Control) ရဲ.သတ်မှတ်ချက်အရ HIV ပိုးရှိပြီးသူတစ်ယောက်ဟာ CD4+ count 200 cells/µL အောက်ရောက်နေပြီဆိုရင်တော့ full blown AIDS လို.သတ်မှတ်ပါတယ်။ CD4+ T cell တွေမရှိတော့တဲ့ အပြင် ပြန်လည်ပွားယူဖို.နဲ. CD8+ T cell တွေဝင်ရောက်တိုက်ခိုက်ပေးဖို.ဆိုတာ မဖြစ်နိုင်တော့ပါဘူး။ Immune System ဟာ HIV ရန်သူတွေကို စစ်ရှုံးတဲ့ခြေနေ ရောက်နေပါပြီ။

လက္ခဏာ
လူနာဟာ ဖျားနာနေတာ တစ်လထက်မကကြာနေမယ်။ မောပမ်းနွမ်းနယ်နေမယ်။ အလကားနေရင်း ၀မ်းလျှောမယ်။ opportunistic infection (ဒီအေကြာင်းကိုနောက်မှအသေးစိတ်ပြောပါမယ်) တွေဖြစ်မယ်။ ကင်ဆာဆဲလ်တွေဖြစ်ပေါ်လာမယ်။
( CD4 cell တွေကို HIV ကဘယ်လိုဖျက်စီးပစ်တာလဲ၊ HIV ပိုးရဲ. Structure ၊ရောဂါလက္ခဏာတွေ၊ကူးစက်ပုံ၊ ကာကွယ်ပုံတွေကို နောက်အပတ်မှ ဆက်လက်ဆွေးနွေးကြတာပေါ့။)